ҲУШДОРИ ОБУҲАВОСАНҶОН: То 6 май эҳтимоли омадани сел ва рух додани дигар ҳодисаҳои табиӣ зиёд аст

Май 4, 2022 10:10

ДУШАНБЕ, 04.05.2022 /АМИТ «Ховар»/. Тибқи маълумоти Агентии обуҳавошиносии Тоҷикистон, то 6 май дар қаламрави ҷумҳурӣ ҳавои номусоид боқӣ мемонад. Дар ин рӯзҳо бориши боронҳои шадид, раъду барқ, жола ва шамоли сахт дар назар дода шудааст. Дар ноҳияҳои кӯҳӣ ва наздикӯҳии тобеи ҷумҳурӣ, вилоятҳои Суғд ва Хатлон шамоли сахт мевазад. 

Тавре АМИТ «Ховар» бо истинод ба Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон хабар медиҳад, дар ин рӯзҳо маъмулан боронҳои шадид дар роҳҳои кӯҳӣ хатари бештар доранд, чун метавонад аз кӯҳҳо санг рехта, роҳҳоро муддате банд намояд,  ё лағжиши тарма боиси хатарҳои дигар гардад. Боронҳои шадид метавонанд сабабгори кӯчиши замин шаванд, бахусус дар минтақаҳои осебпазир одамонро зарур аст дар чунин рӯзҳо ҳушёру омодаи муқовимат ба ҳар гуна ҳодисаҳо, бахусус омадани сел бошанд. Болоравии сатҳи оби рӯдхонаҳо низ эҳтимол дорад.

Дар ҳамин иртибот Кумитаи ҳолатҳои фавқулода ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар тавсия медиҳад, ки дар ин рӯзҳо аз рафтан ба соҳили дарёҳо ва дигар манбаъҳои об худдорӣ намоянд. Сафарҳои безарурат бо роҳҳои кӯҳӣ ва масирҳои сайёҳӣ низ маслиҳат нест.

Кумита ҳамчунин аз аҳолӣ хоҳиш мекунад, ки дар чунин рӯзҳои сербориш ҳангоми убур аз роҳҳои кӯҳиву наздикӯҳӣ эҳтиёткор бошанд, ҳамчунин муваққатан ба ғунучини ҳезуму ҷамъоварии занбӯруғ, моҳидорӣ ва шикор нараванд.

Аз аҳолӣ хоҳиш карда мешавад, ки қабл аз оғози боронҳои пуршиддат чӯйбору селроҳаҳоро аз ҳар гуна хасу партовҳо тоза кунанд, то об маҷрои худро ба самти хонаву ҳавлиҳо ва киштзорон равона  накунад.

Дар ҳоли рух додани ҳолати фавқулода шаҳрвандон метавонанд фаврӣ бо рақами 112 ва ё ба қисми навбатдорӣ бо шумораҳои  93 880 28 19, 223 13 11 муроҷиат намоянд.

АКС: КҲФ ва МГ

Май 4, 2022 10:10

Хабарҳои дигари ин бахш

КӢ ХОДИМИ ДИН ШУДА НАМЕТАВОНАД. Парлумони Тоҷикистон ба қонун дар бораи озодии виҷдон ва иттиҳодияҳои динӣ тағйирот ворид намуд
Наврасони Хоруғ ба лагери дараи Ромити шаҳри Ваҳдат раҳсипор гардиданд
Дар Душанбе «Барномаи давлатии рушди ғизои мактабӣ дар Ҷумҳурии Тоҷикистон барои солҳои 2022-2027» муаррифӣ шуд
13 деҳаи ноҳияи Файзобод бо фарогирии 19717 нафар аҳолӣ бо оби тозаи нӯшокӣ таъмин карда мешаванд
Музаффар Ашуриён дар Форуми 10-уми байналмилалии ҳуқуқӣ дар Санкт-Петербург иштирок дорад
Омӯзгорону касбомӯзони «Маркази таълими калонсолони Тоҷикистон» барои ҳайати Узбекистон дарси маҳорат гузарониданд
Дар Ҷамоати деҳоти Ворухи Исфара пас аз офати табиӣ дастрасӣ ба оби нӯшокӣ ва полезӣ таъмин гардид
МОҲИ ИЮЛ ТОҶИКИСТОНИЁНРО ЧӢ ГУНА ҲАВО ИНТИЗОР АСТ? Ба ин суоли АМИТ «Ховар» муовини Директори Агентии обуҳавошиносӣ Ҷамила Байдуллоева посух дод
ЭҲТИЁТ ШАВЕД, «ЧИЛЛА»-И ТОБИСТОН! Дар Тоҷикистон ин рӯзҳо ҳарорати ҳаво то ба 45 дараҷа мерасад
Дар ноҳияи Кӯшониён пули дарозиаш 85-метра ба истифода дода шуд
Корҳои кашидани хатти оби нушокӣ аз деҳаи Калтачинор ба маркази ноҳияи Балҷувон оғоз гардиданд
Ба Тоҷикистон беш аз 200 ҳазор воя ваксинаи намуди «Pfizer» ворид карда шуд