Дар шаш моҳи соли 2022 дар ноҳияи Фирдавсӣ 138 корхонаи саноатӣ ба қайд гирифта шуданд
ДУШАНБЕ, 21.07.2022. /АМИТ «Ховар»/. Дар моҳҳои январ-июни соли 2022 дар ноҳияи Фирдавсии шаҳри Душанбе 138 корхонаи саноатӣ ба қайд гирифта шуда, 99,4 млн сомонӣ фоида ба даст оварданд, ки дар муқоиса ба ҳамин давраи соли гузашта 2,5 млн сомонӣ зиёд мебошад. Ин матлабро зимни нишасти матбуотӣ раиси ноҳияи Фирдавсии пойтахт Фатҳиддин Усмонзода дар ҳузури хабарнигорон баён дошт.
Ба зикри мавсуф, дар ин давра корхонаҳои саноатии ноҳияи Фирдавсӣ ба маблағи 2,4 млн доллари амрикоӣ маҳсулоти истеҳсолнамудаи худро ба хориҷи кишвар содирот намуданд, ки дар муқоиса ба ҳамин давраи соли 2021 4,0 млн доллари амрикоӣ кам мебошад.
«Воридоти мол ба 15,5 млн доллари амрикоӣ баробар гардидааст, ки дар муқоиса нисбат ба ҳамин давраи соли гузашта (17,9 млн доллари амрикоӣ) 2,4 млн доллари амрикоӣ кам мебошад»,- гуфт раиси ноҳия.
Ҳамчунин иттилоъ дода шуд, ки ба ҳолати 1 июни соли 2022 дар ноҳияи Фирдавсӣ 4012 ҷойи нави кор аз ҳисоби шахсони ҳуқуқӣ ва воқеӣ таъсис дода шудааст.
Дар давраи ҳисоботӣ бо мақсади сазовор ҷашн гирифтани 35-солагии Истиқлолияти давлатии Ҷумҳурии Тоҷикистон нақшаи чорабиниҳои мақомоти иҷроияи ҳокимияти давлатии ноҳияи Фирдавсӣ омода гардид.
Ҳамчунин тибқи ин нақша 9944 ҷойи нави кории мавсимиву доимӣ ташкил гардидааст.
Зарангези ЛАТИФ,
АМИТ «Ховар»
АКС: АМИТ «Ховар»
Кумаки Пешвои миллат муҳтарам Эмомалӣ Раҳмон ба иштирокчии ҷанг аз Душанбе расонида шуд
Раиси шаҳри Душанбе Рустами Эмомалӣ ба сохтмони якчанд иншооти нави мақомоти корҳои дохилӣ санги асос гузоштанд
Раиси шаҳри Душанбе Рустами Эмомалӣ дар муаррифии 30 электробуси нави ширкати «Акиа Авесто автоматив индастри» иштирок намуданд
Бахшида ба Рӯзи ҷаҳонии футбол дар пойтахт Фестивали футбол доир мешавад
Дурнамои ҳамкории шаҳри Душанбе ва иёлоти Ютаи Амрико баррасӣ шуд
Дар Душанбе даври шаҳрии Фестивал-озмуни ҳунармандону косибон таҳти унвони «Беҳтарин усто ва шогирд» баргузор шуд
Байни шаҳрҳои Душанбе ва Антверпен робитаҳои фарогир таҳким меёбанд
Даври шаҳрии Фестивал-озмуни ҷумҳуриявии «Як матову сад ранг» баргузор гардид
Дар Душанбе даври шаҳрии Озмуни ҷумҳуриявии «Кадбонуи беҳтарин» баргузор шуд
СОКИНИ ПОЙТАХТ БУДАН ИФТИХОР АСТ! Имрӯз Душанбе гаҳвораи тамаддуни миллати тоҷик гардидааст
Душанбе бо зебоӣ ва тароваташ байни сокинон ва сайёҳон ҳамчун «шаҳри гулҳо» маъруф аст
РӮЗИ ПОЙТАХТ. Душанбе маркази ташаккул ва рушди кластерҳои инноватсионӣ мебошад
