НИШАСТИ МАТБУОТӢ. Дар Суғд барои 45 оила — мутахассисони соҳаҳои маориф ва тиб бинои истиқоматӣ сохта шуд
СУҒД, 20.07.2022 /АМИТ «Ховар»/. Дар микроноҳияи 8-уми шаҳри Хуҷанд бинои истиқоматӣ барои 45 оила- мутахассисони соҳаҳои маориф ва тиб сохта шудааст, ки рӯзҳои наздик ба истифода дода мешавад. Дар ин бора 19 июл Раиси вилояти Суғд Раҷаббой Аҳмадзода зимни нишасти матбуотӣ иттилоъ дод.
Раиси вилоят оид ба вазъи соҳаҳои гуногун ва натиҷаҳои иҷтимоию иқтисодии вилоят дар шашмоҳаи якуми соли равон гуфт, ки давоми шаш моҳи имсол ҳаҷми истеҳсоли маҳсулоти саноатӣ дар вилоят ба 11,1 млрд сомонӣ ва суръати афзоиш бо назардошти индекси нархҳо ба 123,8 фоиз расонида шуд.
Ҳамзамон вобаста ба вазъи соҳаҳои мухталифи хоҷагии халқ ва вусъати корҳои ободониву созандагӣ ба истиқболи 35-солагии Истиқлолияти давлатии Ҷумҳурии Тоҷикистон маълумот дода шуд, ки “бунёди миллат аз маориф оғоз меёбад ва ғамхорӣ нисбат ба маориф ва соҳаи тиб, ки ҳадафи муҳимтарин ва самти афзалиятноки сиёсати иҷтимоии давлат ва Ҳукумати кишвар аст, мо бояд онро ҳамаҷониба дастгирӣ намуда, рушд диҳем”.
Зикр шуд, ки дар вилоят сохтмони 4 бинои баландошёнаи зебоманзар барои мутахассисони соҳаҳои маориф ва тиб дар назар буда, онҳо бо тарҳи замонавӣ сохта мешаванд.
Ба раисони шаҳру ноҳияҳои вилоят супориш дода шуд, ки ин иқдоми некро дастгирӣ намуда, дар ҷойҳо сараввал барои дастгирии 4 ё 5 оилаи омӯзгорон ва табибон чунин хонаҳои истиқоматӣ ба истифода диҳанд ва минбаъд ин раванд идома дода шавад.
Айни ҳол дар шаҳри Панҷакент ва ноҳияи Бобоҷон Ғафуров ин иқдоми нек дастгирӣ ёфта, корҳо идома доранд.
Раҷаббой Аҳмадзода гуфт, ки имрӯзҳо сокинони меҳнатдӯсти вилоят барои дар сатҳи баланд таҷлил намудани ҷашни 30-солагии Иҷлосияи XVI Шӯрои Олии Ҷумҳурии Тоҷикистон омодагӣ дида, бо дили гарм ва нигоҳи нек ба ояндаи Ватани маҳбубамон ба бунёдкориву созандагӣ машғуланд.
Изҳори боварӣ карда шуд, ки сокинони вилоят ҷашни таърихии 35-солагии Истиқлолияти давлатии Ҷумҳурии Тоҷикистонро бо дастовардҳои назаррасу шоиста истиқбол менамоянд.
Саъдулло МАҲКАМОВ,
АМИТ «Ховар»
АКС: Хадамоти матбуоти раиси вилояти Суғд
ИЛМУ МАОРИФ БА ОЯНДАИ БОСАОДАТИ ДАВЛАТУ МИЛЛАТ ТАВЪАМ АСТ. Андешаҳо дар ҳошияи Паёми Президенти Тоҷикистон ба Маҷлиси Олӣ
Ҷаласаи гурӯҳи кории Озмуни ҷумҳуриявии «Илм – фурӯғи маърифат» баргузор шуд
Дар Душанбе дар нуҳ сол беш аз 54 мактаб ва 42 муассисаи томактабӣ сохта шудааст
Оид ба тамоюлҳои рушди психологияи муосир ва татбиқи он дар низоми таҳсилоти рақамӣ конференсияи байналмилалӣ доир шуд
«ИЛМ – ФУРӮҒИ МАЪРИФАТ». Барои баргузории ин озмуни ҷумҳуриявӣ зиёда аз 9 миллион сомонӣ ҷудо гардид
Дар Донишгоҳи давлатии молия ва иқтисоди Тоҷикистон бахшида ба Рӯзи байналмилалии ҳадяи китоб ҳамоиш доир гардид
Бахшида ба «Бистсолаи омӯзиш ва рушди фанҳои табиатшиносӣ, дақиқ ва риёзӣ дар соҳаи илму маориф» дар Душанбе конференсияи илмӣ доир шуд
Дар оянда дар маҳали Донишкадаи инноватсионии Душанбе шаҳраки донишҷӯён сохта мешавад
РУШДИ САНОАТИ ФАРМАТСЕВТИИ ВАТАНӢ. Дар Парки технологии Донишгоҳи миллии Тоҷикистон аз пӯсти меваи анор дору тайёр мекунанд
НИШАСТИ МАТБУОТӢ. Филиали Донишгоҳи энергетикии Москва дар шаҳри Душанбе соҳиби ду таҷҳизоти лабораторӣ аз фанни физика гардид
Байни Маркази барномаҳои байналмилалӣ ва King’s College London Ёддошти тафоҳум ба имзо расид
Дар Филиали Донишкадаи рушди менеҷменти Сингапур дар шаҳри Душанбе шумораи донишҷӯён меафзояд
