ПАНҶСОЛАИ РУШДИ САНОАТ. Дар шаҳри Бохтар корхонаи коркарди гӯгирд мавриди истифода қарор мегирад
ДУШАНБЕ, 02.05.2022 /АМИТ «Ховар»/. Аз ҷониби ҶДММ «Расули Валӣ» дар шаҳри Бохтар корхонаи коркарди гӯгирд мавриди истифода қарор мегирад, ки дар минтақа назир надорад. Корҳои сохтмонӣ дар корхонаи мазкур дар арафаи анҷомёбӣ қарор дорад, хабар доданд ба АМИТ «Ховар» дар бахши иқтисоди мақомоти иҷроияи ҳокимияти давлатии шаҳри Бохтар.
Айни замон сохтмони корхона ба итмом расида, васлу насби таҷҳизоти корхона, ки аз хориҷӣ мамлакат ворид гардидааст, ҷараён дорад. Дар сурати бо иқтидори пурра ба истифода додани корхонаи мазкур зиёда аз 60 нафар сокинони шаҳри Бохтар бо ҷойи кор ва маоши хуб таъмин мегарданд.
Ёдовар мешавем, ки дар доираи панҷсолаи рушди саноат ва дар сатҳи баланд пешвоз гирифтани ҷашни 35-солагии Истиқлоли давлатии Ҷумҳурии Тоҷикистон тибқи нақша чорабини мақомоти иҷроияи ҳокимияти давлатии шаҳри Бохтар дар шаҳр 17 корхонаи саноатӣ сохта ба истифода дода мешаванд.
Тавре мудири бахши иқтисоди шаҳри Бохтар Авзалшоҳ Юсуфзода иттилоъ дод, дар шаҳр минтақаи озоди иқтисодӣ таъсис гардидааст, ки дар он ба соҳибкорон имконият дода шудааст, ки бо маблағҳои худӣ ва ҷалби сармояи хориҷӣ корхонаҳои саноатӣ бунёд намоянд.
Гуфта шуд, ки айни замон дар шаҳри Бохтар корхонаи коркарди бандубасти маҳсулоти кишоварзӣ низ дар арафаи анҷомёби қарор дошта, он моҳҳои наздик ба истифода дода мешавад.
Айни замон дар корхона марҳилаи дуюми васлу насби таҷҳизоти лозима барои бандубасти маҳсулоти кишоварзӣ ҷараён дорад. Ин корхона тамоми намуди маҳсулоти кишоварзиро безарар ва хуб тоза намуда, ба навъҳои гуногун бандубаст менамояд.
АКС аз манбаи боз
Дар Тоҷикистон ҳаҷми истеҳсоли қолин афзоиш ёфтааст
Таҳкими ҳамкории дуҷониба дар бахшҳои саноат ва воридоти технологияҳои нав бо намояндагони BVMW баррасӣ гардид
Бонки Осиёии рушд омодагияшро барои ҷудо намудани 500 миллион доллар барои сохтмони неругоҳи «Роғун» тасдиқ намуд
Ҳамкории Тоҷикистон ва Бонки аврупоии таҷдид ва рушд дар соҳаи алоқа густариш меёбад
Таъсиси Маркази тиҷоратии Тоҷикистону Эрон ва Маркази фанноварӣ ва инноватсионии рақамӣ дар Душанбе баррасӣ шуд
Ҷаласаи нахустини ҳамоҳангсозии Ҷумҳурии Тоҷикистон ва Корея баргузор гардид
HUKUMAT.TJ. Тамоми сомонаҳои расмии мақомоти давлатии Тоҷикистон ба ин платформаи рақамӣ гузаронида мешаванд
Оё кишоварзони Тоҷикистон аҳолиро бо картошкаи ватанӣ пурра таъмин карда метавонанд?
Дар Шероз Протоколи ҷаласаи 17-уми Комиссияи муштараки Тоҷикистон ва Эрон ба имзо расид
Масъалаҳои ҷалби сармояи Британияи Кабир ба Тоҷикистон баррасӣ шуданд
Ҳамкорӣ дар самти рушди технологияҳои инноватсионӣ бо Дафтари Швейтсария оид ба рушд дар Тоҷикистон тақвият меёбад
Бо иштироки ҷавонони волонтёри гуногунихтисос ҳамоиши ҷавонон баргузор гардид
