ФУТБОЛ. Дастаи мунтахаби Тоҷикистон барои бозӣ бо Мянма дар шаҳри Бишкек омодагӣ мегирад
ДУШАНБЕ, 07.06.2022 /АМИТ «Ховар»/. Дастаи мунтахаби Тоҷикистон оид ба футбол зери роҳбарии мутахассиси хорватӣ Петр Сегрт омодагиро барои бозиҳои интихобии Ҷоми Осиё – 2023 муқобили дастаи мунтахаби Мянма дар шаҳри Бишкек идома дода истодааст, хабар медиҳад шореҳи варзиши АМИТ «Ховар» бо истинод ба Федератсияи футболи Тоҷикистон.
Аз ин пеш дастаи мунтахаби Тоҷикистон дар Дубай тамринҳои дастаҷамъонаашро ҷиҳати иштироки фаъолона дар бозиҳои интихобии Ҷоми Осиё-2023 гузаронида буд.
Қобили зикр аст, ки дастаи мунтахаби Тоҷикистон нахустин бозии хешро дар мусобиқаи интихобии Ҷоми Осиё – 2023 дар гурӯҳи «F» 8 июни соли равон бо дастаи мунтахаби Мянма доир мекунад. Вохӯрии дастаҳо дар варзишгоҳи ба номи Долон Омурзоқов, соати 15:30 ба вақти Душанбе баргузор мешавад. Рақибони дигари дастаи мунтахаби Тоҷикистон дастаҳои мунтахаби Сингапур (11 июн) ва Қирғизистон (14 июн) хоҳанд буд. Ҳамаи бозиҳо дар варзишгоҳи ба номи Долон Омурзоқови шаҳри Бишкек баргузор мешаванд. Бар асоси натиҷаи марҳилаи интихобӣ ғолибони шаш гурӯҳи интихобӣ ва панҷ дастаи беҳтарини дар зинаи дуюм ҷой гирифта, ба қисмати финалии Ҷоми Осиё-2023 роҳ меёбанд.
Бозиҳои интихобии Ҷоми Осиё-2023
Гурӯҳи «F»
Даври 1
8 июн (чоршанбе)
15:30 – Тоҷикистон – Мянмар
20:00 – Қирғизистон – Сингапур
Даври 2
11 июн (шанбе)
15:30 – Сингапур – Тоҷикистон
20:00 – Мянмар – Қирғизистон
Даври 3
14 июн (сешанбе)
15:30 – Мянмар – Сингапур
20:00 – Қирғизистон – Тоҷикистон
Оғози бозӣ ба вақти Душанбе аст.
Акс: ФФТ
Ҳайати дастаи мунтахаби Тоҷикистон оид ба футбол барои бозиҳои дӯстона бо тими мунтахаби Ҳиндустон муайян гардид
ФУТБОЛ. Дастаи мунтахаби Тоҷикистон бо тими мунтахаби Ҳиндустон бозиҳои дӯстона анҷом медиҳад
Дар Ёвон гулгашти фарҳангию фароғатӣ бо муҷассамаи «Рамзи футбол» ба истифода дода шуд
Дар деҳаи ба номи Иброҳим Бозорови шаҳри Турсунзода бахшида ба Рӯзи ҷаҳонии футбол майдони варзишии «Ҳумо Арена» ифтитоҳ ёфт
Бахшида ба Рӯзи ҷаҳонии футбол Фестивали бошукуҳи футбол баргузор гардид
Дар Душанбе Варзишгоҳи миллӣ ба истифода дода мешавад
Хислатҳои неки роҳбарии Рустами Эмомалӣ -ҳадафмандӣ, таваҷҷуҳ ба таҷрибаҳои беназир, эҳтиром ба одамон ва муоширати сатҳи баланд
Эмомалӣ Раҳмон: «Футбол имрӯз на танҳо як намуди варзиш, балки омили муҳими таҳкими дӯстӣ, ҳамдигарфаҳмӣ ва ҳамбастагии халқҳо гардидааст»
Дар шаҳри Оснабрюки Олмон бахшида ба Рӯзи ҷаҳонии футбол мусобиқа баргузор гардид
25 МАЙ — РӮЗИ ҶАҲОНИИ ФУТБОЛ. Дар Варзишгоҳи марказии ҷумҳуриявӣ Фестивали футбол доир мегардад
Дар Душанбе Рӯзи ҷавонони Тоҷикистон бошукуҳ таҷлил карда шуд
Дар Хатлон Рӯзи ҷаҳонии футболро таҷлил намуданд
