Раиси шаҳри Душанбе Рустами Эмомалӣ бо Сафири Ҷопон дар Тоҷикистон Тосихиро Аики мулоқот анҷом доданд

Июнь 8, 2022 19:40

ДУШАНБЕ, 08.06.2022 /АМИТ «Ховар»/. Имрӯз Раиси Маҷлиси миллии Маҷлиси Олии Ҷумҳурии Тоҷикистон, Раиси шаҳри Душанбе муҳтарам Рустами Эмомалӣ бо Сафири Фавқулода ва Мухтори Ҷопон дар Ҷумҳурии Тоҷикистон ҷаноби Тосихиро Аики мулоқот анҷом доданд. Дар ин бора ба АМИТ «Ховар» дар шуъбаи иттилооти дастгоҳи Раиси шаҳри Душанбе хабар доданд.

Дар мулоқот ҳолати кунунӣ ва дурнамои муносибатҳои ҳамкорӣ миёни мақомоти иҷроияи ҳокимияти давлатии шаҳри Душанбе ва Ҷопон мавриди музокирот қарор дода шуд.

Рустами Эмомалӣ Тосихиро Аикиро ба муносибати оғоз гардидани фаъолияти дипломатиаш дар Тоҷикистон дар ин маснади пуршарафу ҳамзамон сермасъул самимона табрику таҳният гуфта, бо итминон иброз доштанд, бо талошу фаъолияти самарабахш ҷиҳати такони тоза бахшидан ба муносибатҳои шарикии кишварҳо дар арсаҳои гуногуни ҳамкорӣ саҳми арзанда хоҳанд гузошт.

Ҷонибҳо ба рушди ҳамкории иқтисодиву тиҷоратӣ ва иҷтимоиву фарҳангӣ аҳамияти аввалиндараҷа дода, таъкид намуданд, ки Ҷопон ва Тоҷикистон дорои имконият ва захираҳои фаровони ҳамкориҳои гуногунҷанба мебошанд. Тайи солҳои барқарории муносибатҳои дипломатӣ миёни Ҷумҳурии Тоҷикистон ва Ҷопон ҳамкории мутақобилан судманд дар соҳаҳои гуногун ба роҳ монда шудаанд.

Ҷонибҳо манфиатдории худро ҷиҳати рушду густариши бештари ҳамкорӣ миёни мақомоти иҷроияи ҳокимияти давлатии шаҳри Душанбе ва Ҷопон, аз ҷумла дар соҳаи тандурустӣ, маориф, сохтмони роҳу пулҳо, рақамикунонии самти обу корезӣ ва таъсиси корхонаҳои муштарак дар бахшҳои гуногун таъкид намуданд.

АКС: шуъбаи иттилооти дастгоҳи Раиси шаҳри Душанбе

Июнь 8, 2022 19:40

Хабарҳои дигари ин бахш

«ҶОМИ ПОЙТАХТ». Дар истироҳатгоҳи беруназшаҳрӣ олимпиадаи даставӣ баргузор мегардад
Дар Душанбе нақшаи чорабиниҳо доир ба баргузории Чемпионати минтақавии Осиёи Марказӣ оид ба бадминтон тасдиқ гардид
ДУШАНБЕ БА ШАҲРИ САБЗ ТАБДИЛ МЕЁБАД. Дар мавсими тирамоҳу баҳор дар пойтахт қариб дусад ҳазор бех ниҳол шинонида мешавад
Бо Қарори Раиси шаҳри Душанбе дар пойтахт ярмаркаи фурӯши либос ва лавозимоти мактабӣ оғоз гардид
ИТТИЛОИЯ. Ба саҳифаҳои қалбакии аз номи Раиси Маҷлиси миллӣ, Раиси шаҳри Душанбе Рустами Эмомалӣ кушодашуда бовар накунед!
ДУШАНБЕ БАЪД АЗ 20 СОЛ. Таҳияи нақшаи генералии 64 шаҳру ноҳияҳои Тоҷикистон пурра ба анҷом расидааст
Сокини 10-миллионаи Тоҷикистон ба хонае, ки Пешвои миллат Эмомалӣ Раҳмон туҳфа карданд, ворид шуд
Дар ноҳияи Исмоили Сомонии пойтахт сохтмони зиёда аз 49 хонаи истиқоматии баландошёнаи замонавӣ ҷараён дорад
Моҳи сентябри соли 2022 дар Душанбе аввалин IT-парк ба фаъолият оғоз мекунад
Дар Душанбе боғи «Истиқлолият» бо майдони маҷмааи меъмории рамзи «Истиқлолият ва Озодӣ» ба истифода дода мешавад
Дар шаш моҳи соли 2022 дар ноҳияи Фирдавсӣ 138 корхонаи саноатӣ ба қайд гирифта шуданд
Дар шаш моҳ дар ноҳияи Шоҳмансури пойтахт ба маблағи 247 миллион сомонӣ маҳсулоти саноатӣ истеҳсол гардид

Маводҳои таҳлилӣ