ЧЕМПИОНАТИ ОСИЁ ОИД БА ГӮШТИНИ ДЗЮДО. Имрӯз Беҳрӯз Хоҷазода, Сомон Маҳмадбеков ва Шодмон Ризоев бо ҳарифонашон рақобат мекунанд
ДУШАНБЕ, 05.08.2022 /АМИТ «Ховар»/. Имрӯз се паҳлавони тоҷик Беҳрӯз Хоҷазода дар вазни то 73 кг, Сомон Маҳмадбеков ва Шодмон Ризоев, ҳарду дар вазни то 81 кг дар Чемпионати Осиё оид ба гӯштини дзюдо миёни калонсолон дар шаҳри Нур-Султони Қазоқистон баромад мекунанд. Дар ин бора шореҳи варзиш Муродалӣ Тешаев ба хабарнигори АМИТ «Ховар» иттилоъ дод.
Тавре қаблан хабар додем, 4 август дар пойтахти Қазоқистон – шаҳри Нур-Султон Чемпионати Осиё оид ба гӯштини дзюдо оғоз гардид, ки Тоҷикистонро дар ин мусобиқаи сатҳи баланд 9 варзишгар намояндагӣ мекунанд. Рақобатҳо аз рӯи 14 вазн (7 вазн миёни мардон ва 7 вазн миёни бонувон) доир мегарданд.
Мавриди зикр аст, ки дирӯз паҳлавони ҷавони тоҷик Муҳаммад Маҳмадизода дар вазни 60 кг дар рақобатҳои Чемпионати Осиё оид ба дзюдо миёни калонсолон бинобар доштани вазни изофӣ иштирок карда натавонист.
Ҳамчунин дар ин рӯз паҳлавони дигари тоҷик Шаҳбоз Саидабуроров дар вазни то 66 кг бо шикаст додани варзишгари ҳиндӣ Нитин Ҷуҳан ба даври чаҳорякниҳоӣ роҳ ёфт ва дар ин давр аз варзишгари ҷопонӣ Риёма Танака шикаст хӯрда, ба даври тасаллобахш рафт. Дар даври тасаллобахш Шаҳбоз аз Эрхембайар Баттогтохи муғул мағлуб гардид ва имкони ба даст овардани нишони биринҷиро дар ин мусобиқа аз даст дод.
АКС аз манбаъҳои боз
«ФУТБОЛ — ОМИЛИ ВАҲДАТ ВА ҲАМДИЛИИ ҶАВОНОН». Байни устодону кормандони Донишгоҳи миллии Тоҷикистон мусобиқаи футболи хурд доир гардид
Ҷудокорони тоҷик ҳангоми ба даст овардани медалҳои Бозиҳои Осиёӣ бо ҷоизаҳои пулӣ қадрдонӣ мешаванд
Ба ғолибону ҷоизадорони Бозиҳои Осиёӣ-2026 Ҷоизаи Президенти Ҷумҳурии Тоҷикистон дода мешавад
Имрӯз дастаи мунтахаби Тоҷикистон оид ба футбол бо дастаи мунтахаби Озарбойҷон бозии дӯстона доир менамояд
Мирзобек Умаров ва Отабек Раҷабов дар Бозиҳои Осиёӣ-2026 аввалин медалҳои тиллоро соҳиб шуданд
Се варзишгари Тоҷикистон ба финали мусобиқаи ММА дар Бозиҳои Осиёии Ҷопон роҳ ёфтанд
Варзишгари тоҷик Беҳрӯз Умаров дар мусобиқаи байналмилалӣ дар Қазоқистон соҳиби медали тилло гардид
Рамазон Ҷумаев ва Анӯшервон Назарзода соҳиби унвони қаҳрамони Ҷоми ҷаҳон оид ба самбо дар шаҳри Душанбе гардиданд
Ҳайати дастаи мунтахаби Тоҷикистон барои бозиҳои дӯстона бо дастаҳои Озарбойҷон, Фаластин ва Чин муайян гардид
Душанбе маротибаи дуюм мизбони Ҷоми ҷаҳон оид ба самбо мегардад
Варзишгари тоҷик Ҷаҳонгир Камолов дар Мусобиқаи байналмилалии Ҷоми АвруОсиё соҳиби медали тилло шуд
Дар Кумитаи миллии олимпии Тоҷикистон бо варзишгарон-шиноварони Тоҷикистон вохӯрӣ доир гардид
