Имрӯз Агентии суғуртаи иҷтимоӣ ва нафақа, БДА «Амонатбонк», Мақомоти иҷроияи ҳокимияти давлатии шаҳри Душанбе, Иттифоқи «Тоҷикматлубот» нишасти матбуотӣ баргузор менамоянд

ДУШАНБЕ, 22.07.2022 /АМИТ «Ховар»/. Имрӯз, 22 июл оид ба ҷамъбасти фаъолият дар шаш моҳи аввали соли 2022 Агентии суғуртаи иҷтимоӣ ва нафақаи назди Ҳукумати Ҷумҳурии Тоҷикистон, Бонки давлатии амонатгузории Ҷумҳурии Тоҷикистон  «Амонатбонк», Мақомоти иҷроияи ҳокимияти давлатии шаҳри Душанбе,  Иттифоқи «Тоҷикматлубот» нишасти матбуотӣ баргузор менамоянд.

Нишасти матбуотии БДА ҶТ «Амонатбонк» соати 09:00 дар бонки мазкур доир мешавад.

Агентии суғуртаи иҷтимоӣ ва нафақа соати 10:00 дар Агентии мазкур нишасти матбуотӣ барпо менамояд.

Мақомоти иҷроияи ҳокимияти давлатии шаҳри Душанбе нишасти матбуотиро соати 10:00 дар толори баргузории нишастҳои матбуотии Қасри теннис ва маҷмааи варзиши обии шаҳри Душанбе доир менамояд.

Нишасти матбуотии Иттифоқи «Тоҷикматлубот» соати 10:00 дар Иттифоқи «Тоҷикматлубот» баргузор мешавад.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории  нишастҳои матбуотиро бояд бо АМИТ «Ховар» тавассути телефонҳои 238-52-23, 888-08-34-04 мувофиқа намоянд.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj  ба забонҳои тоҷикӣ ва русӣ нашр карда мешаванд.

Ёдовар мешавем, ки  нишастҳои матбуотӣ мутобиқи Амри Президенти Ҷумҳурии Тоҷикистон аз 15 сентябри соли 2011  доир карда мешаванд.