ПАРИЖ-2024. Аз ҳар кумитаи олимпӣ 16 нафар имкони иштирок дар Бозиҳои олимпиро доранд

Май 9, 2022 10:40

ДУШАНБЕ, 09.05.2022 /АМИТ «Ховар»/. Бадминтон аз соли 1992 ба барномаи Бозиҳои олимпӣ ворид аст. Рақобатҳо миёни мардон ва занон дар алоҳидагӣ, ҳамчунин дар намуди сабқати ҷуфти омехта доир мегарданд. Соли 2024 (26 июл – 11 август) дар Париж – пойтахти Фаронса Бозиҳои XXXIII Олимпиада баргузор мешаванд. Ба барномаи бозиҳо 32 намуди варзиш, аз ҷумла бадминтон ворид гардидааст. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.

Дар Бозиҳои олимпии Париж-2024 бадминтон аз рӯи 4 мусобиқа миёни мардон ва бонувон (инфиродӣ, ҷуфт) ва сабқати ҷуфти омехта сурат мегирад.

Дар намуди бадминтон ҳамагӣ 172 варзишгар (86 нафар миёни мардон, 86 нафар миёни бонувон) иштирок мекунанд. Аз ҳар кумитаи олимпӣ 16 нафар (8 мард, 8 зан) имкони иштирок дар Бозиҳои олимпиро доранд.

Барои иштирок дар Бозиҳои олимпӣ ҳамаи варзишгарон бояд дар муҳлати интихобии олимпӣ аз 1 майи соли 2023 то 28 апрели соли 2024 ҳадди ақалл дар се мусобиқаи рейтингӣ иштирок карда бошанд. Ин ба саҳмияҳои универсалӣ ва қитъавӣ низ дахл дорад, аммо барои квотаҳои кишвари мизбон татбиқ намешавад.

166 роҳхат тариқи раддабандии олимпии Федератсияи байналмилалии бадминтон (BWF) тақсим мешавад, 2 варзишгари кишвари мизбон ва 4 нафар тариқи саҳмияи универсалӣ ба Париж сафарбар мегарданд.

Раддабандии олимпии Париж аз 30 апрели соли 2024 барои ҷудо кардани роҳхатҳо ба варзишгарон дар сабқати инфиродӣ миёни мардон ва занон, инчунин ҷуфтҳои мардон, занон ва омехта истифода мешавад.

Раддабандии олимпии Париж дар асоси натиҷаҳои нишондодаи варзишгарон дар давраи аз 1 майи соли 2023 то 28 апрели соли 2024 тартиб дода мешавад.

Чорабиниҳои зерин рейтингӣ маҳсуб меёбанд:

  • Ҷоми Томас ва Убер
  • Ҷоми Судирман
  • Чемпионати ҷаҳон
  • Мусобиқаҳои BWF G2 — cатҳи 1 то 6
  • Мусобиқаҳои қитъавӣ G3; BWF — Challenge International, Series International & Future Series
  • Чемпионатҳои қитъавӣ (инфиродӣ ва дастаӣ)
  • Бозиҳои қитъавӣ — Бозиҳои Панамерика, Бозиҳои Аврупо ва Африқо (агар дар муҳлати интихобӣ иҷозат дода шуда бошанд).
  • Ҳама гуна чорабиниҳои дигари байналмилалӣ, ки аз ҷониби BWF иҷозат дода шудаанд ва пешакӣ ва бо тасдиқи BWF ба тақвими мусобиқаҳои рейтингӣ дохил карда шудаанд.

Дар асоси раддабандии олимпии Париж аз 30 апрели соли 2024 35 роҳхати инфиродӣ аз рӯи ҷинс ба варзишгарон бо дарназардошти тақсимоти ҳадди ниҳоии ҷойҳо барои як КМО тақсим мешавад. Ба ин 35 ҷой барои намояндагони қитъаҳо низ дохил мешаванд. Дар намуди инфиродӣ аз ҳар панҷ қитъа ҳадди ақалл ду варзишгар интихоб мешаванд, ба шарте ки дар раддабандӣ дар ҷои то 250 мавқеъ дошта бошанд.

Дар асоси раддабандии олимпии Париж аз 30 апрели соли 2024 ҳамчунин 96 роҳхат барои сабқати ҷуфтӣ (48 ҷуфт) ба варзишгарон тақсим мешавад, бо дарназардошти тақсимоти ҳадди ниҳоии ҷойҳо барои як КМО. Ба ин ҷойҳо барои намояндагони қитъаҳо низ дохил мешаванд. Дар намуди ҷуфт аз ҳар панҷ қитъа ҳадди ақалл як ҷуфт интихоб мешаванд, ба шарте ки дар раддабандӣ дар ҷои то 50 мавқеъ дошта бошанд.

Мусобиқаи бадминтон дар Бозиҳои олимпии Париж-2024

Қувваозмоӣ – 5

Мардон – 2 (инфиродӣ ва ҷуфтӣ)

Бонувон – 2 (инфиродӣ ва ҷуфтӣ)

Ҷуфти омехта

Шумораи иштирокчиён

Мардон – 86

Бонувон — 86

Ҳамагӣ – 172

Тақсимоти ҷойҳо:

Тариқи раддабандии олимпии Париж аз 30 апрели соли 2024 – 166

Саҳмияи универсалӣ — 4

Квота барои кишвари мизбон – 2

Ҳамагӣ – 172

Муҳлати интихобӣ

1 майи соли 2023 – 28 апрели соли 2024

АКС: КМО Тоҷикистон

Май 9, 2022 10:40

Хабарҳои дигари ин бахш

ҶОМИ ОСИЁ-2027. Дастаи мунтахаби Тоҷикистон тими Малдивро мағлуб намуд
ҶОМИ ОСИЁ-2027. Имрӯз дастаи мунтахаби Тоҷикистон дар марҳилаи интихобӣ бо тими Малдив бозӣ мекунад
ҶОМИ ОСИЁ-2027. Дастаи мунтахаби Тоҷикистон барои баргузории бозӣ бо Малдив ба шаҳри Мале рафт
Мусобиқаи байналмилалӣ оид ба камонварӣ ҷамъбаст гардид
Тоҷикистон дар Бозиҳои сеюми кишварҳои аъзои ИДМ соҳиби мақоми ҳафтум гардид
ҶОМИ ОСИЁ-2027. Имрӯз дастаи мунтахаби Тоҷикистон дар даври интихобӣ бо тими Малдив бозӣ мекунад
БОЗИҲОИ СЕЮМИ КИШВАРҲОИ АЪЗОИ ИДМ. То 8 октябр варзишгарони тоҷик соҳиби 22 медал гардиданд
ҶОМИ ОСИЁ-2027. Бозии Тоҷикистон ва Малдивро гурӯҳи доварон аз Қирғизистон ҳакамӣ мекунад
ФУТБОЛ. Дастаи мунтахаби Тоҷикистон дар Варзишгоҳи марказии Ҳисор бо дастаи Малдив бозӣ мекунад
Муҳиддин Асадуллоев дар Чемпионати ҷаҳон оид ба ҷудо байни ҷавонон дар Перу сазовори медали тилло гардид
Варзишгарони тоҷик дар Бозиҳои сеюми ИДМ дар Озарбойҷон соҳиби 18 медал гардиданд
Дастаи «Соро компания» барандаи чоркаратаи Суперҷоми Тоҷикистон оид ба футзал шуд