МУБОРАК БОД! Гӯштингирони тоҷик дар рӯзи аввали Чемпионати Осиё соҳиби ду медал гардиданд
ДУШАНБЕ, 04.07.2022 /АМИТ «Ховар»/. Дар рӯзи аввали Чемпионати Осиё оид ба гӯштин миёни наврасони то 15-сола ва ҷавонони то 20-сола варзишгарони тоҷик ду медал — 1 нуқра ва 1 биринҷӣ ба даст оварданд. Дар ин бора АМИТ «Ховар» бо истинод ба Кумитаи миллии олимпии Тоҷикистон хабар медиҳад.
Медали нуқраро Исоҷон Нураҳмадов дар вазни 68кг сазовор шуд. Қувваозмоиҳои ин вазн даврӣ сурат гирифта, Исоҷон дар даври аввал варзишгари Эрон Имад Ризо Муҳсиннажодро шикаст дод ва дар даври дуюм аз намояндаи Ҳиндустон Кумар Сачин мағлуб шуд. Сипас, дар ду даври дигар бар намояндагони Қирғизистон (Ержан Оқилбек уулу) ва Қазоқистон (Еркебулан Анапиа) пирӯз гардид.
Варзишгари дигар Муҳаммад Абдуҳакимзода дар вазни -62кг медали биринҷӣ ба даст овард. Муҳаммад дар ду давр бар варзишгарони Қазоқистон (Ислом Гассимов) ва Ироқ (Алӣ Форис Абдулсоҳиб Ал-Талӣ) дастболо шуда, ба нимфинал баромад. Вале дар ин давр аз варзишгари Эрон Алиризо Аббос Муҳаммад Ҳусейнӣ мағлуб шуд. Ӯ сипас дар қувваозмоӣ барои ҷои сеюм дубора варзишгари Ироқ Алӣ Форис Абдулсоҳиб Ал-Талиро шикаст дод.
Чемпионати Осиё оид ба гўштин миёни наврасон (U15) ва ҷавонон (U20) дар шаҳри Манамаи Баҳрайн то 10 июл идома меёбад.
Ба иттилои Федератсияи гӯштини Тоҷикистон, ҷумҳурии моро дар чемпионат 5 нафар миёни наврасон ва 3 нафар миёни ҷавонон намояндагӣ мекунанд.
Имрӯз нерусанҷиҳо миёни наврасон дар гӯштини тарзи озод баргузор мешавад. Ду варзишгари мо Идрисҷон Баҳромов (48кг) ва Алиризо Баҳромов (68кг) гуштин мегиранд.
Аз фардо, 5 июл то 10 июл қувваозмоиҳо миёни ҷавонон баргузор мешавад.
АКС: КМО Тоҷикистон
Дар даврони соҳибистиқлолии Тоҷикистон бо шарофати варзишгарон Парчами давлатӣ зиёда аз 7500 маротиба баланд бардошта шуд
«ВАРЗИШГАРОН — ПАРЧАМБАРДОРОНИ МИЛЛАТ». Дар Донишкадаи тарбияи ҷисмонии Тоҷикистон ҳамоиши тантанавӣ баргузор шуд
Варзишгарони тоҷик дар Бозиҳои 6-уми ҳамбастагии исломӣ-2025 соҳиби ҳашт медал шуданд
ҶОМИ ОСИЁ ОИД БА ҶУДО БАЙНИ НАВРАСОН ВА ҶАВОНОН-2025. Варзишгарони тоҷик дар рӯзи якум 3 медали тилло ба даст оварданд
«ҶАВОНОН ВА ВАРЗИШГАРОН -САДОҚАТ БА ПЕШВОИ МИЛЛАТ ВА ПАРЧАМИ ДАВЛАТӢ». Бо чунин унвон «Дав барои хушҳолӣ» баргузор гардид
Дар ноҳияи Ёвон варзишгарони ҷавон барои дастовардҳои назаррас қадрдонӣ шуданд
Парчами давлатии Тоҷикистон давоми нуҳ моҳ ба шарафи варзишгарони тоҷик зиёда аз 320 маротиба баланд бардошта шуд
Душанбе мизбони мусобиқаҳои бонуфузи қитъавӣ – Ҷоми Осиё оид ба ҷудо байни наврасон ва ҷавонон-2025 мегардад
Дастаи мунтахаби Тоҷикистон дар бозии даври панҷуми марҳилаи интихобии Ҷоми Осиё-2027 дастаи Тимори Шарқиро мағлуб намуд
Дастаи наврасони Тоҷикистон (U-15) дар бозии санҷишӣ дастаи мунтахаби Русияро мағлуб кард
Горан Стеванович: «Мо ба шаҳри Дарвин барои ба даст овардани се имтиёз омадаем»
Варзишгари тоҷик Шаҳром Маҳмуродов дар Чемпионати ҷаҳон оид ба ҷиу-ҷитсу соҳиби медали тилло гардид
