Петр Сегрт ҳайати мунтахаби Тоҷикистонро барои тамринҳои дастҷамъӣ дар Дубай эълон кард

Май 18, 2022 16:54

ДУШАНБЕ, 18.05.2022 /АМИТ «Ховар»/. Ситоди мураббиёни дастаи миллии Тоҷикистон оид ба футбол таҳти сарварии мутахассиси хорватӣ Петр Сегрт ҳайати дастаи миллиро барои ҷамъомади таълимиву тамринӣ, ки аз 19 май то 3 июн дар Дубай баргузор мешавад, номбар кард. Дар ин бора ба АМИТ «Ховар» дар Федератсияи футболи Тоҷикистон хабар доданд.

Сармураббии дастаи миллии Тоҷикистон Петр Сегрт 26 бозигарро ба ҷамъомади таълимиву тамринӣ дар Дубай даъват кардааст, ки аз ин шумор 13 нафар легионер дар Булғористон, Беларус, Қазоқистон, Эрон, Узбекистон, Филиппин, Ҳиндустон, Бангладеш ва Туркия бозӣ мекунанд. Дар маҷмӯъ, ба дастаи миллии кишвар 3 дарвозабон, 9 ҳимоятгар, 10 нимҳимоятгар ва 4 ҳамлагар даъват шудаанд. Дар дархости ниҳоии мунтахаби кишвар барои ширкат дар марҳилаи интихобии Ҷоми Осиё-2023  23 бозигар ворид мешавад.

Дастаи мунтахаби Тоҷикистон фардо, 19 май субҳи барвақт барои ҷамъомади тамринӣ ба Амороти Муттаҳидаи Араб парвоз мекунад.

Дастаи мо пас аз анҷоми ҷамъомади таълимиву тамринӣ дар Дубай ба Бишкек рафта, дар мусобиқаи интихобии Ҷоми Осиё-2023 дар гурӯҳи «F» се бозӣ анҷом медиҳад. Рақибони дастаи миллии Тоҷикистон дастаҳои Мянмар (8 июн), Сингапур (11 июн) ва Қирғизистон (14 июн) хоҳанд буд.

Ҳайати дастаи мунтахаби Тоҷикистон барои ҷамъомади таълимиву тамринӣ дар Дубай:

Дарвозабонҳо: Рустам Ятимов, Муҳриддин Ҳасанов (ҳарду аз «Истиқлол»), Сафармад Ғаффоров («Регар-ТадАЗ»);

Ҳимоятгарон: Ваҳдат Ҳанонов, Манучеҳр Сафаров («Персеполис», Эрон), Давронҷон Эргашев («Бунёдкор», Узбекистон), Сиёвуш Асроров («Раҳматганҷ», Бангладеш), Зоир Ҷӯрабоев («Сурхон», Узбекистон), Аҳтам Назаров, Алиҷон Кароматуллозода, Далер Имомназаров (ҳама аз «Истиқлол»), Меҳрубон Каримов (СК «Пеликан», Туркия);

Нимҳимоятгарон: Алишер Ҷалилов (АГМК, Узбекистон), Парвизҷон Умарбоев («Локомотив-Пловдив», Булғористон), Эҳсони Панҷшанбе («Навбаҳор», Узбекистон), Амирбек Ҷӯрабоев («Юнайтед Сити», Филиппин), Комрон Турсунов («Черчилл Бразерс», Ҳиндустон), Муҳаммадҷон Раҳимов, Шаҳром Сулаймонов, Шервонӣ Мабатшоев (ҳама аз «Истиқлол»), Парвиз Боқи-Охунов («Хатлон»), Алиҷони Айнӣ («Регар-ТадАЗ»);

Ҳамлагарон: Шериддин Бобоев («Мактаарал», Қазоқистон), Шаҳром Самиев («Торпедо-БелАЗ», Беларус), Манучеҳр Ҷалилов («Истиқлол»), Нуриддин Ҳамроқулов («Хатлон»).

Сармураббӣ – Петр Сегрт (Хорватия).

Акс: ФФТ

Май 18, 2022 16:54

Хабарҳои дигари ин бахш

ЧЕМПИОНАТИ CAFA-2022. Дастаи мунтахаби наврасони Тоҷикистон бозии навбатии худро баргузор кард
ЧЕМПИОНАТИ CAFA-2022. Имрӯз дастаҳои Тоҷикистон бо Узбекистон ва Эрон бо Афғонистон бозӣ мекунанд
ФУТБОЛ. Имрӯз бозиҳои даври ҳаштуми Чемпионати Тоҷикистон миёни дастаҳои Лигаи олӣ оғоз мешаванд
ҶОМИ ФЕДЕРАТСИЯИ ТЕННИСИ ТОҶИКИСТОН. Ғолибони мусобиқаи байналмилалӣ муайян шуданд
ЧЕМПИОНАТИ CAFA-2022. Дастаи мунтахаби наврасони Тоҷикистон дар бозии дуюм бо Афғонистон баробар рақобат намуд
ФУТБОЛ. «Равшан», «Файзканд» ва «Эсхата» дар даври ҳафтуми Чемпионати Тоҷикистон миёни дастаҳои Лигаи олӣ ғолиб омаданд
ЧЕМПИОНАТИ ҶАҲОН ОИД БА БОКС. Муштзанбонуи тоҷик Шоира Зулқайнарова аз идомаи мусобиқа бенасиб монд
Тоҷикистон мизбони бозиҳои Ҷоми Осиё-2023 интихоб гардид
ИМРӮЗ ШОИРА ЗУЛҚАЙНАРОВА БОЗ БА САБҚАТ МЕБАРОЯД. Рақиби ӯ дар даври чорякфинали Чемпионати ҷаҳон оид ба бокс миёни занон-2022 маълум гардид
ЧЕМПИОНАТИ CAFA-2022. Дастаи мунтахаби наврасони Тоҷикистон дар бозии аввал бар Қирғизистон ғолиб омад
Дар Тоҷикистон Марафони дав ба ифтихори Даҳсолаи байналмилалии амал «Об барои рушди устувор, солҳои 2018-2028» оғоз шуд
Ҳимоятгари дастаи миллии Тоҷикистон оид ба футбол Искандар Ҷалилов ба фаъолияти касбӣ хотима бахшид