Таеквондочиёни тоҷик дар Чемпионати Осиё ширкат меварзанд

ДУШАНБЕ, 24.06.2022 /АМИТ «Ховар»/. Имрӯз, 24 июн дар шаҳри Чунчеони Кореяи Ҷанубӣ Чемпионати Осиё оид ба таеквондо оғоз мегардад, ки дар он варзишгарони тоҷик ширкат меварзанд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.

Дар 25-ум Чемпионати Осиё, ки то 27 июн идома меёбад, 229 варзишгар аз 33 давлати қора иштирок менамоянд.

Тоҷикистонро дар ин мусобиқа миёни мардҳо Маҳмадҷон Суннатов (63кг), Муҳамадҳусейн Шомаҳмадов (68кг), Муҳаммадҳасан Шомаҳмадов (80кг) ва миёни бонувон Ширин Миршакарзода (49кг), Муниса Ойматова (53кг), Моҳру Ҳалимова (67кг) намояндагӣ мекунанд.

АКС аз бойгонии КМО Тоҷикистон