БОЗИҲОИ ҲАМБАСТАГИИ ИСЛОМӢ. Киҳо медалҳоро соҳиб мешаванд?
ДУШАНБЕ, 11.08.2022 /АМИТ «Ховар»/. Дар шаҳри Қунияи Туркия аз 9 то 18 август Бозиҳои V ҳамбастагии исломӣ баргузор мегарданд. Дар он беш аз 4 ҳазор нафар варзишгарон аз 56 давлати ҷаҳон барои ба даст овардани 483 медал аз рӯйи 24 намуди варзиш иштирок доранд. Миёни онҳо — 47 варзишгар аз Ҷумҳурии Тоҷикистонанд.
Тавре қаблан АМИТ «Ховар» иттилоъ дода буд, Кумитаи тадорукоти Бозиҳои V ҳамбастагии исломӣ як моҳ қабл аз ифтитоҳи мусобиқа медалҳои бозиҳоро намоиш дод. Дар онҳо ба ҷуз нишони Бозӣ, тасвири гул бо рангҳои зарди рӯшан ва норинҷӣ инъикос ёфтааст, ки бо баргҳои махмалинаш хеле зебо менамояд.
«Ситораи Салҷуқӣ» дар атрофи рамз ва нақш печонида шудааст. Ситораи ҳаштгӯша рамзи ҳашт дарвозаи биҳишт аст, ҳар гӯшаи ситора яке аз ҳашт хусусияти гуногунро ифода мекунад. Зевари салҷуқиён бо ҳашт кунҷи гуногун рамзи шафқат, муҳаббат, сабр, хирад (нигоҳ доштани асрор), саховатмандӣ, вафодорӣ, шукргӯӣ ва ростгӯиро ифода мекунад.
Унсури дигаре, ки дар рӯи медал нақшбандӣ шудааст, хӯшаи гандум мебошад.
Дар тарафи дигари медал логотипи Федератсияи варзиши ҳамбастагии исломӣ (ISSF) ва номи Бозиҳо тасвир гаштааст.
Ба барномаи Бозиҳо 20 намуди варзиш шомил аст: варзиши сабук, камонварӣ, баскетбол, бочча, велосипедронӣ, шамшербозӣ, футбол, гимнастика, гандбол, дзюдо, каратэ, кикбоксинг, тирпаронии варзишӣ, шиноварӣ, тенниси рӯи миз, таэквондо, волейбол, вазнабардорӣ, гӯштингирӣ ва камонварии анъанавӣ.
Ҳамчунин миёни варзишгарони имконияташон маҳдуд дар намуди варзиши тенниси рӯйи миз, варзиши сабук, шиноварӣ ва камонварӣ сабқат гузаронида мешавад.
Аъзои дастаи мунтахаби Тоҷикистон дар 8 намуд – варзиши сабук, камонварӣ, каратэ, тенниси рӯи миз, таэквондо, вазнабардорӣ ва гӯштин рақобат мекунанд. Тавре зимни суҳбат бо хабарнигори АМИТ «Ховар» дар Кумитаи миллии олимпии Тоҷикистон хабар доданд, ин мусобиқаҳо чун санҷиши асосии омодагии варзишгарони тоҷик ба Бозиҳои олимпии соли 2024 дар Париж хизмат хоҳанд кард.
Бори нахуст Бозиҳои ҳамбастагии исломӣ дар шаҳри Ҷиддаи Арабистони Саудӣ доир карда шуданд.
АКС: КМО Тоҷикистон
Дар Тоҷикистон нахустин толори варзишии шамшербозии «Шеру Шамшер» ифтитоҳ шуд
ҶОМИ ОСИЁ-2027. Дастаи мунтахаби Тоҷикистон (U-20) дар бозии даври дуюми марҳилаи интихобӣ тими Афғонистонро мағлуб кард
ҶОМИ ОСИЁ-2027. Имрӯз дастаи мунтахаби ҷавонони Тоҷикистон бо дастаи Афғонистон бозӣ мекунад
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
