Дар шаҳри Душанбе озмуни «Ҳунарманди сол» ҷамъбаст гардид

Август 27, 2022 10:13

ДУШАНБЕ, 27.08.2022 /АМИТ «Ховар»/. 26 август дар Боғи фарҳангӣ-фароғатии ба номи Абулқосим Фирдавсӣ озмуни «Ҳунарманди сол» аз рӯи 6 номина: кандакорӣ-дуредгарӣ, дӯзандагӣ, наққошӣ-рассомӣ, кулолгарӣ-аъҷубасозӣ, бофандагӣ ва коркарди металл миёни чор ноҳияи шаҳри Душанбе ҷамъбаст гардид, хабар доданд ба АМИТ «Ховар» дар шуъбаи иттилоотии дастгоҳи Раиси шаҳри Душанбе. 

Озмуни мазкур дар асоси Барномаи рушди ҳунармандӣ барои солҳои 2021-2025 ва ба истиқболи 31-умин солгарди Истиқлолияти давлатии Ҷумҳурии Тоҷикистон роҳандозӣ гардидааст, ки ҳадаф аз он бедор намудани ҳувияти миллӣ, арҷгузорӣ ба фарҳанги миллӣ, тарбияи зебоипарастӣ, тарғибу ташвиқи либосҳои миллӣ, ҷалби сайёҳони хориҷӣ ба мамлакат, ба насли оянда мерос гузоштани ҳунарҳои аҷдодӣ ва муаррифии ҳунари волои халқи тоҷик мебошад.

Дар ҳамоиш роҳбарияту намояндагони мақомоти иҷроияи ҳокимияти давлатии шаҳри Душанбе, вазорату идораҳо ва ҳунармандони соҳибтаҷриба аз чор ноҳияи пойтахт иштирок намуданд.


Муовини Раиси шаҳри Душанбе Дилшод Одиназода иброз намуд, ки мақсади баргузории фестивал баланд бардоштани эҳсоси ватандӯстиву хештаншиносӣ, ифтихори миллӣ, қадру манзалати ҳунари миллӣ, рушди ҳунарҳои миллӣ дар пойтахт, инчунин муаррифии санъату ҳунари волои халқи тоҷик дар арсаи байналмилалӣ мебошад.

Нахуст меҳмонону иштирокчиёни озмун аз номоиши ҳунари ҳунармандони соҳибзавқу ботаҷрибаи чор ноҳияи пойтахт, ки дар даромадгоҳи Боғи фарҳангу фароғатии ба номи Абулқосим Фирдавсӣ ба маъраз гузошта шуда буд, дидан намуда, ба ҳунари воло ва дастранҷи онҳо баҳои баланд доданд.

Сипас дар фазои тантанавӣ ғолибон ва иштирокчиёни фаъоли озмуни «Ҳунарманди сол» аз ҷониби намояндагони мақомоти иҷроияи ҳокимияти давлатии шаҳри Душанбе бо диплому сипоснома ва мукофотҳои пулӣ сарфароз гардонида шуданд.

АКС: шуъбаи иттилоотии дастгоҳи Раиси шаҳри Душанбе

Август 27, 2022 10:13

Хабарҳои дигари ин бахш

Имрӯз дар шаҳри Душанбе бахшида ба Рӯзи Парчами давлатӣ роҳпаймоии идона доир гардид
Минбаъд фаъолияти воситаҳои нақлиёти мусофирбари самти Ҳисор, Турсунзода ва Шаҳринав аз назди Боғи миллӣ ба роҳ монда мешавад
Дар Душанбе вобаста ба пешгирии фарҳанги бегонапарастӣ миёни ҷавонон ҳамоиш доир гардид
Таҳти раёсати Тоҷикистон ҷаласаи роҳбарони мақомоти сайёҳии кишварҳои узви МҲТБО доир гардид
«ТОҶИКИСТОН, БА ПЕШ!». Дар Душанбе Фестивали варзишии наврасони пойтахт баргузор шуд
ШУМОРО «ҶОИЗАИ МУСИҚИИ БОБ» ИНТИЗОР АСТ! Дар Душанбе консерти ҷамъбастии мавсими 5-уми лоиҳа баргузор мешавад
ЗАХИРА БАРОИ ДАВРАИ ЗИМИСТОН. Дар Душанбе 15 ярмаркаи маҳсулоти мавриди ниёзи аввал ташкил гардид
Дар Душанбе 2 984 иншоот бо энергияи гармӣ таъмин гардид
ЭСТАКАДАИ НАВ СОХТА МЕШАВАД! Дар Душанбе бунёди боз яке аз бист гузаргоҳи нақлиётии бисёрқабатаи нақшавӣ дар назар аст
Дар ТОП-10 кишваре, ки русҳо мехоҳанд соли навро таҷлил кунанд, Тоҷикистон ҷои дуюмро гирифт
Ғолибони Фестивали дӯстии ҷавонону варзишгарони шаҳри Душанбе қадрдонӣ гардиданд
Ҷоизаи Раиси шаҳри Душанбе барои муҳаққиқони ҷавон таъсис ёфт