Сироҷиддин Муҳриддин ва Владимир Норов ҳамкории Тоҷикистон ва Узбекистонро баррасӣ карданд

ДУШАНБЕ, 13.05.2022. /АМИТ Ховар/. Имрӯз, 13 май дар шаҳри Душанбе дар ҳошияи ҷаласаи Шӯрои вазирони корҳои хориҷии Иттиҳоди Давлатҳои Мустақил дидори Вазири корҳои хориҷии Ҷумҳурии Тоҷикистон Сироҷиддин Муҳриддин бо муовини аввали вазир, иҷрокунандаи вазифаи вазири корҳои хориҷии Ҷумҳурии Узбекистон Владимир Норов баргузор гардид, хабар медиҳад АМИТ «Ховар».

Зимни мулоқот мусоҳибон аз сатҳи баланди ҳамкории Тоҷикистону Узбекистон изҳори қаноатмандӣ карда, маҷмӯи масъалаҳои ҳамкории дуҷонибаро дар бахшҳои сиёсӣ, тиҷоратию иқтисодӣ, фарҳангӣ, гуманитарӣ ва дигар бахшҳои мавриди таваҷҷуҳи тарафайн муҳокима намуданд.

Гузашта аз ин, перомуни масъалаҳои омодагӣ ба ҷаласаи навбатии Комиссияи байниҳукуматӣ оид ба ҳамкории тиҷоратию иқтисодӣ ва мулоқотҳои дарпешистода дар сатҳи баланд ва олӣ табодули афкор сурат гирифт.

Акс: ВКХ ҶТ