Варзишгари тоҷик дар Малдив аз намуди бодибилдинг чемпиони Осиё шуд
ДУШАНБЕ, 22.07.2022 /АМИТ «Ховар»/. Варзишгари тоҷик Жасмин Ан-Нимр дар Чемпионати 54-уми Осиё оид ба бодибилдинг ва ҷусса, ки 15-21 июл дар ҷазираи Маафушии Малдив баргузор шуд, ғолиб омад. Дар ин мусобиқа беҳтарин варзишгарони Осиё ширкат доштанд ва беҳтарини беҳтаринҳо аз ҷиҳати бартарӣ ва зебоии бадан намояндаи Тоҷикистон буд, ки медали тилло гирифт.
Дар чемпионат зиёда аз 500 нафар варзишгарон ва намояндагони 25 кишвари олам ширкат доштанд. Ин ҳамчунин аввалин Чемпионати Осиё оид ба бодибилдинг ва ҷусса аст, ки дар Ҷумҳурии Малдив баргузор шуда, аз ҷониби Федератсияи бодибилдинги Осиё, ки ҳамзамон узви Шӯрои олимпии Осиё мебошад, доир мегардад.
Чемпионати Осиё оид ба бодибилдингро бисёриҳо тамошобобтарин меноманд, зеро маҳз дар ин ҷо одам намуди зоҳирии худро нишон дода, нақл мекунад, ки инсон ба хотири ҷисми худ ба чӣ қодир аст.
Жасмин — яке аз беҳтаринҳо дар Тоҷикистон аст, ки чемпион ва ҷоизадори чандинкаратаи кишвар шудааст. Медали тиллои ӯ як муваффақияти бузург барои ин намуди варзиш дар Тоҷикистон аст. Варзишгарро собиқ роҳбари Федератсияи бодибилдинг ва пауэрлифтинги кишвар Олим Парпиев тамрин медиҳад. Дар робита ба гузаштан ба вазифаи нав Парпиев тасмим гирифт, ки аз вазифаи роҳбарӣ истеъфо диҳад.
Чанде қабл ӯро варзишгари маъруф Толеъ Холназаров иваз кард.
«Мо барои оммавӣ кардани бодибилдинг ва пауэрлифтинг бояд корҳои зиёде анҷом диҳем. Вазифаи асосӣ аз ҷалби сарпарастон барои дастгирии варзишгароне, ки дар мусобиқаҳои байналмилалӣ ширкат мекунанд, иборат аст», — гуфт роҳбари нави федератсия.
АКС аз манобеи боз
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
Дастаи мунтахаби наврасони Тоҷикистон (U-17) бозии дуюми дӯстонаро бо Қатар мусовӣ анҷом дод
Дастаи мунтахаби наврасони Тоҷикистон (U-15) дар Чемпионати ҷаҳон-2026 оид ба футбол бар тимҳои Бермуд ва Филиппин пирӯз шуд
