Дар Душанбе ҷаласаи навбатии Шӯрои занони милитсияи пойтахт баргузор гардид
ДУШАНБЕ, 13.06.2022 /АМИТ «Ховар»/. Дар Раёсати Вазортаи корҳои дохилӣ дар шаҳри Душанбе ҷаласаи навбатии Шӯрои занони милитсияи пойтахт баргузор гардид, ки дар он як зумра масъалаҳои марбут ба занон, дарёфти роҳҳои ҳалли мушкилот, дастгирии ҳамаҷонибаи онҳо, пешниҳод ба вазифаҳои роҳбарикунандаи мақомоти милитсия ва дигар масъалаҳои ҷорӣ мавриди баррасӣ қарор дода шуданд, хабар дод сардори маркази матбуоти РВКД дар шаҳри Душанбе Сироҷиддин Шукуров ба АМИТ «Ховар».
Дар ҳамоиш муовини сардори РВКД, полковники милитсия Сайфулло Ҳабибов, раиси Шӯрои занон, подполковники милитсия Муниза Баҳриддинзода ва кормандзанони милитсияи шаҳри Душанбе иштирок намуданд.
Зимни мулоқот Сайфулло Ҳабибов нақши занонро дар пешгирии амалу кирдорҳои номатлуб, баланд бардоштани маърифати ҳуқуқии шаҳрвандон, таъмини тартибот ва осоиштаҳолии шаҳрвандон баланд арзёбӣ намуд.
Мавсуф зикр кард, ки баланд бардоштани нақши занон дар ҷомеа дар мадди назари роҳбарияти олии кишвар қарор дошта, сол то сол шумораи занон, ки дар сохторҳои гуногуни давлатӣ кору фаъолият мекунанд, рӯ ба афзоиш дорад. Аз ҷумла, дар сафи мақомоти милитсия низ кормандзанон бо далериву ҷасурӣ мардонавор ба халқу Ватан содиқона хизмат карда истодаанд.
«Дар милитсияи пойтахт занон дар вазифаҳои гуногун фаъолият намуда, дар тамоми чорабиниҳои ҷумҳуриявӣ баҳри таъмини тартибот ҷамъиятӣ фаъолона ширкат менамоянд» -гуфт ӯ.
Зимни суханронӣ кормандзанони милитсияи шаҳри Душанбе иброз намуданд, ки ба савганди худ содиқ монда, бо мақсади таъмини волоияти қонун ва ҳифзи тартиботи ҷамъиятӣ саҳми арзишманди худро мегузоранд.
АКС: РВКД дар ш. Душанбе
Имангалӣ Тасмагамбетов: «Соли 2025 татбиқи Барномаи байнидавлатии мақсадноки СААД оид ба таҳкими сарҳади Тоҷикистону Афғонистон оғоз мешавад»
НИШАСТИ МАТБУОТӢ. Соли 2024 216 тоннаю 787 килограмм маводи пастсифат мусодира ва нобуд гардид
НИШАСТИ МАТБУОТӢ. Ҳодисаҳои нохуш аз бемасъулиятии кормандон ва норасоии мутахассисони соҳавӣ ба амал меоянд
«НОЗИРИ МИНТАҚАВӢ-СИМОИ МИЛИТСИЯ». Барои нозирони минтақавии вилояти Хатлон даври омӯзишӣ гузаронида шуд
«Собиқадорони Вазорати корҳои дохилӣ дар ҳифзи тартиботи ҷамъиятӣ нақши назаррас мегузоранд», — бардошт аз ҳамоиш
Дар Душанбе ҷаласаи ҳамоҳангсозии сохторҳои қудратӣ ва мақомоти ҳифзи ҳуқуқ доир гардид
Таваҷҷуҳ! Насби таҷҳизоти махсуси рӯшноӣ ва садо дар мошинҳои шахсӣ хилофи қонун аст
Дар панҷ соли охир музди меҳнати амалкунандаи кормандони мақомоти ҳифзи ҳуқуқ дар Тоҷикистон 100 фоиз зиёд карда шуд
Дар Қувваҳои мусаллаҳи Тоҷикистон даври якуми таҳсил оғоз гардид
Дар Раёсати Вазорати корҳои дохилӣ дар вилояти Суғд доир ба ҳифзи ҳуқуқу манфиатҳои ноболиғон ҳамоиш доир шуд
Вазорати корҳои дохилӣ: «Ҳеҷ гоҳ корти бонкӣ ё маълумоти онро ба шахсони сеюм надиҳед»
Дар Палатаи ҳисоб оид ба сиёсати ҳуқуқии давлат дар самти пешгирӣ ва муқовимат ба экстремизм ва терроризм машварат доир шуд
