Изатулло Саидзода: «Масъалаи ворид кардани блогерон ва блогҳои интернетиро дар қонунгузории соҳавӣ мавриди омӯзишу баррасӣ қарор медиҳем»
ДУШАНБЕ, 20.07.2022 /АМИТ «Ховар»/. Асри 21 асри илму техника ва рушди шабакаи глобалӣ — интернет буда, дар фазои иттилоотии кишвар блогерҳо пайдо шудаанд, ки мавқеи хешро мехоҳанд нишон диҳанд. Ҳоло замоне фаро расидааст, ки қонунгузорӣ бояд фаъолияти онҳоро ба танзим дарорад. Дар ин самт чӣ корҳо анҷом ёфта ва ё ба нақша гирифта шудаанд?
Ба ин саволи хабарнигори АМИТ «Ховар» имрӯз, 20 июл Директори Маркази миллии қонунгузории назди Президенти Ҷумҳурии Тоҷикистон Изатулло Саидзода зимни нишасти матбуотӣ посух дод.
Мавсуф иброз дошт, ки Маркази миллии қонунгузорӣ дар ин самт Қонуни Ҷумҳурии Тоҷикистон «Дар бораи ҳуқуқи дастрасӣ ба иттилоот»-ро ҳамроҳ бо қонуни моделии ИДМ «дар бораи ҳуқуқи дастрасӣ ба иттилоот» мавриди таҳлили муқоисавӣ ва ҳуқуқӣ қарор дода, таҳқиқоти муқоисавӣ-ҳуқуқии қонунгузорӣ гузаронид.
Изатулло Саидзода ҳамзамон гуфт, ки дар Маркази қонунгузорӣ шуъбаи иттилоот ва мураттабсозӣ фаъолият дорад. «Он чизе, ки имрӯз Шумо вобаста ба зарурияти танзими муносибатҳо доир ба фаъолияти блогерҳо пешниҳод намудед, қобили қабул буда, мо ин масъаларо оянда мавриди омӯзишу баррасӣ қарор медиҳем», — таъкид намуд Директори Маркази миллии қонунгузорӣ.
И. Саидзода дар идома доир ба фаъолияти дигар бахшҳои марказ дар шаш моҳи аввали соли равон иттилоъ дода, афзуд, ки дар асоси нақшаи кори Марказ барои соли равон 6 адад санадҳои меъёриву ҳуқуқӣ бо мақсади дар оянда такмил додани муқаррароти онҳо аз экспертизаи ҳуқуқӣ гузаронида шуданд ва дар маҷмӯъ 67 пешниҳод рӯи кор омад.
Файзалӣ ҚУРБОНЗОДА,
АМИТ «Ховар»
АКС: АМИТ «Ховар»
ТАВСИЯҲОИ МУФИД. Доир ба тарзи нави захира кардани меваҷоту сабзавот барои фасли зимистон
«ЭЪЛОМИЯИ ҲУҚУҚИ БАШАР». Таҳти чунин унвон ҳамоиши ҷумҳуриявӣ доир гардид
Китоби Пешвои миллат Эмомалӣ Раҳмон таҳти унвони «Ҳизби Халқии Демократии Тоҷикистон ва марҳилаҳои рушди Тоҷикистони соҳибистиқлол» рӯнамоӣ гардид
Дар Хадамоти иҷро оид ба татбиқи хизматрасониҳои электронӣ машварати омӯзишӣ доир гардид
Тақвияти ҳамкории Тоҷикистон ва Британияи Кабир дар соҳаи муҳоҷирати меҳнатии бехатар баррасӣ шуд
Дар фурудгоҳҳои байналмилалии Тоҷикистон оид ба муҳоҷирати меҳнатии қонунӣ ва бехатар корҳои фаҳмондадиҳӣ гузаронида шуданд
Дар Тоҷикистон Даҳаи дастгирии шири модар оғоз гардидааст
«ҲУҚУҚ БА САЛОМАТӢ». Таҳти чунин унвон озмуни байналмилалӣ доир мегардад
Лагери истироҳатию солимгардонии «Саодат» 360 кӯдакро ба истироҳат фаро гирифт
494 нафар донишҷӯ муассисаҳои таҳсилоти миёнаи касбиро бо дипломи аъло хатм намуданд
ПУРСИДЕД, ҶАВОБ МЕДИҲЕМ. Чӣ гуна патентро аз даст надода, фаъолияти меҳнатиро дар Русия ба таври қонунӣ анҷом додан мумкин аст?
Дар Вазорати тандурустӣ ва ҳифзи иҷтимоии аҳолӣ оид ба даҳаи миллии дастгирии ҳимояи ғизодиҳии табиии кӯдакон ҳамоиш доир шуд
