Кумитаи ҳифзи муҳити зист соҳиби бинои нав мегардад
ДУШАНБЕ, 03.07.2022 /АМИТ «Ховар»/. Корҳои сохтмонӣ дар бинои нави Кумитаи ҳифзи муҳити зисти назди Ҳукумати Ҷумҳурии Тоҷикистон оғоз гардиданд, иттилоъ медиҳад АМИТ «Ховар» бо истинод ба Кумитаи мазкур.
Бинои сохташавандаи нави маъмурии Кумитаи ҳифзи муҳити зисти назди Ҳукумати ҷумҳурӣ дар буриши кӯчаи Шевченко ва Бухорои ноҳияи Синои шаҳри Душанбе воқаъ гардида, тибқи қарори Раиси шаҳри Душанбе барои сохтмони он дар масоҳати 0, 30 гектар замин ҷудо карда шудааст.
Бинои мазкур аз таҳхонаю 9 ошёна иборат буда, дар ошёнаҳо тибқи лоиҳаи тарҳрезишуда, ҳуҷраҳои корӣ, анборҳо, толори маҷлис, миёнасарой, ҳуҷраҳои техникӣ, ду адад лифти вазнбардориашон 630 ва 1000 кг, роҳравҳо, нуқтаҳои санитарӣ, ҷойҳои дастшӯӣ, шароити зиддисӯхторӣ, утоқҳои лабороторӣ ва ҷойи муайян барои посбон сохта мешаванд.
Тавре сардори шуъбаи корҳои сохтмони маъмурии Кумитаи мазкур А.Панҷиев зимни муаррифии лоиҳаи бинои мазкур гуфт, масолеҳи сохтмонӣ, ки барои бунёди бинои маъмурии Кумита истифода мегардад, аз ҷиҳати экологӣ тоза ва безарар мебошад.
Зикр шуд, ки бино тибқи меъёрҳои муқарраргардидаи шаҳрсозӣ дар сатҳу сифати баланд сохта шуда, солиёни зиёд барои фаъолияти кормандони ҳифзи муҳити зисти кишвра хизмат менамояд.
Дар маросими оғози сохтмони бинои нав раиси Кумитаи ҳифзи муҳити зисти назди Ҳукумати Ҷумҳурии Тоҷикистон Баҳодур Шерализода иштирок намуда, гуфт ки аз ҷониби Ҳукумати Ҷумҳурии Тоҷикистон, хосатан Пешвои муаззами миллат муҳтарам Эмомалӣ Раҳмон ба соҳаи ҳифзи муҳити зисти мамлакат таваҷҷуҳи пайваста зоҳир мегардад.
«Ин аст, ки зарфи солҳои соҳибистиқлолӣ дар як қатор шаҳру ноҳияҳои ҷумҳурӣ биноҳои маъмурии хуштарҳу замонавии соҳавӣ сохта ба истифода дода шуданд, ки барои беҳтар гаштани шароити кории кормандон мусоидат менамоянд. Ин ғамхориҳои пайваста моро водор месозад, ки кору фаъолияти худро ба таври зарурӣ ба роҳ монда, баҳри беҳдошти муҳити зисту таъмини амнияти экологии аҳолӣ ва дар умум баҳри боз ҳам ободу зебо гардонидани Ватани маҳбубамон кӯшишу талош намоем», — тазаккур дод ӯ.
АКС: Кумитаи ҳифзи муҳити зисти назди Ҳукумати Ҷумҳурии Тоҷикистон
Дар ташкилоти ибтидоии «Заминсоз» ҳамоиши тантанавӣ баргузор шуд
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Восеъ ҳамоиш доир гардид
Бахшида ба 30-солагии таъсиси Ҳизби Халқии Демократии Тоҷикистон дар ноҳияи Рӯдакӣ конференсия доир шуд
21 декабр Анҷумани XIII навбатии Ҳизби сотсиалистии Тоҷикистон доир мешавад
Оид ба нақши Ҳизби Халқии Демократии Тоҷикистон дар таҳкими ваҳдату якпорчагии миллат ҳамоиши илмӣ доир шуд
Имрӯз дар Тоҷикистон ҳавои тағйирёбандаи бебориш пешгӯӣ мешавад
Дар шаҳри Панҷакент, ноҳияҳои Айнӣ ва Кӯҳистони Мастчоҳ 764 қонуншиканӣ нисбат ба маҳсулоти ғайристандартӣ ошкор карда шуд
Дар Бадахшон маросими ҷоизасупории соҳаи сайёҳӣ, ҳунарҳои мардумӣ ва занбӯриасалпарварӣ баргузор шуд
Дар Ҳисор ба ифтихори 30-солагии таъсиси Ҳизби Халқии Демократии Тоҷикистон ҳамоиши идона доир шуд
Дар Британия қариб 66 ҳазор нафар бар асари тӯфон бе барқ монданд
Нархҳои маводи озуқаворӣ моҳи ноябр дар ҷаҳон 0,5% афзоиш ёфтанд
10 ДЕКАБР — РӮЗИ ҲУҚУҚИ ИНСОН. Дар Тоҷикистон таъсис додани вазифаи Омбудсмени соҳибкорӣ дар назар аст
