БОЗИҲОИ ҲАМБАСТАГИИ ИСЛОМӢ. Варзишгари тоҷик Екатерина Ишенко дар мусобиқаи тенниси рӯи миз сазовори медалҳои нуқра ва биринҷӣ шуд
ДУШАНБЕ, 16.08.2022 /АМИТ «Ховар»/. Теннисбози тоҷик Екатерина Ишенко дар рӯзи 7-уми Бозиҳои ҳамбастагии исломӣ дар шаҳри Қунияи Туркия медали биринҷӣ ба даст овард. Хотиррасон мекунем, ки Екатерина Ишенко дирӯз медали нуқра ба даст оварда буд. Дар ин бора шореҳи варзиш Аловиддин Буриев аз макони мусобиқа ба хабарнигори АМИТ «Ховар» Меҳрони Қурбон хабар дод.
Дар мусобиқаи тенниси рӯи миз дар «микст» Екатерина Ишенко бо варзишгардухтари озарбойҷонӣ Динара Сунчелеева соҳиби ҷойи сеюм ва медалҳои биринҷӣ шуданд.
Екатерина Ишенко миёни параолимпичиён Ҷумҳурии Тоҷикистонро намояндагӣ кард. Аз намуди пара-тенниси рӯи миз танҳо Екатерина Ишенко аз кишвари мо ба ин мусобиқа сафарбар гардидааст.
Ин панҷумин медали ҳайати дастаи мунтахаби олимпии Тоҷикистон дар Бозиҳои 5-уми ҳамбастагии исломӣ мебошад. Дар рӯзи чоруми мусобиқот варзишгарони мо 3 медал ба даст оварда буданд. Илдар Аҳмадиев дар варзиши сабук — мусобиқаи ҷаҳиш ба дарозӣ — бо натиҷаи 7.86 метр сазовори медали нуқра ва дар гӯштини юнонӣ-римӣ Асламҷон Азизов дар вазни -55кг ва Фирӯз Мирзораҷабов дар вазни -63кг сазовори ду медали биринҷӣ шуданд.
Ёдовар мешавем, ки Бозиҳои 5-уми ҳамбастагии исломӣ дар шаҳри Қунияи Туркия то 18 август идома меёбанд. Варзишгарони мо дар намудҳои варзиши камонварӣ, дзюдо ва каратэ мусобиқаҳоро идома медиҳанд.
Пас аз натиҷагирии 7 рӯзи Бозиҳои 5-уми ҳамбастагии исломӣ кишвари мизбон – Туркия пешсаф аст. Варзишгарони ин кишвар сазовори 220 медал (85 тилло, 78 нуқра, 57 биринҷӣ) гардидаанд. Дастаи мунтахаби Эрон бо 36 медали тилло, 30 нуқра, 42 биринҷӣ (108 медал) дар ҷои дуюм, дастаи мунтахаби Узбекистон бо 36 медали тилло, 25 нуқра, 39 биринҷӣ (100 медал) дар ҷои сеюм мавқеъ доранд.
Дастаи мунтахаби Тоҷикистон бо 2 медали нуқра ва 3 медали биринҷӣ миёни 56 кишвари иштирокчӣ дар ҷои 27-ум аст.
АКС аз манбаъҳои боз
Дастаи мунтахаби Тоҷикистон оид ба футбол моҳҳои сентябр ва октябр дар сафар се бозии дӯстона баргузор мекунад
35-СОЛАГИИ ИСТИҚЛОЛИ ДАВЛАТӢ. Дар шаҳри Турсунзода зиёда аз 31 иншооти варзишӣ ба истифода дода шуд
ФУТБОЛ. 31 август марҳилаи интихобии Ҷоми Осиё-2027 байни мунтахабҳои ҷавонони то 20-сола оғоз мешавад
Сармураббии нави дастаи мунтахаби наврасони Тоҷикистон (U-17) оид ба футбол таъйин гардид
Дастаи мунтахаби ҷавонони Тоҷикистон (U-20) оид ба футбол бозии дуюми санҷиширо бо дастаи Лубнон мусовӣ анҷом дод
Дастаи мунтахаби ҷавонони Тоҷикистон (U-20) дар бозии якуми санҷишӣ бар дастаи Лубнон пирӯз шуд
Ҳайати васеи дастаи мунтахаби Тоҷикистон оид ба футбол барои бозиҳои дӯстонаи моҳҳои сентябр ва октябр эълон гардид
Ҳайати дастаи мунтахаби ҷавонони Тоҷикистон (U-20) оид ба футбол барои марҳилаи интихобии Ҷоми Осиё-2027 муайян шуд
Дастаи мунтахаби ҷавонони Тоҷикистон (U-20) оид ба футбол бо дастаи Лубнон бозии санҷишӣ баргузор мекунад
Самбочиёни Клуби марказии варзиши артиши Вазорати мудофиаи Тоҷикистон дар Москва соҳиби ду медали биринҷӣ шуданд
«ФУТБОЛ ВА РУШДИ ОН ДАР ҶУМҲУРИИ ТОҶИКИСТОН». Таҳти чунин унвон китоби иттилоотӣ-омӯзишӣ нашр гардид
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
