Дар ноҳияи Рӯдакӣ 179 ҳолати қонуншиканиҳо дар самти замин ошкор шуд
ДУШАНБЕ, 07.07.2022 /АМИТ «Ховар»/. Кумитаи идораи замини ноҳияи Рӯдакӣ дар шаш моҳи соли 2022 вобаста ба корҳои назоратии давлатии истифода ва ҳифзи замин санҷишҳо гузаронида, дар натиҷа 179 адад қонуншиканиҳоро дар майдони 26,73 гектар замин ошкор намуд. Аз ин миқдор 44 мавод барои додани баҳои ҳуқуқӣ дар майдони 2,54 гектар ба Прократураи ноҳия пешниҳод карда шудааст. Дар ин бора муовини Раиси Кумитаи идораи замини ноҳияи Рӯдакӣ Инатулло Назриев ба хабарнигори минтақавии АМИТ «Ховар» Субҳониддини Маҳмуд иттилоъ дод.
Масъулини Кумитаи идораи замини ноҳияи Рӯдакӣ гуфтанд, ки нисбат ба 135 нафар шаҳрвандони воқеию ҳуқуқӣ оид ба қонунвайронкунии замин дар майдони 24,19 гектар замин чораҳои маъмурӣ дида шуда, ба маблағи 67 ҳазору 968 сомонӣ ҷарима баста шудааст, ки аз он 64036 сомонӣ ба суратҳисоби махсуси Кумитаи идораи замини ноҳияи Рӯдакӣ ворид гардидааст.
Инатулло Назриев иброз дошт, ки бештари қонунвайронкуниҳо дар ноҳияи Рӯдакӣ дар ду ҳолат дида мешаванд. Барои мисол, аз шумораи умумии қонунвайронкуниҳо 96 ҳолати қонунвайронкунӣ барои надоштани ҳуҷҷати тасдиқкунандаи ҳуқуқи истифодаи замин ва 24 ҳолати дигар барои риоя накардани ҳуқуқи моликияти давлатӣ ба замин ба қайд гирифта шудаанд. 106 ҳолати қонунвайронкуниҳо дар маҳал бо масоҳати 24,56 гектар замин бартараф карда шуданд.
Тавре АМИТ «Ховар» хабар дода буд, моҳи марти соли равон Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ ба Прокурори генералӣ Юсуф Раҳмон дастур доданд, ки чораҳои мубориза бар зидди ҷинояткорӣ, аз ҷумла фурӯши ғайриқонунии заминро пурзӯр намояд.
«Бо мақсади пешгирӣ аз қабули қарорҳои ғайриқонунии раисони шаҳру ноҳияҳо вобаста ба замин санҷишҳои прокурориро пурзӯр кардан зарур аст», — омадааст дар қароре, ки Раиси палатаи болоии Парлумони мамлакат имзо кардааст.
Дар қарори мазкур таъкид шудааст, ки Прокурори генералӣ муваззаф шудааст, ҳар нимсола аз натиҷаи санҷишҳои мазкур ба Маҷлиси миллии Маҷлиси Олии Ҷумҳурии Тоҷикистон ҳисобот пешниҳод намояд.
Қаблан Раиси Кумитаи давлатии идораи замин ва геодезии ҶТ Ориф Хоҷазода ба хабарнигорон иброз дошт, ки дар Тоҷикистон ҳамарӯза ба ҳисоби миёна 37 ҳолати риоя нашудани қонунгузории истифодаи замин сабт мешавад. Ӯ инчунин гуфт, ки имрӯзҳо дар сафи кумита тозакунии кормандоне, ки дар фасод ва қаллобӣ бо замин даст доранд, идома дорад.
АКС аз манбаъҳои боз
Дар ноҳияи Исмоили Сомонии шаҳри Душанбе нақшаи даъвати ҳарбӣ 100 фоиз иҷро гардид
Намояндагони мақомоти судии Тоҷикистон ва Узбекистон дар Минск густариши муносибатҳои судӣ-ҳуқуқиро баррасӣ намуданд
Ноҳияи Шоҳмансури шаҳри Душанбе нақшаи даъвати ҳарбиро 100 фоиз иҷро намуд
ДАЪВАТИ ТИРАМОҲӢ. Нақшаи даъвати ҳарбӣ дар шаҳри Хуҷанд 100 фоиз иҷро гардид
Машварати понздаҳуми Шурои марказии Ҷамъияти ихтиёрии мусоидат ба артиш, авиатсия ва флоти ИДМ доир шуд
Бонки миллии Тоҷикистон ҳушдор медиҳад, ки ҳангоми истифодаи хизматрасонии бонкии рақамӣ эҳтиёткор бошед
Ҷавонони шаҳри Турсунзода бо гирифтани шаҳодатномаи ронандагӣ ба хизмати ҳарбӣ рафтанд
Хадамоти ҳифзи давлатии объектҳо оид ба муҳофизати шаҳраки Ғарми ноҳияи Рашт бо нақлиёти махсуси оташнишонӣ таъмин гардид
ДАЪВАТИ ТИРАМОҲӢ. Дар Муъминобод ба 20 ҷавон шаҳодатномаи ронандагӣ супорида шуд
Ҳабибулло Воҳидзода бо Котиби иҷроияи Шурои ҳамоҳангсозии прокурорҳои генералии давлатҳои аъзои ИДМ Александр Баженов вохӯрӣ намуд
Ҳабибулло Воҳидзода бо Прокурори генералии Ҷумҳурии Беларус Дмитрий Гора мулоқот намуд
Ҳабибулло Воҳидзода бо прокурорҳои генералии Қирғизистон ва Қазоқистон мулоқот намуд
