Масъалаи таъсиси Фонди байналмилалии ҳифзи пиряхҳо дар Тоҷикистон мавриди баррасӣ қарор гирифт
ДУШАНБЕ, 05.05.2022 /АМИТ «Ховар»/. Масъалаи таъсиси Фонди байналмилалии ҳифзи пиряхҳо дар Тоҷикистон дар вохӯрии маҷозии раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода бо Намояндаи доимии Ҷумҳурии Тоҷикистон дар Созмони Милали Муттаҳид (СММ) Ҷонибек Ҳикмат баррасӣ гардид.
АМИТ «Ховар» бо истиннод ба Кумитаи ҳифзи муҳити зисти назди Ҳукумати ҷумҳурӣ иттилоъ медиҳад, ки Намояндаи доимии Ҷумҳурии Тоҷикистон дар СММ доир ба механизми таъсиси фондҳои байналмилалӣ гуфт, ки бо ибтикори Тоҷикистон Маҷмаи Умумии СММ ҳашт қатънома қабул кард ва кишвари мо борҳо дар сатҳи баланд ҳамоишҳои байналмилалӣ доир намуда, масъалаҳои муҳимро баррасӣ кардааст.
Зикр шуд, ки роҳи муассиртарин барои таъсиси Фонди байналмилалии ҳифзи пиряхҳо дар Тоҷикистон ва эълон шудани соли 2025 «Соли байналмилалии ҳифзи пиряхҳо» ворид кардани ин ташаббусҳо ба қатъномаи Маҷмаи Умумии СММ мебошад.
Дар ҷараёни вохӯрӣ мутахассисони Кумитаи ҳифзи муҳити зисти назди Ҳукумати ҷумҳурӣ оид ба пешбурди масъалаҳои таъсиси Фонди байналмилалии ҳифзи пиряхҳо дар Тоҷикистон ибрози назар намуданд. Инчунин раиси Кумитаи ҳифзи муҳити зисти назди Ҳукумати мамлакат Баҳодур Шерализода иброз намуд, ки Кумита ният дорад талошҳоро барои ҷалби таваҷҷуҳи кишварҳои минтақа ва ҷомеаи ҷаҳонӣ ба амалҳои фаъолтар ва андешидани чораҳои таъхирнопазир ҷиҳати мубориза бо тағйирёбии иқлим ва рафъи оқибатҳои он идома диҳад.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Агентии инноватсия ва технологияҳои рақамӣ ва Бонки рушди Авруосиё санади ҳамкорӣ ба имзо расониданд
«РАҚАМИКУНОНИИ МИНТАҚАҲОИ ОЗОДИ ИҚТИСОДӢ». Дар форуми байналмилалӣ 12 санади ҳамкорӣ имзо шуд
Дар Тоҷикистон нахустин коргоҳи истеҳсоли ранги хокавӣ барои хатҳои уфуқии роҳҳои мошингард ба истифода дода шуд
Дар шаш моҳи соли 2026 ҳаҷми гардиши савдо байни Тоҷикистон ва Озарбойҷон ба 10,2 миллион доллар расид
Тоҷикистон 85 фоизи аҳолиро бо маҳсулоти ғизоии ватанӣ таъмин мекунад
Аъзои ҳайати Фландрияи Подшоҳии Белгия бо фаъолияти «Шаҳри ҳушманд» шинос гардиданд
Тоҷикистон ва ЮНИСЕФ ҳамкориро дар самти рушди сармояи инсонӣ ва рақамикунонӣ густариш медиҳанд
Агентии «Тоҷикстандарт» дар шаҳри Душанбе 110 кг маҳсулоти гуногуни ҳасибии пастсифат ва ғайристандартиро ошкор намуд
Тақвияти ҳамкорӣ дар соҳаи ҳифзи муҳити зист байни Тоҷикистон ва Муғулистон баррасӣ гардид
Пиряхҳоро аз обшавӣ бояд ҳифз намуд, — бардошт аз конфронси байналмилалии илмӣ-амалӣ дар Душанбе
Содироти маҳсулоти Тоҷикистон ба Чин баррасӣ шуд
РАҚАМИКУНОНИИ СОҲАИ ОБ. Барои Тоҷикистон ин масъала аҳаммияти махсус дорад
