То соли 2030 аҳолии Тоҷикистон пурра бо оби ошомиданӣ таъмин мегардад
ДУШАНБЕ, 30.07.2022. /АМИТ «Ховар»/. То соли 2030 аҳолии Тоҷикистон пурра ба оби ошомиданӣ таъмин мегардад. Дар айни замон 67,1 фоизи аҳолии мамлакат бо об таъмин мебошанд, иттилоъ дод муовини аввали Директори Корхонаи воҳиди давлатии «Хоҷагии манзилию коммуналӣ» Ҷурахон Ғаффорзода дирӯз зимни нишасти матбуотӣ ба хабарнигорон.
Дар шаш моҳи соли 2022 барои сохтмон, таҷдид ва барқарорсозии иншооти обтаъминкунанда, фазлаоб (канализатсияҳо)-и шаҳру ноҳия ва деҳоти ҷумҳурӣ сармояи институтҳои ҷаҳонӣ ҷалб гардида, дар доираи татбиқи чор лоиҳаи амалишаванда ҷиҳати таъмини аҳолӣ бо оби нӯшокӣ корҳои назаррас ба анҷом расиданд.
Инчунин аз ҷониби Муассисаи давлатии «Сарраёсати Тоҷикобдеҳот»-и КВД «Хоҷагии манзилию коммуналӣ» ба истифодабарандагон ба миқдори 8 миллиону 244,6 ҳазор метри мукааб оби нӯшокӣ таъмин гардид. Маблағи ин хизматрасонӣ 4 миллиону 876,3 ҳазор сомониро ташкил медиҳад.
Бо мақсади васеъ намудани ҳудуди хизматрасониҳо ба аҳолии шаҳраку деҳоти мамлакат 20 лоиҳаи дархости сармоягузорӣ ба маблағи 768,9 ҳазор доллари ИМА омода карда шуда, ҷиҳати ворид намудан ба Барномаи давлатии сармоягузориҳо барои дарёфти сарчашмаи маблағгузорӣ ба Вазорати рушди иқтисод ва савдо ва Кумитаи давлатии сармоягузорӣ ва идораи амволи давлатии Ҷумҳурии Тоҷикистон пешниҳод карда шудааст.
Зарангези ЛАТИФ,
АМИТ «Ховар»
АКС: АМИТ «Ховар»
Дар Самарқанд Саммити ҷаҳонӣ доир ба некӯаҳволии кӯдакон баргузор гардид
Байни Тоҷикистон ва Узбекистон Ёддошти тафоҳуми ҳамкорӣ ба имзо расид
Дар вилояти Суғд зиёда аз 1200 муассисаи тиббии давлатӣ ва хусусӣ фаъолият дорад
Моҳи ноябр дар Тоҷикистон бориши борон ва ба амал омадани чангу ғубор дар назар аст
ОМОДАГӢ БА ЗИМИСТОН. Дар муассисаҳои таълимии шаҳри Ҳисор 2277 тонна ангишт захира гардидааст
Қариб 200 миллион нафар дар ҷаҳон аз истеъмоли нокифояи йод азият мекашанд
Дар Душанбе омодасозии мутахассисони соҳаи тандурустӣ дар Осиёи Марказӣ баррасӣ гардид
Бахшида ба Рӯзи Президенти Тоҷикистон таҳти унвони «Тамаддуни ориёӣ» озмуни ҷумҳуриявӣ доир мешавад
Рустами Эмомалӣ ворид намудани тағйиру иловаҳо ба Қонун «Дар бораи маҳдуд намудани истифодаи маҳсулоти тамоку»-ро ҷонибдорӣ намуданд
Дар нуҳ моҳи соли равон 86 муассисаи КАТС ба истифода дода шуд
Байни Иттифоқи журналистони Тоҷикистон ва Ассосиатсияи Умумичинии журналистон Созишномаи ҳамкорӣ ба имзо расид
Дар Панҷакент Форуми ҷумҳуриявӣ ва даври ҷамъбастии озмуни «Беҳтарин оилаи ҳунарманд» доир шуд
