«Sputnik»: Варзишгарони тоҷик дар мусобиқоти Русия ва ИМА рақибони худро шикаст доданд

ДУШАНБЕ, 13.06.2022 /АМИТ «Ховар»/. Зодагони Тоҷикистон рӯзҳои истироҳатиро дар мусобиқаҳои гуногуни ҷаҳонӣ, ки дар онҳо пирӯзиҳои боварибахш ба даст меоранд, мегузаронанд, менависад агентии иттилоотии русии «Sputnik».

11 июн Муборакшо Муборакшоев дар доираи мусобиқаи «Pravda FC» дар Москва бар варзишгари рус Николай Нестеров бо нокаути техникӣ пирӯз шуд.

Ҳоло Муборакшоев дар собиқаи варзишии худ дорои 7 ғалаба дар 7 қувваозмоӣ мебошад.

Муштзан Баҳодур Усмонов, ки дар «Ҷоми байниқитъавӣ» дар Москва аз номи Осиё баромад мекард, бо қарори якдилонаи доварон бар Александр Девятови рус ғолиб омад.

Дар ҳамин ҳол, дар Амрико паҳлавони дигари тоҷик Муин Ғафуров дар мусобиқаи LFA Fighting 134 бо Герберт Рейс де Соузаи бразилӣ қувваозмоӣ намуд.

Муҳориба аз рӯи қоидаҳои MMA баргузор шуда, се дақиқа идома кард ва бо нокаути размикори бразилӣ анҷом ёфт.

Барои де Соуза ин нокаут аввалин бор дар собиқаи ӯ гардид. Пеш аз ин ӯ 15 ғалаба ба даст оварда, як маротиба бо қарори доварон мағлуб шуда буд.

Муин Ғафуров низ 15 пирӯзӣ ва се бохт дорад.

АКС аз манбаъҳои боз