Ҳарифони паҳлавонони тоҷик дар мусобиқаи «Zagreb Grand Prix 2022» муайян шуданд
ДУШАНБЕ, 15.07.2022 /АМИТ «Ховар»/. 14 июли соли равон дар шаҳри Загреби Хорватия маросими қуръакашии «Zagreb Grand Prix 2022» оид ба намуди гўштини дзюдо доир гардид ва ҳарифони варзишгарони тоҷик муайян шуданд. Дар ин бора шореҳи варзиш Муродалӣ Тешаев ба хабарнигори АМИТ «Ховар» Меҳрони Қурбон иттилоъ дод.
Аз 15 то 17 июли соли равон дар шаҳри Загреби Хорватия мусобиқаи «Zagreb Grand Prix 2022» баргузор мешавад. Мусобиқа 3 рӯз идома ёфта, дар он ширкати 548 варзишгар (315 мард ва 233 зан) аз 71 кишвари ҷаҳон дар назар аст.
Ҷумҳурии Тоҷикистонро дар ин мусобиқа 7 нафар варзишгар муаррифӣ мекунанд. Комроншоҳи Устопириён бинобар ҷароҳати пой дар ин мусобиқа ширкат варзида наметавонад. Варзишгарон имкони касби имтиёзҳои олимпӣ доранд. Барои мақоми аввал — 700, дуюм — 490 ва сеюм — 350 имтиёз дода мешавад.
Дар рӯзи аввали Мусобиқаи «Zagreb Grand Prix 2022» дар вазнҳои то 60 ва 66 килограмм чаҳор нафар паҳлавонони кишвари мо ҳунарнамоиро оғоз мекунанд.
Муҳаммад Маҳмадизода дар вазни то -60 кг дар даври аввал озод буда, дар даври дуюм бо варзишгари амрикоӣ Ҷакоб Море рақобат мекунад.
Паҳлавони дигари кишвар Муҳаммадсолеҳ Қувватов дар вазни то 60 кг, дар даври аввал озод буда, дар даври дуюм бо дзюдокори гурҷӣ Гиоргий Сардалашвили сабқат мекунад.
Варзишгари ҷавони тоҷик Шаҳбоз Саидабуроров дар вазни то 66 кг дар даври аввал озод буда, дар даври дигар бо ҷуфти Леон Дапик ва Фрйер Михаел қувва меозмояд.
Алиҷон Сафаров дар вазни то 66 кг дар даври аввал бо дзюдочии сербӣ Страҳинҷа Бункик сабқат мекунад.
Варзишгари дигари кишварамон Наврӯз Каримзод дар вазни то 73 кг дар даври аввал озод буда, дар даври дуюм бо ҷуфти Роберт Класар ва Ксавери Морка рақобат мекунанд.
Паҳлавони бомаҳорати кишвар Шодмон Ризоев дар вазни то 81 кг даври аввал озод буда, дар даври дуюм бо варзишгари лаҳистонӣ Себастиян Маркинкиевич рӯи татамӣ баҳри музаффарият нерӯсанҷӣ мекунад.
Ҷаҳонгир Маҷидов дар вазни то -90 кг дар даври аввал озод буда, дар даври дуюм бо Алексейс Зарудневс аз Латвия қувваозмоӣ мекунад.
АКС аз Федератсияи дзюдои Тоҷикистон
Муҳаммадин, Шодмон, Фарҳод ва Шакармамад соҳиби шоҳҷоизаҳои мусобиқаи гӯштини миллии ноҳияи Рашт гардиданд
Дастаи мунтахаби наврасони Тоҷикистон (U-16) дар Тошканд ғолиби чемпионати CAFA-2026 гардид
Саидмуъмини Шарифзод Шоҳҷоизаи Мусобиқаи гӯштини миллӣ дар ноҳияи Рӯдакиро соҳиб гардид
Бозиҳои Осиё дар иншооти пӯшида ва ҳунарҳои размӣ дар Арабистони Саудӣ баргузор мегарданд
БОЗИҲОИ 4-УМИ ОЛИМПИИ НАВРАСОН. Пойтахти Сенегал – шаҳри Дакар бозиҳоро мизбонӣ мекунад
ЧЕМПИОНАТИ ҶАҲОНИИ ҶУДО-2026. Боку мизбони мусобиқаи муҳими давраи нави олимпӣ мешавад
CAFA. Дастаи мунтахаби наврасони Тоҷикистон (U-16) тими Қирғизистонро мағлуб намуд
«DUSHANBE GRAND SLAM 2026». Аз 1 то 3 май дар Душанбе Мусобиқаи байналмилалӣ оид ба ҷудо доир мешавад
ЧЕМПИОНАТИ ОСИЁ ОИД БА БОКС. Миҷгона Самадова ва Некрӯз Салимов соҳиби медалҳои биринҷӣ шуданд
Ғолибони шоҳҷоизаҳои мусобиқаи гӯштини миллии ноҳияи Панҷ муайян гардиданд
Дар шаҳри Анталияи Туркия Форуми 8-уми Этноспорт баргузор гардид
«ҶОМИ РАИСИ ШАҲРИ ДУШАНБЕ». Дар пойтахт Мусобиқаи байналмилалӣ оид ба гӯштингирӣ баргузор гардид
