Имрӯз Кумитаи давлатии сармоягузорӣ ва идораи амволи давлатӣ, Кумитаи забон ва истилоҳот, Ваколатдор оид ба ҳуқуқи инсон, ШСХК «Барқи Тоҷик» нишасти матбуотӣ баргузор менамоянд

ДУШАНБЕ, 01.08.2022 /АМИТ «Ховар»/. Имрӯз, 1 август Кумитаи давлатии сармоягузорӣ ва идораи амволи давлатии Ҷумҳурии Тоҷикистон, Кумитаи забон ва истилоҳоти назди Ҳукумати Ҷумҳурии Тоҷикистон, Ваколатдор оид ба ҳуқуқи инсон дар Тоҷикистон, Ширкати саҳомии холдингии кушодаи «Барқи Тоҷик», Ҷамъияти саҳомии кушодаи «Шабакаҳои тақсимоти барқ», Ҷамъияти саҳомии кушодаи «Шабакаҳои интиқоли барқ» оид ба ҷамъбасти фаъолият дар шаш моҳи аввали соли 2022 нишасти матбуотӣ баргузор менамоянд.

Кумитаи забон ва истилоҳот нишасти матбуотиро соати 09:00 дар маҷлисгоҳи МД «Тоҷикфильм» барпо менамояд.

Ваколатдор оид ба ҳуқуқи инсон дар Тоҷикистон нишасти матбуотиро соати 10:00 дар Китобхонаи миллии Тоҷикистон (ошёнаи 3, толори рақами 303) доир мекунад.

Нишасти матбуотии Кумитаи давлатии сармоягузорӣ ва идораи амволи давлатӣ соати 11:00 дар Кумитаи мазкур баргузор мегардад.

Нишасти матбуотии ШСХК «Барқи Тоҷик», ҶСК «Шабакаҳои  тақсимоти барқ»,ҶСК «Шабакаҳои интиқоли барқ» соати 16:00 дар ШСХК «Барқи Тоҷик» доир мешавад.

Масъулини вазорату идораҳо ва ташкилоту муассисаҳое, ки дар ҳудуди шаҳри Душанбе фаъолият мекунанд, вақти баргузории  нишастҳои матбуотиро бояд бо АМИТ «Ховар» тавассути телефонҳои 238-52-23, 888-08-34-04 мувофиқа намоянд.

Эълонҳо оид ба вақт ва макони баргузории нишастҳои матбуотӣ ҳар рӯзи корӣ дар сомонаи АМИТ «Ховар» — www.khovar.tj ба забонҳои тоҷикӣ ва русӣ нашр карда мешаванд.

Ёдовар мешавем, ки  нишастҳои матбуотӣ мутобиқи Амри Президенти Ҷумҳурии Тоҷикистон аз 15 сентябри соли 2011  доир карда мешаванд.

АКС: АМИТ «Ховар»