Ҳайати Тоҷикистон дар Форуми роҳбарони минтақаҳои СҲШ дар Тошканд иштирок мекунад
ДУШАНБЕ, 03.08.2022 /АМИТ «Ховар»/. Ҳайати Тоҷикистон таҳти роҳбарии Раиси Кумитаи рушди маҳали назди Президенти Ҷумҳурии Тоҷикистон Шарифҷон Ҷумъазода дар нахустин Форуми роҳбарони минтақаҳои Созмони ҳамкории Шанхай (СҲШ), ки 3-4 август дар Тошканд баргузор мешавад, иштирок мекунад. Дар ин бора ба АМИТ «Ховар» дар Вазорати корҳои хориҷии Тоҷикистон хабар доданд.
Ба ҳайати Тоҷикистон ҳамчунин муовини Раиси ВМКБ Умедҷон Носирзода ва корманди Кумитаи рушди маҳал Хуршед Каримов шомиланд.
Ҳадафи асосии форум ҷалби таваҷҷуҳи кишварҳои узви СҲШ ба масъалаҳои рушди минбаъдаи сайёҳӣ, фарҳанг ва кишоварзӣ мебошад.
Барномаи форум, ки ду рӯз давом мекунад, ҷаласаи пленарӣ, инчунин се иҷлосияи панелӣ оид ба масоили рушди сайёҳӣ, кишоварзӣ ва ҳамкории фарҳангию гуманитариро дар бар мегирад. Иштирокчиён дар ҷаласаҳои панелӣ ба лоиҳаҳои муштараки технологияи олӣ доир ба истеҳсол ва коркарди маҳсулоти кишоварзӣ, ҷорӣ намудани технологияҳои инноватсионӣ дар соҳаи кишоварзӣ, аз ҷумла дар бахши озуқаворӣ, инчунин ҳамкорӣ дар соҳаи сайёҳӣ ва логистикаи нақлиётӣ таваҷҷуҳ зоҳир менамоянд.
Форуми роҳбарони минтақаҳо чун арсаи муколама амал намуда, ба кишварҳои минтақа имкон медиҳад, ки самтҳои ояндадори рушди минбаъдаи минтақаро якҷоя ва ҳамаҷониба баррасӣ кунанд.
АКС аз манбаъҳои боз
Дар Қоҳира бахшида ба 35-солагии Истиқлоли давлатии Тоҷикистон конфронс баргузор гардид
Сафири Тоҷикистон бо муовини Директори генералии Вазорати федералии иқтисод ва энергетикаи Олмон мулоқот намуд
Дар Москва дар мавзуи саҳми Абуалӣ ибни Сино дар ташаккули соҳаи тиб конфронси байналмилалии илмӣ доир шуд
Тоҷикистон ва Кувайт таҳкими ҳамкориро дар арсаи рушд баррасӣ намуданд
Дар Душанбе таҳти унвони «Тоҷикистон ва 35 соли соҳибистиқлолӣ: таҷрибаи сулҳофарӣ, сиёсати бисёрсамта ва рушди устувор» конфронси байналмилалӣ баргузор шуд
Дар Душанбе таҷрибаи 35-солаи сулҳофарӣ ва сиёсати бисёрсамтаи Тоҷикистон баррасӣ шуд
Сафири Тоҷикистон дар Кувайт бо Мудири омили Ширкати ҳавопаймоии «Jazeera Airways» мулоқот намуд
Сироҷиддин Муҳриддин бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ мулоқот намуд
«Барномаи ҳамкорӣ байни вазоратҳои корҳои хориҷии Тоҷикистон ва Туркманистон барои солҳои 2027–2028» ба имзо расид
Президенти Туркманистон бо Вазири корҳои хориҷии Тоҷикистон мулоқот намуд
Дар Теҳрон табодули таҷриба байни мутахассисони соҳаи тибби Тоҷикистон ва Эрон баррасӣ гардид
Сафири Тоҷикистон дар Кувайт бо раиси Гурӯҳи хадамоти ҳавопаймоии «Скай» мулоқот намуд
