Ба беморхонаи №2-и шаҳри Турсунзода мошини ёрии таъҷилӣ туҳфа гардид
ТУРСУНЗОДА, 18.06.2022 /АМИТ «Ховар»/. Ба беморхонаи рақами 2-и шаҳри Турсунзода, ки дар Ҷамоати деҳоти Пахтаободи шаҳр ҷойгир аст, аз тарафи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон мошини ёрии таъҷилии тамғаи «NISSAN URVAN NV- 350», ки бо дастгоҳу таҷҳизоти муосири тиббӣ, аз қабили дефибриллятор, зарф ва ингалятори оксигенӣ, дастгоҳи шамолдиҳӣ, сфигмоманометр бо стетоскоп ҷиҳозонида шудааст, туҳфа гардид. Дар ин бора ба хабарнигори АМИТ «Ховар» Субҳониддини Маҳмуд аз беморхонаи рақами 2-и шаҳри Турсунзодда иттилоъ доданд.
Ин мошини замонавии Ёрии таъҷилӣ барои бехатар интиқол додани беморони ҳолаташон вазнин ба дигар беморхонаҳои ҷумҳурӣ муфид буда, аз лаҳзаҳои аввали вориди он гардидани бемор таҷҳизоти зарурӣ фаъол гардида, ёрии кафолатноки аввалини тиббӣ шурӯъ мешавад.
Сардухтури ин беморхона Саида Назарова иброз дошт, ки «дар соли равон зери сиёсати хирадмандонаи Пешвои миллат, муҳтарам Эмомалӣ Раҳмон ва бо ташаббуси Вазорати тандурустӣ ва ҳифзи иҷтимоии аҳолӣ ба ин муассиса дастгоҳҳои барқии дил, оксигенератор, кардиоманитор ва узӣ ворид шудааст. Ин дастгоҳҳои замонавӣ дар ташхису табобати беморон кумаки асосӣ мерасонад».
Солҳои қаблӣ беморхонаи мазкур бо надоштани чунин як мошини ёрии таъҷилии замонавӣ мушкилӣ дошт. Хушбахтона, бо дастрас гардидани ин навъи мошини ёрии таъҷилӣ мушкилии беморхона бартараф гардид. Аз ин рӯ нисбати ғамхории навбатии Ҳукумати мамлакат табибони ин беморхонаро зарур аст, ки ҷиҳати адои вазифа пурмасъулият буда, ба сокинони диёри хеш содиқона хизматрасонӣ кунанд.
АКС аз АМИТ «Ховар»
Форуми байналмилалии ҳизбҳои сиёсӣ зери унвони «Ҳизбҳои сиёсӣ ва уфуқҳои нави ҳамкорӣ» доир гардид
АБУАЛӢ ИБНИ СИНО — МУТАФАККИРИ БУЗУРГИ ШАРҚ, ФАРЗАНДИ ФАРЗОНАИ ХАЛҚИ ТОҶИК. Андешаҳои академик Фарҳод Раҳимӣ дар ин мавзуъ
Оқибатҳои офатҳои табиӣ дар мавзеъҳои хатарноки роҳҳои минтақаи Рашт бартараф карда шуданд
Табибони тоҷик дар Туркия малакаи касбиии худро такмил медиҳанд
Байни Ҳизби Халқии Демократии Тоҷикистон ва Ҳизби «Белая Рус» Меморандум оид ба ҳамкорӣ ба имзо расид
БОЗТОБИ ТАЪСИСИ ҶОИЗАИ АБУАЛӢ ИБНИ СИНО. Расонаҳои мисрӣ дар ин хусус гузоришу мақолаҳо ба нашр расониданд
Соли 2030 дар ҳудуди Тоҷикистон баруйхатгирии аҳолӣ ва фонди манзил гузаронида мешавад
БОЙГОНӢ — ГАНҶИНАИ БЕБАҲОИ МИЛЛАТ. Ба Рӯзи байналмилалии бойгонӣ бахшида мешавад
Дар Душанбе татбиқи технологияҳои рақамӣ дар соҳаи таҳсилоти касбӣ бо ширкати Чин баррасӣ шуд
Қонун «Дар бораи танзими ҷашну маросим дар Ҷумҳурии Тоҷикистон» — тадбири намунавӣ дар байни мардумони кишварҳои Осиёи Марказӣ
Тоҷикистонро моҳи аввали фасли тобистон чӣ гуна ҳаво интизор аст?
Муассисаҳои таҳсилоти ибтидоӣ ва миёнаи касбии Тоҷикистон бо озмоишгоҳҳои муосири таълимӣ таъмин гардиданд
