Таҳти раёсати Тоҷикистон ҷаласаи 108-уми Шурои иқтисодии Иттиҳоди Давлатҳои Мустақил баргузор гардид
ДУШАНБЕ, 06.12.2025 /АМИТ «Ховар»/. 5 декабр дар Москва таҳти раёсати муовини якуми Сарвазири Ҷумҳурии Тоҷикистон Ҳоким Холиқзода ҷаласаи 108-уми Шурои иқтисодии Иттиҳоди Давлатҳои Мустақил баргузор гардид. Дар ин хусус ба АМИТ «Ховар» аз Сафорати Ҷумҳурии Тоҷикистон дар Федератсияи Русия хабар доданд.
Дар зимн роҳбарони ҳайатҳо дар қолаби маҳдуд ва васеъ доир ба масъалаҳои мубрами рӯзномаи ҳамкории иқтисодӣ дар ҳавзаи Иттиҳоди Давлатҳои Мустақил табодули афкор намуданд.
Ҷонибҳо барои таҳкими минбаъдаи ҳамкорӣ дар соҳаҳои гуногуни иқтисодию иҷтимоии давлатҳои иштирокдори Иттиҳод 17 масъаларо мавриди баррасӣ қарор дода, қарорҳои дахлдор қабул карданд.
Ҳамчунин роҳбарони ҳайатҳо муваффақона анҷом ёфтани раёсати Ҷумҳурии Тоҷикистон дар Шурои иқтисодии Иттиҳоди Давлатҳои Мустақил дар соли 2025-ро таъкид намуда, натиҷабахш будани онро махсус таъкид намуданд.
Раёсат дар Шурои иқтисодии Иттиҳоди Давлатҳои Мустақил дар соли 2026 аз Ҷумҳурии Тоҷикистон ба Туркманистон мегузарад.
АКС: Сафорати Ҷумҳурии Тоҷикистон дар Федератсияи Русия
Имрӯз дар ноҳияҳои алоҳидаи Тоҷикистон борон меборад
КОНСТИТУТСИЯ — РАҲНАМОИ ДАВЛАТДОРИИ МИЛЛӢ. Дар ноҳияи Ёвон ҳамоиши тантанавӣ баргузор шуд
Конститутсия кафолати адолати иҷтимоӣ, сулҳу ваҳдат ва рушди устувор аст
Бахшида ба Рӯзи Конститутсия дар Вазорати рушди иқтисод ва савдо ҳамоиши тантанавӣ доир шуд
Дар ноҳияи Рӯдакӣ бахшида ба Рӯзи Конститутсия конференсияи илмӣ-назариявӣ доир шуд
Рӯзи Конститутсияи Тоҷикистон дар Вазорати энергетика ва захираҳои об бошукуҳ таҷлил гардид
Бахшида ба 32-солагии қабули Конститутсия дар Кумитаи давлатии идораи замин ва геодезӣ ҷамъомади тантанавӣ доир шуд
Дар мавзуи «Конститутсияи Тоҷикистон дар масири таҳкими давлатдории миллӣ ва сиёсати созанда» ҳамоиши илмӣ доир шуд
Дар Вазорати адлия бахшида ба Рӯзи Конститутсияи Тоҷикистон ҳамоиш доир гардид
КОНСТИТУТСИЯ ВА ТАҚДИРИ МИЛЛАТ. Аз андешаи давлатдорӣ то фарҳанги созандаи ҷомеа
