БАХШИДА БА СОЛҲОИ РУШДИ САНОАТ. Дар Минтақаи саноатии шаҳри Кӯлоб коргоҳу корхонаҳои нав бунёд мешаванд

Июль 30, 2022 11:40

КӮЛОБ, 30.07.2022  /АМИТ  «Ховар»/. Дар доираи татбиқи ҳадафи чоруми миллӣ- саноатикунонии босуръати мамлакат  ва эълони Солҳои рушди саноат (2022-2026)  имрӯзҳо дар Минтақаи саноатии шаҳри Кӯлоб коргоҳу корхонаҳои саноатӣ бунёд мегарданд.

Тавре соҳибкор Тоҳир Одинаев ба хабарнигори минтақавии АМИТ «Ховар» иттилоъ дод, “барои рушди истеҳсолот, таъсиси ҷойҳои нави корӣ ва аз нав фаъол намудани корхонаҳои саноатӣ, зиёд намудани ҳиссаи бахши соҳа дар пешрафти вазъи иқтисодӣ солҳои 2022-2026 Солҳои рушди саноат эълон гардидаанд. Дар доираи ин нақшаи чорабиниҳо таҳия карда шуда, дар Минтақаи саноатии шаҳри Кӯлоб барои 11 нафар соҳибкорон ҷиҳати бунёди коргоҳу корхонаҳои саноатӣ замин ҷудо гардидааст. Аллакай соҳибкорон як коргоҳу як корхонаро ба истифода доданд. Инчунин коргоҳи истеҳсоли обҳои ташнагишикан ва корхонаи коркарди ғалла  аз нав ба фаъолият шурӯъ намуданд”.

Дар Ҷамоати деҳоти Зиракӣ як коргоҳ ба истифода дода шуд, ки 4 нафар сокинон дар он фаъолият доранд. Дар коргоҳи мазкур парвариши чағора, ки талабот ба он хеле зиёд аст, ба роҳ монда шудааст. Соҳибкорон мегӯянд, ки маҳсулот дар муддати 45 рӯз омода шуда, дар бозору марказҳои савдои шаҳру вилояти Хатлон ба фурӯш бароварда мешавад. Дар ин коргоҳ мақсад доранд дар оянда парвариши навъҳои дигари чағораро ба роҳ монанд.

Ба иттилои Мақомоти иҷроияи ҳокимияти давлатии шаҳри Кӯлоб, аз рӯи нақша то соли 2026  дар шаҳр 40  коргоҳу корхонаҳои нав бунёд мешаванд.

Ёдовар мешавем, ки дар доираи тадбиқи ҳадафи чоруми миллӣ-саноатикунонии босуръати кишвар ва эълон гардидани Солҳои рушди саноат дар шаҳри Кӯлоб дар баробари Минтақаи озоди иқтисодӣ ҳамзамон минтақаи саноатӣ низ фаъолият дорад. Дар ҳарду минтақа барои бунёди иншооти истеҳсолӣ ва пешрафти фаъолияти соҳибкорӣ якчанд имтиёзҳо амал мекунанд.

АКС:АМИТ «Ховар»

Июль 30, 2022 11:40

Хабарҳои дигари ин бахш

Сардхонаи муосири деҳоти «Файзи Истиқлол»-и ноҳияи Кӯшониён ба аҳолӣ хизмат мерасонад
Сарвари давлат Эмомалӣ Раҳмон бо фаъолияти Ҷамъияти дорои масъулияти маҳдуди «Иттиҳодияи Истеҳсолии Нассоҷии Тоҷик» шинос шуданд
Ширкати олмонии «Тrutzschler spinning» дар вилояти Хатлон корхонаи ресандагӣ бунёд менамояд
Дар Исфара зимни банду басти меваи хушк ва маҳсулоти қаннодӣ аз усулҳои нав истифода мебаранд
Соли 2024 дар Бадахшон зиёда аз 40 корхонаи саноатӣ мавриди баҳрабардорӣ қарор дода мешавад
Дар қитъаи таҷрибавии Институти биологии «Помир» гармхонаи нави парвариши гулу буттаҳои ороишӣ бунёд мегардад
Дар Ҷайҳун ду корхонаи коркарди лимӯ бунёд мешавад
Дар коргоҳи дӯзандагии «Кимхо»-и ноҳияи Ишкошим дар оянда либоси мактабӣ дӯхта мешавад
Дар шаҳри Левакант корхонаи муштараки дӯзандагӣ бо фарогирии 500 ҷойи корӣ таъсис дода мешавад
Дар Суғд корхонаҳои муштарак бо Узбекистон оид ба парвариш ва коркарди заъфарон таъсис меёбанд
СОЛҲОИ РУШДИ САНОАТ. Дар шаҳри Душанбе 71 коргоҳу корхонаи саноатӣ сохта мешавад
НИШАСТИ МАТБУОТӢ. То соли 2026 дар ноҳияи Сино 24 корхонаи саноатӣ ба истифода дода мешавад