ЧЕМПИОНАТИ CAFA-2022. Имрӯз дастаи ҷавонони Тоҷикистон бо дастаи Узбекистон бозӣ мекунад

ДУШАНБЕ, 10.08.2022 /АМИТ «Ховар»/. Имрӯз, 10 август, дар Варзишгоҳи марказии ҷумҳуриявии шаҳри Душанбе бозиҳои даври чаҳоруми мусобиқаи Чемпионати  Ассотсиатсияи футболи Осиёи Марказӣ (CAFA) миёни дастаҳои ҷавонони то 19-сола баргузор мешаванд. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дастаи ҷавонони Тоҷикистон (U-19), ки дар оғози мусобиқот бар тимҳои Афғонистон (4:1) ва Қирғизистон (3:1) пирӯзӣ ба даст оварда буд, имрӯз бо ҳамсолони худ аз Узбекистон рақобат менамояд. Бозӣ  соати 21:00 оғоз мешавад.

Чемпионати CAFA-2022 миёни дастаҳои то 19-сола

Даври 4

10 август (чоршанбе)

18:00 – Эрон – Қирғизистон

21:00 – Узбекистон – ТОҶИКИСТОН

Душанбе, Варзишгоҳи марказии ҷумҳуриявӣ

Акс: ФФТ