Ба китобхонаи Агентии хизмати давлатӣ аз ҷониби Консули генералии Тоҷикистон дар шаҳри Екатеринбурги Русия беш аз 3 000 китоб тақдим гардид

Июнь 14, 2022 14:54

ДУШАНБЕ, 14.06.2022 /АМИТ «Ховар»/. Рӯзноманигор, олим, ходими сиёсӣ ва давлатӣ-Консули генералии Ҷумҳурии Тоҷикистон дар шаҳри Екатеринбурги Федератсияи Русия Зафар Сайидзода ба китобхонаи Агентии хизмати давлатӣ беш аз 3000 адад асарҳои Президенти Ҷумҳурии Тоҷикистон, китобҳои эҷоднамудаи худ, адабиёти илмӣ, сиёсӣ ва бадеӣ, аз ҷумла китобҳои «Эмомалӣ Раҳмонов: Оғози марҳалаи созандагӣ», «Эмомалӣ Раҳмонов — поягузори сулҳ ва ваҳдати миллӣ», «Эмомалӣ Раҳмонов: Соли Рӯдакӣ», «Эмомалӣ Раҳмонов — Президенти мо», «Эмомалӣ Раҳмонов: Соли тамаддуни ориёӣ» ва ғайраҳоро ба Агентии хизмати давлатии назди Президенти Ҷумҳурии Тоҷикистон туҳфа намуд. Дар ин бора ба АМИТ «Ховар» аз Агентии хизмати давлатии назди Президенти Ҷумҳурии Тоҷикистон иттилоъ доданд.

Доктори илмҳои таърих Зафар Сайидзода муаллиф ва ҳаммуаллифи беш аз 70 асар оид ба фалсафа, таърих, забон, сиёсатӣ хориҷӣ ва ташаккули имиҷи Ҷумҳурии Тоҷикистон буда, бархе аз китобҳои мазкур низ ба китобхонаи Агентии хизмати давлатӣ тақдим гардидаанд.

Китобҳои тақдимгардида ба фонди китобхонаи Агентии хизмати давлатӣ ворид карда шуда, дастраси кормандони Агентӣ, шунавандагони курсҳои такмили ихтисос, таҷрибаомӯзон ва тамоми хизматчиёни давлатӣ мебошанд.

Мавриди зикр аст, ки дар асоси ҳидоятҳои Асосгузори сулҳу ваҳдати миллӣ — Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон дар Агентии хизмати давлатӣ китобхонаи идоравӣ таъсис дода шуда, дар он китобҳои соҳаи хизмати давлатӣ, санадҳои меъёрии ҳуқуқӣ, адабиёти илмӣ ва бадеӣ ҷамъ оварда шудаанд.

Ҳамчунин ба фонди китобхонаи Агентии хизмати давлатӣ китобҳои туҳфанамудаи Пешвои миллат муҳтарам Эмомалӣ Раҳмон — «Пешвои муаззами миллат, Эмомалӣ Раҳмон — Пайвандгари дӯстии Тоҷикистон ва Россия», «Роҳи абрешим: Тоҷикистон ва Чин», «Эмомалӣ Раҳмон эҳёгари Роғун», «Тоҷикистон-25 сол» ва ғайраҳо ворид карда шуда, барои мутолиаи кормандон, шунавандогони курсҳои такмили ихтисос ва таҷрибаомӯзон дастрас мебошанд.


Инчунин нависандаи Халқии Тоҷикистон Абулҳамид Самад, Вазири корҳои дохилии ҷумҳурӣ Рамазон Раҳимзода, директори Маркази исломшиносии назди Президенти Ҷумҳурии Тоҷикистон Абдураҳим Холиқзода ва муовини Раиси Ҳизби Халқии Демократии Тоҷикистон Асрор Латифзода ба китобхонаи Агентии хизмати давлатӣ китобҳои пурарзиши илмӣ ва бадеӣ ва асарҳои эҷоднамудаи худро тақдим намудаанд.

Ба ғайр аз ин, бо мақсади зиёдгардонидани фонди китобхонаи Агентии хизмати давлатӣ аз Муассисаи давлатии «Китобхонаи миллии Тоҷикистон» китобҳои «Авесто», «Мероси хаттии бостон» (ҷилдҳои 1 ва 2,), «Шоҳнома»-и Саолибӣ», «Ҳудуд-ул-олам», «Зайн-ул-ахбор», «Таърихи Байҳақӣ», «Бохтар» (ҷилдҳои 1 ва 2), «Аҷоибнома», «Динкард», «Забони миллат-ҳастиимиллат», «Забони давлатӣ ва истиқлол», «Грамматикаи забони адабии ҳозираи тоҷик» (ҷилдҳои 1 ва 2) харидорӣ гардидаанд.

АКС: Агентии хизмати давлатии назди Президенти Ҷумҳурии Тоҷикистон

Июнь 14, 2022 14:54

Хабарҳои дигари ин бахш

ИМРӮЗ-РӮЗИ ҶАҲОНИИ ТЕАТР. Дар давраи соҳибистиқлолӣ дар Тоҷикистон барои пешрафти санъати касбии театрӣ шароити мусоид фароҳам оварда шуд
«САЙРИ ГУЛИ ЛОЛА». Дар Суғд Фестивали вилоятии гулҳо доир мешавад
КОНИ ЛАЗЗАТ ВА ХОНИ НЕЪМАТ. Хабарнигори АМИТ «Ховар» оид ба таомҳои наврӯзӣ дар Бадахшон маълумот ҷамъоварӣ намуд
НАВРӮЗ-МАҲБУБТАРИН ҶАШНИ МИЛЛИИ ТОҶИКОН. Суратгузориш аз таҷлили бошукуҳи ҷашни Наврӯз дар Академияи миллии илмҳои Тоҷикистон
Байни Китобхонаи миллии Тоҷикистон ва Китобхонаи оммавӣ, илмӣ-техникии шуъбаи Академияи илмҳои Русия дар минтақаи Сибир Созишномаи ҳамкорӣ ба имзо расид
Оши бурида дар Наврӯз ҳамчун рамзи умри дароз ва ҳаёти хушбахтона омода мешавад
НАВРӮЗ — ҶАШНИ ЭҲЁ. Ин ҷашни ҷаҳонӣ бунёди маънавии миллати тоҷик мебошад
МАЗМУНҲОИ НАВРӮЗӢ ДАР АШЪОРИ АҲДИ КЛАССИКИИ ФОРСУ ТОҶИК. Андешаҳои адабиётшинос дар хусус
НАВРӮЗ ДАР ЗАРАФШОН. Он бо «тухмҷангак»-и кӯдакон оғоз мегардад
ШАБОҲАТИ ОИНҲОИ НАВРӮЗӢ ДАР ДАВЛАТҲОИ АВРУПО. Наврӯз ҳоло ба ҷузъи тамаддуни башарӣ табдил ёфтааст
«ҲАФТ-СИН» ВА «ҲАФТ-ШИН». Оростани хони наврӯзӣ бо ин рамзҳо нишонаи хайру баракат аст
«САД РАНГИ ЧАКАН». Дар Бӯстон даври шаҳрии озмун баргузор гардид