68 нафар наврасон дар «Чангоб»-и Ҳисор ба истироҳати бофароғат фаро гирифта шуданд
ҲИСОР, 05.07.2022. /АМИТ «Ховар»/. Дар Муассисаи давлатии истироҳатгоҳи маърифатӣ ва фароғатии «Чангоб», ки дар деҳаи Чангоби Ҷамоати деҳоти Хонақоҳи Кӯҳии шаҳри Ҳисор воқеъ аст, дар даври якум 68 нафар кӯдакону наврасон аз вилояти Хатлону шаҳри Ҳисор ба истироҳати бофароғат фаро гирифта шуданд. Дар ин бора директори мавсимии истироҳатгоҳи «Чангоб» Мирзомурод Боев ба хабарнигори минтақавии АМИТ «Ховар» Субҳониддини Маҳмуд иттилоъ дод.
Истироҳатгоҳи маърифатӣ ва фароғатии «Чангоб», ки аз замони Шӯравӣ боқӣ мондааст, бо бунгоҳи тиббӣ, ҳавзи шиноварӣ, майдончаҳои варзишӣ, ошхона ва хобгоҳҳои барҳаво таъмин буда, дар соли равон бо маблағи зиёда аз 70 ҳазор сомонӣ аз ҳисоби буҷети шаҳри Ҳисорро таъмири пурра намудаанд. Дар ин макони фароғат омӯзгорони ботаҷриба барои назорати истироҳаткунандагон фаъолият мекунанд. Инчунин аз донишкадаю коллеҷҳои ҷумҳурӣ донишҷӯён барои таҷрибаомӯзӣ роҳхат гирифта, дар якҷоягӣ бо мураббияҳои ботаҷриба аз рӯйи барномаи таълимию фароғатии истироҳатгоҳ кӯдакону наврасонро ба ватандӯстию худшиносии миллӣ роҳнамоӣ менамоянд.
Тавре масъулини истироҳатгоҳи мазкур иброз намуданд, кӯдакону наврасон дар як баст 12 рӯз истироҳат менамоянд. Барои ҳар нафари онҳо аз ҳисоби Иттифоқҳои касабаи соҳаҳои гуногуни ҷумҳурӣ ва Мақомоти иҷроияи ҳокимияти давлатии шаҳри Ҳисор маблағгузорӣ мешавад. Онҳо чор вақт бо хӯроки гарм таъмин буда, пайваста зери назорати табибону омӯзгорон қарор доранд. Барои истироҳати бофароғати кӯдакону наврасон тамоми шароити зарурӣ фароҳам гардида, бехатарии онҳо ҳангоми варзиш, оббозӣ ва дигар машғулиятҳо пурра таъмин карда шудааст.
Пас аз таъмири пурра, истироҳатгоҳи маърифатӣ ва фароғатии «Чангоб» имконият дорад, ки дар як баст то 300 нафар кӯдакону наврасонро қабул намояд. Бо дастури раиси шаҳри Ҳисор Қосим Роҳбар тасмим гирифта шудааст, ки дар доираи имкониятҳо дар ҳар давраи қабули истироҳаткунандагон, хонандагони ятиму бепарастор, аз оилаҳои камбизоат, хонандагони бобистеъдод аз шаҳри Ҳисор ба истироҳати бофароғат фаро гирифта шаванд.
АКС: АМИТ «Ховар»
Дар Осорхонаи миллии Тоҷикистон барои омӯзгорон сайри идонаи осорхонавӣ ташкил гардид
«НАМАКДОНИ МИЛЛАТ КАФИ ДАСТИ ӮСТ!». Таҳти чунин унвон китоби Давлат Сафар рӯнамоӣ гардид
ЗАБОН ВА 35 СОЛИ ИСТИҚЛОЛ. Бахшида ба Рӯзи забони давлатӣ конференсияи илмӣ-амалии ҷумҳуриявӣ доир шуд
Барои Сарвазири Тотористон ва ҳамроҳонаш сайри осорхонавӣ ташкил гардид
Вазирони корҳои дохилии ИДМ аз Осорхонаи миллии Тоҷикистон боздид намуданд
Ҳайати Донишкадаи давлатии фарҳанг ва санъати Тоҷикистон дар Фестивали байналмилалии донишҷӯёни ИДМ иштирок намуд
ҲАМДИЛӢ АЗ ҲАМЗАБОНӢ БЕҲТАР АСТ. Эҳдо ба Рӯзи бузургдошти Мавлоно Ҷалолиддини Балхӣ
Дар Осорхонаи миллии Тоҷикистон оид ба дастовардҳои Истиқлоли давлатӣ ҳамоиш доир гардид
Моҳи октябр дар Душанбе Бозиҳои XX Делфии ҷавонони кишварҳои аъзои ИДМ доир мегардад
Дар Душанбе Рӯзҳои кинои Эрон баргузор мегарданд
Дар Рим Намоишгоҳи байналмилалии «Тоҷикистон – кишвари ёдгориҳои нодир» ташкил карда мешавад
Ба ифтихори дохил гардидани Резервати биосферии Ромит ба Шабакаи ҷаҳонии мамнуъгоҳҳои биосферии ЮНЕСКО конфронс доир шуд
