Сироҷиддин Муҳриддин дар Тошканд аз пешниҳоди Президенти Тоҷикистон Эмомалӣ Раҳмон доир ба қабули Стратегияи рушди иқтисодии минтақаи СҲШ ёдовар шуд
ДУШАНБЕ, 29.07.2022 /АМИТ «Ховар»/. Имрӯз Вазири корҳои хориҷии Ҷумҳурии Тоҷикистон Сироҷиддин Муҳриддин дар ҷаласаи навбатии Шӯрои вазирони корҳои хориҷии давлатҳои аъзои СҲШ дар шаҳри Тошканд иштирок кард. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Вазири корҳои хориҷии Тоҷикистон зимни суханронӣ бо тамаркуз ба аҳаммияти ҳамкории сиёсӣ дар доираи СҲШ, минбаъд тавсеа додани ҳамоҳангсозии мавқеъҳои сиёсати хориҷӣ дар қолаби «ҳаштгона»-ро зикр намуд.
Сироҷиддин Муҳриддин ҳамчунин ба аҳаммияти дастгирии ташаббусҳо, ки ба тақвияти муҳтавои рӯзномаи иҷтимоию иқтисодии СҲШ, инчунин ҳамбастагии стратегияҳои миллӣ барои рушди устувор ва тараққиёти минтақа равона гардидаанд, ишора кард.
Дар ин замина Вазири корҳои хориҷӣ аз пешниҳоди Президенти Ҷумҳурии Тоҷикистон муҳтарам Эмомалӣ Раҳмон зимни нишасти Душанбе дар хусуси таҳия ва қабули Стратегияи рушди иқтисодии минтақаи СҲШ то соли 2030 ёдовар шуд.
Вазири корҳои хориҷӣ зимни суханронӣ ба масъалаҳои таъмини амният дар минтақаи СҲШ тамаркуз намуда, азми Тоҷикистонро ҷиҳати афзоиши саҳмгузорӣ дар талошҳои дастҷамъона дар ин самт таъкид кард.
Сироҷиддин Муҳриддин зарурати анҷом додани корҳо оид ба рӯйкардҳои муштаракро ҷиҳати таҳияи феҳристи ягонаи ташкилоти террористӣ, ифротӣ ва сепаратистӣ дар доираи СҲШ, ки фаъолияти онҳо дар қаламрави давлатҳои аъзо манъ аст, таъкид намуд.
Зимни ҷаласа ҳамчунин вазирон раванди омодагӣ ба ҷаласаи Шӯрои сарони давлатҳои аъзои СҲШ, ки 15-16 сентябри соли 2022 дар шаҳри Самарқанд баргузор мегардад, инчунин лоиҳаи рӯзнома ва номгӯи ҳуҷҷатҳоеро, ки ҷиҳати ба имзо расонидан дар натиҷаи саммити дарпешистода пешниҳод карда мешаванд, баррасӣ намуданд.
Роҳбарони ҳайатҳо роҷеъ ба масъалаҳои муҳимми минтақавӣ ва байналмилалӣ табодули афкор намуда, раванди музокиротро оид ба дархости давлатҳо барои касби мақоми узвият дар СҲШ муҳокима карданд.
Ҷонибҳо лоиҳаи Эъломияи самарқандии сарони давлатҳои аъзои СҲШ ва дигар ҳуҷҷатҳои ба баррасии роҳбарони давлатҳо пешниҳодшударо ҳамчун асос қабул карданд.
Аз рӯйи натиҷаи ҷаласаи Шӯрои вазирон 16 қарор ба имзо расид.
Зимнан, вазирони корҳои хориҷии давлатҳои аъзои СҲШ дар арафаи ҷаласа аз ҷониби Президенти Ҷумҳурии Узбекистон Шавкат Мирзиёев ба ҳузур пазируфта шуданд.
Акс: ВКХ ҶТ
Сироҷиддин Муҳриддин дар нишасти 4-уми вазирони корҳои хориҷии Муколамаи «Осиёи Марказӣ-Ҳиндустон» иштирок намуд
Тоҷикистону Ҳиндустон ҳамкории фарҳангӣ ва сайёҳиро таҳким мебахшанд
Сироҷиддин Муҳриддин ширкатҳои иштирокдори Шурои соҳибкорони Осиёи Марказӣ ва Ҳиндустонро ба Душанбе даъват намуд
Сироҷиддин Муҳриддин ва Субраҳманям Ҷайшанкар масоили муносибатҳои Тоҷикистону Ҳиндустонро баррасӣ намуданд
Сарвазири Тоҷикистон пешниҳод намуд, ки «Рӯзномаи рақамии ИДМ то соли 2030» таҳия карда шавад
Сарвазири Тоҷикистон: «Кишварҳои ИДМ рушди ҳамкории мутақобилан судманд ва ҳамаҷонибаро тасдиқ намуданд»
Қоҳир Расулзода: «Ҳамкории тиҷоратию иқтисодӣ бо кишварҳои ИДМ яке аз самтҳои афзалиятноки сиёсати хориҷии Тоҷикистон боқӣ мемонад»
Тоҷикистон ба рушди устувори муносибатҳои дуҷониба ва бисёрҷониба бо давлатҳои иштирокдори ИДМ аҳамияти махсус медиҳад
Муовини Раиси Девони вазирони Туркманистон ба Тоҷикистон ташриф овард
Муовини Сарвазири Арманистон ба Тоҷикистон ташриф овард
Қоҳир Расулзода бо Раиси Девони вазирон — Роҳбари Дастгоҳи Президенти Ҷумҳурии Қирғизистон Адилбек Касималиев мулоқот анҷом дод
