Яке аз кӯчаҳои шаҳри Хоруғро ба номи Шоири халқии Тоҷикистон Ширин Бунёд номгузорӣ карданд
ДУШАНБЕ, 21.06.2022 /АМИТ «Ховар»/. Яке аз кўчаҳои шаҳри Хоруғ дар маҳаллаи Баракат ба номи Шоири халқии Тоҷикистон Ширин Бунёд номгузорӣ карда шуд. Дар ин бора АМИТ «Ховар» бо истинод ба иттилои мудири шуъбаи рушди иҷтимоӣ ва робита бо ҷомеаи дастгоҳи Раиси Вилояти Мухтори Кӯҳистони Бадахшон Ғолиб Ниятбеков хабар медиҳад.
Имрўз, 21 июн иҷлосияи даҳуми Маҷлиси вакилони халқи шаҳри Хоруғ, даъвати шашум баргузор гардид, ки дар кори он Раиси ВМКБ Алишер Мирзонабот, муовинони раис, роҳбари дастгоҳи раиси вилоят, кормандони масъули дастгоҳи раис, раисони шаҳри Хоруғ ва ноҳияҳо, раисони ҷамоатҳои шаҳраку деҳот, роҳбарони воҳидҳои сохтории мақомоти иҷроияи ҳокимияти давлатии шаҳру ноҳияҳо, роҳбарони сохторҳои низомӣ, қудратӣ ва мақомоти ҳифзи хуқуқи вилоят иштирок намуданд.
Дар иҷлосияи даҳуми Маҷлиси вакилони халқи шаҳри Хоруғ, даъвати шашум масъалаҳо оид ба Қарори Ҳукумати Ҷумҳурии Тоҷикистон аз 30 октябри соли 2009 «Оид ба номгузорӣ, дигар кардани номи корхонаҳои давлатӣ, фурӯдгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ ва масъалаҳои сохти марзиву маъмурӣ», «Барномаи рушди иқтисодӣ- иҷтимоии шаҳри Хоруғ барои солҳои 2022-2025» ва дигар масъалаҳо мавриди баррасӣ қарор гирифтанд.
Дар иҷлосияи мазкур дар асоси Фармони Президенти Ҷумҳурии Тоҷикистон Ризо Назарзода, ки то ин дам иҷрокунандаи вазифаи Раиси шаҳри Хоруғ буд, расман ба ин вазифа таъйин гардид.
Вакилони мардумӣ пешниҳоди комиссияи мақомоти иҷроияи ҳокимияти давлатии ВМКБ «Оид ба номгузорӣ, дигар кардани номи корхонаҳои давлатӣ, фурӯдгоҳҳо, ташкилоту муассисаҳо, таълимгоҳҳо, инчунин объектҳои физикию ҷуғрофӣ ва масъалаҳои сохти марзиву маъмурӣ», ки дар иҷлосияи маҷлисҳои вакилони халқи шаҳри Хоруғ баррасӣ гардиданд, ҷонибдорӣ намуданд.
АКС аз манбаъҳои боз
Пешвои миллат: «Занон дар ҳама соҳаҳои рушди Тоҷикистон саҳми арзанда доранд»
Эмомалӣ Раҳмон: «Модарон намунаи ахлоқ ва масъулияти ҷомеа мебошанд»
Эмомалӣ Раҳмон: «Донишмандии зан омили пешрафти тамоми миллат аст»
ЗАН БЕҲТАРИН ВА ОХИРИН ТУҲФАИ ОСМОНӢ АСТ. Гуфтаҳои бузургон дар васфи Зан – Модар
ҲАМДУ САНО БА ЗАН-МОДАР, КИ МУҲАББАТИ Ӯ ИНТИҲО НАДОРАД. Иқтибосҳо аз суханрониҳои Президенти Тоҷикистон Эмомалӣ Раҳмон
Эмомалӣ Раҳмон: «Эҳтиром ба зан – модар дар Тоҷикистон ҳамчун зарурати сиёсӣ ва иҷтимоӣ эътироф мешавад»
Эмомалӣ Раҳмон: «Занону модарони тоҷик дар ободониву пешрафти мамлакат саҳми бузург доранд»
Бунафша Файзиддинзода: «Бигузор занону духтарони мо дар арсаи байналмилалӣ бо либоси зебои тоҷикӣ парчамбардори сарзамини аҷдодӣ бошанд!»
ИХТИРОЪКОРИ БЕҲТАРИНИ ТОҶИКИСТОН. Фаъолияти Ганҷина Наврӯззода намунаи ибрат ва шоистаи пайравӣ аст
Пешвои миллат: «Зан – модар меҳвари хонавода ва пайвандгари оила бо ҷомеа аст»
