Гӯштингирони тоҷик дар Чемпионати ҷаҳон миёни наврасон иштирок менамоянд
ДУШАНБЕ, 29.07.2022 /АМИТ «Ховар»/. Алиризо Баҳромов (71кг) ва Муҳаммадамин Абдуллоев (80кг) аз намуди гӯштини тарзи озод ба шаҳри Рими Италия барои иштирок дар Чемпионати ҷаҳон оид ба гӯштин миёни наврасони то 17-сола сафарбар шуданд, хабар медиҳад АМИТ “Ховар” бо истинод ба Кумитаи миллии олипии Тоҷикистон.
Чемпионати мазкур 25 июл оғоз гардида, то 31 июл идома меёбад ва дар он 597 варзишгар (419 писар, 178 духтар) аз 54 давлат иштирок мекунанд.
Қувваозмоиҳо 25 июл бо гӯштини юнонӣ-римӣ оғоз гардида, 29 июл бо гӯштини тарзи озод идома меёбанд ва 31 июл ба анҷом мерасанд.
Дар асоси барномаи чемпионат Муҳаммадамин 29-30 июл ва Алиризо 30-31 июл гӯштин мегиранд. Рӯзи аввал марҳилаи интихобӣ ва рӯзи дуюм финал ба нақша гирифта шудааст.
Ёдовар мешавем, ки моҳи июн дар Чемпионати Осиё оид ба гӯштин миёни наврасони то 17-сола дар шаҳри Бишкеки Қирғизистон Муҳаммадамин Абдуллоев ва дар Чемпионати Осиё миёни наврасони то 15-сола дар Манамаи Баҳрайн Алиризо Баҳромов сазовори медали нуқра гардида буданд.
Дар чемпионатҳои ҷаҳон оид ба гӯштин миёни наврасон Тоҷикистон ҳамагӣ ду медал – 1 нуқра ва 1 биринҷӣ дорад. Дар Чемпионати ҷаҳон оид ба гӯштин миёни наврасон соли 2019 дар Софияи Булғористон дар равияи гӯштини юнонӣ-римӣ Шероз Очилов дар вазни 65 кг медали нуқра ва Фирӯз Мирзораҷабов дар вазни 55 кг медали биринҷӣ ба даст овардаанд.
АКС: КМО Тоҷикистон
Дар Душанбе таҳти унвони «Зебоӣ, доноӣ ва тавоноӣ аз варзиш аст» машқи пагоҳирӯзӣ баргузор гардид
«Истиқлол» барои роҳхат ёфтан ба плей-оффи Лигаи даъватии КФО-2026/27 бо дастаи «Ҳомс Ал-Фида»-и Сурия бозӣ мекунад
Дастаи мунтахаби наврасони Тоҷикистон (U-17) бо дастаи Қатар бозиҳои дӯстона анҷом медиҳад
ФУТБОЛ. Дастаи мунтахаби наврасони Тоҷикистон (U-15) дар Ҷоми ҷаҳон-2026 иштирок менамояд
Шоҳрух Назаров якумин медали нуқраи Тоҷикистонро дар таърихи Бозиҳои параосиёии тобистона соҳиб шуд
«Истиқлол» дар бозиҳои даври дуюми марҳилаи гурӯҳии Лигаи даъватии КФО-2026/27 бар ҳарифаш ғолиб омад
Дар шаҳри Хуҷанд Академияи бокс бунёд карда мешавад
Ғолибони Мусобиқаи ҷумҳуриявӣ оид ба гӯштини ҷудо барои дарёфти Ҷоми Президенти Ҷумҳурии Тоҷикистон дар шаҳри Кӯлоб муайян шуданд
Дастаи футболи «Хуҷанд» бори шашум барандаи Ҷоми Тоҷикистон гардид
КФО-2026/27. Имрӯз «Истиқлол» ва «Регар-ТадАЗ» бозиҳои аввали худро дар марҳилаи гурӯҳӣ анҷом медиҳанд
Дар Тоҷикистон Форуми байналмилалии ҷавонони давлатҳои аъзои Созмони ҳамкории Шанхай баргузор шуд
Шаҳри Кӯлоб мизбони Ҷоми Президенти Ҷумҳурии Тоҷикистон оид ба гӯштини ҷудо мегардад
