СУПЕРҶОМИ ТОҶИКИСТОН-2022. То оғози бозӣ миёни дастаҳои «Истиқлол» ва «Хуҷанд» ду рӯз монд

Май 6, 2022 11:36

ДУШАНБЕ, 06.05.2022 /АМИТ «Ховар»/. Тавре қаблан хабар додем, 8 май дар варзишгоҳи «ТАЛКО-Арена»-и шаҳри Турсунзода бозии   Суперҷоми Тоҷикистон-2022  бо иштироки  Чемпиони Тоҷикистон — дастаи футболи «Истиқлол»-и шаҳри Душанбе  ва барандаи нишонҳои нуқраи Чемпионати Тоҷикистон — дастаи  «Хуҷанд»-и шаҳри Хуҷанд  баргузор мешавад, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.

Мавсими гузашта дар Варзишгоҳи марказии шаҳри Ҳисор бозии Суперҷоми Тоҷикистон-2021 миёни дастаҳои  футболи «Истиқлол»-и шаҳри Душанбе  ва «Равшан»-и шаҳри Кӯлоб  хеле ҷолиб баргузор шуда, бо натиҷаи 2:0 ба фоидаи дастаи «Истиқлол»-и шаҳри Душанбе хотима ёфта буд. Дар ин рақобати пуршиддат голҳои дастаи «Истиқлол»-и шаҳри Душанберо легионери ҳолландӣ Ҳусейн Доған дар дақиқаи 56 ва Алишер Ҷалилов дар дақиқаи 60 ба нишон  расониданд. Ҳамин тавр, дастаи футболи «Истиқлол»-и шаҳри Душанбе бо ду голи беҷавоб бар дастаи футболи  «Равшан»-и шаҳри Кӯлоб  ғалаба карда, барандаи Суперҷоми Тоҷикистон-2021 гардида буд.

Ёдовар мешавем, ки дастаи  футболи «Истиқлол»-и шаҳри Душанбе бори 10-ум Суперҷоми Тоҷикистонро ба даст овард. 

Натиҷаҳои ҳама бозиҳои Суперҷоми Тоҷикистон (2010-2021):

2010. «Вахш» (Қӯрғонтеппа) – «Истиқлол»  (Душанбе) – 0:2
2011. «Истиқлол» (Душанбе) – «Регар-ТадАЗ»  (Турсунзода) – 1:0
2012. «Истиқлол» (Душанбе) – «Регар-ТадАЗ»  (Турсунзода) – 2:1
2013. «Равшан» (Кӯлоб) – «Регар-ТадАЗ» (Турсунзода) – 2:1
2014. «Равшан» (Кӯлоб) – «Истиқлол»  (Душанбе) – 0:5
2015. «Истиқлол» (Душанбе) – «Хайр»  (Ваҳдат) – 2:2. (пен.4:3)
2016. «Истиқлол» (Душанбе) – «Хуҷанд»  (Хуҷанд) – 3:2
2017. «Истиқлол» (Душанбе) – «Ҳосилот»  (Фархор) – 1:2
2018. «Истиқлол» (Душанбе) – «Хуҷанд»  (Хуҷанд) – 3:2
2019. «Истиқлол» (Душанбе) – «Хуҷанд» (Хуҷанд) – 3:0
2020. «Истиқлол» (Душанбе) – «Хуҷанд»  (Хуҷанд) – 2:1
2021: «Истиқлол» (Душанбе) – «Равшан» (Кӯлоб) – 2:0
2022: «Истиқлол» (Душанбе) – «Хуҷанд» (Хуҷанд) — ?

Акс: ФФТ

Май 6, 2022 11:36

Хабарҳои дигари ин бахш

ЧҶ-2022: БОЗ ШАВҚОВАРТАР. Чаҳор ҷуфти 1/8-финал аллакай маълум гардиданд
ДЗЮДО. Се гӯштингири тоҷик дар мусобиқаи Тоскулоҳи бузург дар Ҷопон номнавис шудаанд
Дастаи «Зебонисо» чемпиони секаратаи Тоҷикистон миёни дастаҳои занона оид ба футбол шуд
ҶИНСИЯТ МУҲИМ НЕСТ, АСОС — СИФАТИ КОР. Фардо дар Чемпионати ҷаҳон оид ба футбол-2022 ҳодисаи таърихӣ рух медиҳад
ЧҶ-2022. Дастаи мунтахаби Эрон пас аз бохт аз ИМА ба даври баъдии мусобиқа роҳ наёфт
Ғолибони бозиҳои 31-уми Чемпионати Тоҷикистон оид ба футбол миёни дастаҳои Лигаи олӣ муайян шуданд
ЧҶ-2022: Бразилия ва Португалия пеш аз муҳлат ба марҳилаи 1/8-финал роҳ ёфтанд
Ҳендболбоздухтарони тоҷик дар Чемпионати Осиё ҷойи дуюмро сазовор шуданд
ФЕДЕРАТСИЯИ МУҲОРИБАҲОИ ОМЕХТАИ ОСИЁ ТАЪСИС ЁФТ. Дафтари марказии он дар Душанбе ҷойгир мешавад
Варзишгарони тоҷик дар Ҷоми кушоди Қазоқистон оид ба шиноварӣ 19 медал ба даст оварданд
ФУТБОЛ. Манучеҳр Ҷалилов бори чорум нишонзани беҳтарини чемпионати Тоҷикистон гардид
Варзишгари тоҷик Наврӯз Каримзод барандаи медали биринҷии Чемпионати ҷаҳон оид ба кураш гардид