Имрӯз дар Душанбе Чемпионати CAFA-2022 миёни дастаҳои наврасони то 16-сола оғоз мешавад

Май 13, 2022 08:11

ДУШАНБЕ, 13.05.2022. /АМИТ «Ховар»/. Имрӯз, 13 май дар Душанбе Чемпионати Ассотсиатсияи футболи Осиёи Марказӣ (CAFA) миёни дастаҳои наврасони то 16-сола оғоз мешавад. Панҷ даста – Тоҷикистон, Эрон, Афғонистон, Узбекистон ва Қирғизистон барои унвони беҳтарин дастаи минтақа мубориза мебаранд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дар арафаи оғози чемпионат дирӯз дар шаҳри Душанбе ҷаласаи пеш аз мусобиқа баргузор гардид.

Дар бозиҳои чемпионати CAFA-2022 панҷ мутахассис аз Тоҷикистон кор мекунанд. Беҳрӯзи Айниддинзода комиссари ин мусобиқа таъйин шуда, Абдураҳим Бобоев доваронро назорат мекунад. Довари ФИФА Абдулло Давлатов ва ёварони довари ФИФА Акмал Бӯриев ва Исмоил Нуралиев ҳакамии вохӯриҳоро ба уҳда доранд.

Чемпионати Ассотсиатсияи футболи Осиёи Марказӣ миёни дастаҳои мунтахаби то 16-сола аз рӯйи системаи даврӣ дар як марҳила баргузор мешавад. Дастаи ғолиб аз рӯи шумораи бештари холҳо муайян мегардад.

Дар маҷмӯъ, дар доираи чемпионати CAFA-2022 (U-16) даҳ бозӣ баргузор мешавад. Ҳама вохӯриҳо дар Варзишгоҳи марказии Душанбе сурат мегиранд.

Чемпионати CAFA-2022 байни дастаҳои наврасон (U-16)

Иштирокчиён: ТОҶИКИСТОН, Эрон, Афғонистон, Узбекистон, Қирғизистон.

Даври 1
13 май (ҷумъа)

18:00 – Узбекистон – Эрон

21:00 – Афғонистон – Қирғизистон

Даври 2
14 май (шанбе)

18:00 – Афғонистон – Узбекистон

21:00 – Қирғизистон – ТОҶИКИСТОН

Даври 3
16 май (душанбе)

18:00 – Эрон – Қирғизистон

21:00 – ТОҶИКИСТОН – Афғонистон

Даври 4
18 май (чоршанбе)

18:00 – Эрон – Афғонистон

21:00 – Узбекистон – ТОҶИКИСТОН

Даври 5
20 май (ҷумъа)

18:00 – Қирғизистон – Узбекистон

21:00 – ТОҶИКИСТОН – Эрон

Акс: ФФТ

Май 13, 2022 08:11

Хабарҳои дигари ин бахш

Дар Хуҷанд чемпионати ҷумҳуриявӣ оид ба шиноварӣ ҷамъбаст гардид
«PANDA CUP 2026». Дастаи мунтахаби ҷавонони Тоҷикистон (U-20) бо дастаи Чин мусовӣ бозӣ кард
Дастаи мунтахаби Тоҷикистон оид ба футбол ба финали Кing’s Сup 2026» баромад
Аъзои дастаи мунтахаби наврасони Тоҷикистон (U-17) бар ҳамсолонашон аз Фиҷи пирӯз шуданд
«KING’S CUP 2026». Имрӯз дастаи мунтахаби Тоҷикистон дар даври нимниҳоии мусобиқа бо тими яккачини Умон бозӣ мекунад
Дастаи мунтахаби Тоҷикистон оид ба футзал бозии дӯстонаи дуюмро бо Узбекистон мусовӣ анҷом дод
Дастаи мунтахаби ҷавонони Тоҷикистон (U-20) дар оғози Мусобиқаи «Рanda Сup-2026» бо Кореяи Ҷанубӣ ҳисоби бозиро мусовӣ кард
Дастаи мунтахаби Тоҷикистон омодагӣ ба мусобиқаи «Кing’s Сup 2026»-ро оғоз кард
Паҳлавонони тоҷик аз Чемпионати ҷаҳон оид ба самбо бо шаш медали ифтихорӣ бармегарданд
Дастаи мунтахаби наврасони Тоҷикистон (U-17) бо дастаи Кот-д’Ивуар мусовӣ бозӣ намуд
Президенти Кумитаи миллии паралимпии Тоҷикистон дар ҷаласаи Кумитаи байналмилалии паралимпӣ иштирок намуд
Дастаи мунтахаби футзали Тоҷикистон бозии дӯстонаи якумро бо дастаи Узбекистон анҷом дод