Профессори турк Ахмед Метен: «Эмомалӣ Раҳмон дар суханронии худ бисёр масъалаҳоеро бардоштанд, ки мардуми сайёра ҳалли ҳар чӣ зудтари онҳоро интизоранд»

Июнь 8, 2022 16:57

ДУШАНБЕ, 08.06.2022 /АМИТ «Ховар»/. «Конфронси дуюми байналмилалии сатҳи баланд оид ба Даҳсолаи байналмилалии амал «Об барои рушди устувор, солҳои  2018-2028», ки имрӯзҳо дар  шаҳри Душанбе баргузор гардида истодааст,  дар шароити кунунии ҷаҳон, хусусан раванди тағйирёбии иқлим хело муҳиму саривақтӣ  мебошад», — гуфт дар суҳбат бо хабарнигори АМИТ «Ховар» муҳандиси соҳаи об,  профессор Ахмед Метен  аз Ҷумҳурии Туркия.

Ба гуфтаи ӯ, дар конфронси оби Душанбе, ки намояндагони созмонҳои бонуфузи байналмилалӣ, минтақавӣ, ҳайатҳои баландпояи кишварҳои ҷаҳон иштирок доранд, доир ба ҳалли масъалаҳои муҳими марбут ба об бо маърӯзаҳои пурмуҳтаво баромад намуданд.

«Хусусан суханронии Президенти Ҷумҳурии Тоҷикистон муҳтарам Эмомалӣ Раҳмон, ки ташаббускори масъалаҳои глобалӣ вобаста ба ҳифзи муҳити зист, экология ва об мебошанд, хеле муассиру пурмазмун буд. Эмомалӣ Раҳмон дар  суханронии худ бисёр масъалаҳоеро бардоштанд, ки мардуми сайёра ҳалли ҳар чӣ зудтари онҳоро интизоранд», — тазаккур дод Ахмед Метен.

Профессори турк  афзуд, ки масъалаи тақвияти ҳамкорӣ аз сатҳи маҳаллию миллӣ то сатҳи минтақавию ҷаҳонӣ аз масъалаҳои асосии баррасишавандаи Конфронси об дар Душанбе маҳсуб мешавад, ки он метавонад дар татбиқи пурраи ҳадафҳои Даҳсолаи нави «Об барои рушди устувор, солҳои 2018-2028» нақши арзишманд гузорад.

Ахмед Метен аз ҳамкории судманди Тоҷикистон ва Туркия дар масъалаи обу экология ва ҳифзи муҳити зист изҳори хушиву қаноатмандӣ намуда, зикр кард, ки танҳо дар якҷоягию  ҳамбастагӣ ҷомеаи ҷаҳонӣ   имкон дорад дар ҳалли мушкилоти сайёра муваффақ гардад.

                                            Марзия САИДЗОДА,
                                           АМИТ «Ховар»,

      АКС: АМИТ «Ховар»

Июнь 8, 2022 16:57

Хабарҳои дигари ин бахш

КОНСТИТУТСИЯ—ШОҲСУТУНИ ДАВЛАТ. Иқтибосҳо аз суханрониҳои Президенти Тоҷикистон
Корҳои омодагӣ ба ҷашни 40-солагии Истиқлолияти давлатии Ҷумҳурии Тоҷикистон оғоз гардиданд
Моҳи майи соли 2027 Душанбе мизбони Конфронси байналмилалии сатҳи баланд бахшида ба оғози Даҳсолаи байналмилалии таҳкими сулҳ мегардад
МЕҲРГОН-ҶАШНИ БАРАКАТУ ФАРОВОНӢ ВА МЕҲРУБОНӢ. Иқтибосҳо аз суханрониҳои Президенти Тоҷикистон
35 тавсифи пурарзиши Президенти Тоҷикистон дар ситоиши Истиқлолияти давлатӣ
ИСТИҚЛОЛИЯТ — РАМЗИ САОДАТ ВА АСОЛАТИ МИЛЛАТ. Тавсифҳои истиқлолият аз суханҳои пурарзиши Президенти Тоҷикистон
НУРИ ХУРШЕДИ ИСТИҚЛОЛ ТО АБАД РАВШАНГАРИ ҲАЁТИ ҶОМЕАИ МО БОД! Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛУ ОЗОДӢ — РАМЗИ ВОҚЕИИ ИФТИХОР АЗ ВАТАНУ ВАТАНДӮСТӢ. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — МАРҲАЛАИ СИФАТАН НАВИ РУШДИ ТОҶИКИСТОН. Тавсифҳои истиқлолият аз суханҳои пурарзиши Президенти Тоҷикистон
ИСТИҚЛОЛИЯТ — РАМЗИ БАРҶАСТАИ ПОЙДОРИИ ДАВЛАТ. Андешаҳои Президенти Ҷумҳурии Тоҷикистон муҳтарам Эмомалӣ Раҳмон доир ба Истиқлолияти давлатӣ
ҶОИЗАИ БАЙНАЛМИЛАЛИИ ПРЕЗИДЕНТИ ТОҶИКИСТОН ДАР СОҲАИ ОБ–ВАСИЛАИ ТАҲКИМИ ДИПЛОМАТИЯИ ОБ ДАР ҶАҲОН. Андешаҳо дар ин маврид
ТИРГОН ШЕБУ ФАРОЗИ САДСОЛАҲОРО ГУЗАШТА, ТО БА РӮЗГОРИ МО РАСИДААСТ. Иқтибосҳо аз суханрониҳои Президенти Тоҷикистон ба муносибати ин ҷашн