Корхонаҳои саноатии Гулистон дар шаш моҳ ба маблағи зиёда аз 2 миллиард сомонӣ маҳсулот истеҳсол намуданд

Июль 24, 2022 08:35

ДУШАНБЕ, 24.07.2022 /АМИТ «Ховар»/. Корхонаҳои саноатии шаҳри Гулистон давоми шашмоҳаи аввали соли равон ба маблағи 2 миллиарду 523,2 миллион сомонӣ маҳсулот истеҳсол намуданд, ки нисбат ба ҳамин давраи соли гузашта бо нархҳои муқоисавӣ 102,1 фоизро ташкил дода, ин нишондиҳанда ба маблағи 51,2 миллион сомонӣ зиёд мебошад. Дар ин бора зимни нишасти матбуотӣ раиси шаҳри Гулистон Раъно Ҳошимзода ба хабарнигорон иттилоъ дод.

Раъно Ҳошимзода иброз дошт, ки доир ба эълон гардидани Солҳои рушди саноат (2022-2026) соли равон 6 корхонаи саноатӣ, аз он 4 адад барои истеҳсоли гӯшти мурғ ва 2 адад барои истеҳсоли масолеҳи сохтмонӣ сохта шуда, мавриди истифода қарор дода мешаванд.

 Зикр шуд, ки давоми шаш моҳи соли 2022 ба қисми даромади буҷети давлатӣ 130 миллион сомонӣ маблағҳои андозу пардохтҳо ворид шудаанд, ки он ба 107,8 фоизи нақшаи пешбинишуда баробар буда, ба буҷет 9,4 миллион сомонӣ аз нақша зиёд маблағ ворид гардид.

«Ба хотири дастгирии кормандони соҳаҳои маориф ва тандурустӣ ва таъмин намудани онҳо бо манзилҳои истиқоматӣ тадбирҳо амалӣ гардонида шуда, дар шашмоҳаи аввали соли 2022 як нафар корманди соҳаи тандурустӣ бо манзили истикоматӣ таъмин гардид. Инчунин барои беҳтар намудани шароити зисти кормандони соҳаи иҷтимоӣ, бахусус мутахассисони ҷавон Мақомоти иҷроияи ҳокимияти давлатии шаҳри Гулистон барои сохтани хонаҳои истиқоматӣ кор бурда истодааст», — афзуд Раъно Ҳошимзода.

 АКС: Мақомоти иҷроияи ҳокимияти давлатии шаҳри Гулистон

Июль 24, 2022 08:35

Хабарҳои дигари ин бахш

Дар Истаравшан татбиқи Лоиҳаи «Фаъолият дар самти таъмини амнияти озуқавории Тоҷикистон» баррасӣ гардид
Имрӯз дар водиҳои Тоҷикистон ҳаво то 40 дараҷа гарм мешавад
34 СОЛИ ПУР АЗ САМАР. Мулоҳизаҳои директори Маркази тадқиқоти стратегӣ доир ба таҳкими Истиқлолияти давлатии Тоҷикистон
Имрӯз дар ноҳияҳои алоҳидаи Тоҷикистон чангу ғубор ба амал меояд
Омодагӣ ба ҷаласаи Комиссияи байниҳукуматӣ оид ба ҳамкории тиҷоратию иқтисодӣ байни Тоҷикистон ва Озарбойҷон баррасӣ гардид
Имрӯз дар шаҳри Душанбе ҳаво то 38 дараҷа гарм мешавад
Дар Конибодом ба хонандагон либосҳои мактабӣ ва ашёи хониш тақдим гардид
Дар Душанбе дар мавзуи «Навсозии Чин» конференсия баргузор гардид
Истиқлоли давлатӣ омили калидии сиёсати муваффақи Тоҷикистон дар арсаи байналмилалӣ аст
МегаФон Тоҷикистон бурди миллион сомонӣ ва туҳфаҳои дигари олиҷанобро доир менамояд
Имрӯз дар ноҳияҳои кӯҳии Тоҷикистон ҳаво то 36 дараҷа гарм мешавад
Дар Бохтар ба кӯдакони ятим ва ниёзманд либосҳои мактабию лавозимоти хониш тақдим гардид