«ГУЛИ ҚОҚУ» ДАР «ЧОРСӮ». Театри лӯхтаки Тоҷикистон дар Фестивали дуюми байналмилалии театрҳо дар Русия ширкат мекунад
ДУШАНБЕ, 31.05.2022 /АМИТ «Ховар»/. Театри давлатии ҷумҳуриявии лӯхтаки шаҳри Душанбе бо дастгирии Вазорати фарҳанги Ҷумҳурии Тоҷикистон дар Фестивали дуюми байналмилалии театрҳои лӯхтак таҳти унвони «Чорсӯ» (Перекрёсток), ки дар шаҳри Новосибирски Федератсияи Русия бахшида ба Рӯзи байналмилалии ҳифзи кӯдакон аз 1 то 5 июн баргузор мегардад, бо намоиши «Гули қоқу» («Одуванчик») ширкат меварзад. Дар ин бора роҳбари бадеии Театри давлатии ҷумҳуриявии лӯхтаки шаҳри Душанбе Наргис Розиқзода ба АМИТ «Ховар» хабар дод.
Муаллифи намоиши «Гули қоқу» Маҳинбону Гасанова ва коргардони таҳиягар Мунира Зоирова мебошанд ва он бо забони русӣ омода гардидааст.
«Ҳунарпешагони театри мо дар радифи дувоздаҳ кишвари ҷаҳон санъати бостонии лӯхтакбозии мардуми тоҷикро дар ин фестивали байналмилалӣ муаррифӣ менамоянд», — гуфт Наргис Розиқзода.
Дар фестивали мазкур ҳунарпешагони театрҳои Федератсияи Русия, аз ҷумла актёрони театрҳои лӯхтаки шаҳрҳои Москва, Санкт-Петербург, Перм, Барнаул, Ҷумҳурии Халқии Донетск, шаҳри Витебски Ҷумҳурии Беларус ва шаҳри Алмаатои Ҷумҳурии Қазоқистон намоиши худро манзури тамошобинони сершумор менамоянд.
АКС: Театри давлатии ҷумҳуриявии лӯхтаки шаҳри Душанбе
15 АВГУСТ–РӮЗИ БАЙНАЛМИЛАЛИИ БОСТОНШИНОСӢ. Зиёда аз 70 фоизи мероси таърихию фарҳангии Тоҷикистонро ёдгориҳои бостонӣ ташкил медиҳанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Раиси шаҳри Шероз дар Осорхонаи миллии Тоҷикистон бо таъриху тамаддуни тоҷикон шинос гардид
ТАМАДДУНИ ТОҶИКОН. Аз ёдгории таърихии «Сайёд» муҳри шоҳии марбут ба аҳди Кӯшониён дарёфт гардид
Таҳти унвони «Эмомалӣ Раҳмон: абармарди сиёсат, ҳақиқатнигори таърих, ҳувиятофари миллат» конференсияи байналмилалӣ доир шуд
Дар Душанбе рӯзҳои фарҳанги вилояти Суғд, ноҳияҳои Ванҷ, Шуғнон ва Рӯшон баргузор мегарданд
Оид ба вазъ ва дурнамои хизматрасонӣ ба истифодабарандагон дар китобхонаҳо ҳамоиш доир шуд
Дар Душанбе Рӯзи фарҳанги ноҳияи Варзоб баргузор шуд
Дар Душанбе Рӯзи фарҳанги ноҳияи Муъминобод шукуҳманд баргузор гардид
Имрӯз дар боғҳои пойтахт рӯзҳои фарҳанги шаҳри Роғун, ноҳияҳои Варзоб ва Муъминобод баргузор мегарданд
Рӯзи фарҳанги ноҳияи Шамсиддин Шоҳин дар Душанбе баргузор гардид
Рӯзи фарҳанги ноҳияҳои Тоҷикободу Нуробод бо шукуҳу шаҳомати хос баргузор шуд
