Роҳи мошингарди маҳаллаи Чармгарони поёни шаҳри Кӯлоб таҷдиду навсозӣ мешавад
КӮЛОБ, 11.05.2022 /АМИТ «Ховар»/. Дар маҳаллаи Чармгарони поёни шаҳри Кӯлоб таҷдиду навсозии роҳи мошингард бомаром идома дорад. Корҳои сохтмониро дар ин мавзеъ ҶДММ «Бунёди роҳ» бо фармоиши идораи сохтмони асосии шаҳр ба уҳда гирифта, техникаю таҷҳизоти роҳсозиро ба он сафарбар намудааст, иттилоъ додааст мухбири минтақавии АМИТ «Ховар» Сулаймон ХОЛЗОДА.
Ёдовар мешавем, ки се моҳ қабл мақомоти иҷроияи ҳокимияти давлатии шаҳри Кӯлоб бо мақсади аз байн бурдани танбашавии нақлиёт дар хиёбони Исмоилӣ Сомонӣ таъмири роҳи мазкурро ба нақша гирифт. Идораҳои коммуналии шаҳр бо нақшаи роҳ шинос гардида, ҷиҳати мусоидат ба бартараф намудани монеаҳо дар сохтмони роҳи мазкур муваззаф шуданд.
Роҳбари корхонаи обу ташноби шаҳр Миралӣ Шарифов гуфт, ки “дар айни замон тахту ҳамворкунии роҳ ва кӯчонидани хатҳои обу барқ ва обравҳо анҷом дода шуда, мумфаршкунии роҳ шурӯъ гардидааст. Кормандони ҶДММ “Бунёди роҳ” барои мумфаршкунии роҳ аз техникаҳои муосир ва маҳсулоти хушсифати роҳсозӣ истифода менамоянд. Ҳамзамон бо риояи тамоми қоидаҳои роҳсозӣ мутахассисони баландихтисос ба кор ҷалб шудаанд. Сокинони маҳаллаи Чармгарони поён иқдоми Мақомоти иҷроияи ҳокимияти давлатии шаҳри Кӯлобро дар бунёду навсозии роҳи мазкур дастгирӣ карда. барои паҳну васеъ намудани роҳ кумак расониданд”.
Дар ин масир маҷмаи 2700-солагии шаҳри Кӯлоб, осорхона ва боз чанд иншооти фарҳангӣ ҷойгир буда, равуои сайёҳони дохилию хориҷӣ аз он рӯз ба рӯз зиёд мешавад. Баъди ба истифода супоридани роҳ мушкилии бурдани сайёҳон ба ин мавзеъ низ бартараф мегардад.
Ба иттилои мақомоти иҷроияи ҳокимияти давлатии шаҳри Кӯлоб, сохтмони роҳ дар рӯзҳои наздик ба анҷом расида, таҷдиди роҳҳои дигари дохили шаҳр шурӯъ мешавад. Баъди мавриди истифода қарор гирифтани роҳ дар маҳаллаи Чармгарони поён дар роҳи хиёбони Исмоили Сомонӣ аз терминали мусофиркашонӣ то чорроҳаи мағозаи Равшан самти ҳаракат яктарафа карда шуда, танбашавии нақлиёт дар ин масир бартараф мегардад.
АКС аз муаллиф
Дар ноҳияи Ашт неругоҳи офтобӣ ба истифода дода мешавад
Дар Филиали Донишгоҳи давлатии Москва дар шаҳри Душанбе ду маркази нави илмӣ ба фаъолият оғоз менамояд
НИШАСТИ МАТБУОТӢ. Дар Сангвор 854 субъекти соҳибкории инфиродӣ фаъолият менамояд
СОЛИ ОБОДОНИЮ СОЗАНДАГӢ. Дар шаҳри Хуҷанд васеъсозии роҳи хиёбони ба номи Раҳмон Набиев оғоз гардид
НИШАСТИ МАТБУОТӢ. Дар шаҳри Роғун 94 иншооти гуногун ба маблағи беш аз 400 миллион сомонӣ мавриди истифода қарор гирифтанд
Тоҷикистон мизбони Бозиҳои XX Делфии ҷавонони давлатҳои аъзои ИДМ мегардад
Дар Душанбе доир ба саҳми шоистаи Абуалӣ ибни Сино дар илми тиб конференсия баргузор гардид
Муовини Сарвазири Тоҷикистон бо ҷараёни сохтмони иншооти соҳаи маорифу тандурустӣ дар шаҳри Ҳисор шинос шуд
Президенти Тоҷикистон: «Аҳолии узбекзабони шаҳри Турсунзода бо муассисаҳои таълимии узбекӣ ва китобҳои дарсӣ таъмин карда шаванд»
35-СОЛАГИИ ИСТИҚЛОЛИ ДАВЛАТӢ. Дар ноҳияи Ашт осоишгоҳи замонавӣ бунёд карда мешавад
Дар Вена баргузории ҷаласаи навбатии Комиссияи муштараки байниҳукуматии Тоҷикистону Австрия баррасӣ шуд
Пешвои миллат Эмомалӣ Раҳмон дар шаҳри Турсунзода дар хоҷагии деҳқонии «Боғи Сомон» бо рафти ҷамъоварии ҳосили ангур шинос шуданд
