ДЗЮДО. Варзишгарони тоҷик дар Чемпионати ҷаҳон миёни собиқадорон ду медали биринҷӣ ба даст оварданд
ДУШАНБЕ, 12.09.2022 /АМИТ «Ховар»/. Варзишгарони тоҷик Оятулло Қамарӣ ва Неъматулло Арсонқулов дар Чемпионати ҷаҳон оид ба дзюдо миёни собиқадорон медали биринҷӣ ба даст оварданд. Дар ин бора ба АМИТ «Ховар» дар Кумитаи миллии олимпии Тоҷикистон хабар доданд.
Чемпионати ҷаҳон оид ба дзюдо миёни собиқадорон 8-11 сентябр дар шаҳри Кракови Полша бо иштироки 837 варзишгар (743 мард, 94 зан) аз 60 давлат доир гашт.
Ҷумҳурии моро дар чемпионат 10 варзишгар миёни мардон намояндагӣ карданд: Қутбиддин Баҳодуров (-60кг), Абдулфайз Солеҳов (-73кг), Соҳибназар Ҳақназаров (-73кг), Ҷонибек Маҳмудзода (-81кг), Шоҳҳусейн Раҳимов (-81кг), Валӣ Султонзода (-90кг), Оятулло Қамарӣ (-90кг), Фаридун Устопиров (-100кг), Собир Шарифов (-100кг) ва Неъматулло Арсолқулов (+100кг).
Оятулло Қамарӣ дар вазни -90кг миёни варзишгарони синну соли худ сабқатро аз даври чорякфинал оғоз карда, аз намояндаи Озарбойҷон Мурод Раҷаблӣ мағлуб шуд. Сипас ӯ дар даври тасаллобахш бар варзишгари Словакия Эрнест Матус ва дар қувваозмоӣ барои ҷои сеюм бар намояндаи Испания Ҷуан Антонио Тортелла Барбас пирӯз гардид.
Неъматулло Асронқулов низ дар вазни +100кг дар чорякфинал аз варзишгари Гурҷистон Звиад Тсиклаурӣ шикаст хӯрд, баъдан дар даври тасаллобахш бар намояндаи Озарбойҷон Айаз Умудалиев ва дар нерусанҷӣ барои ҷои сеюм бар намояндаи Полша Томас Биз ғалаба кард.
Ҳамчунин Қутбиддин Баҳодуров (-60кг) ҷои панҷум ва Шоҳҳусейн Раҳимов (-81кг), Фаридун Устопиров (-100кг) ҷойи ҳафтумро сазовор шуданд.
Дар ҳисоби даставӣ Тоҷикистон миёни 60 давлати иштирокчӣ бо 2 медали биринҷӣ, як ҷои панҷум ва ду ҷои ҳафтум дар ҷои 41-ум мавқеъ гирифт.
АКС: КМО Тоҷикистон
Мунтахаби Тоҷикистон дар Чемпионати ҷаҳон оид ба гӯштини миллӣ (гӯштингирӣ) 12 медал ба даст овард
«Регар-ТадАЗ» ба марҳилаи гурӯҳии Лигаи даъвати КФО-2026/27 роҳ ёфт
ҶОМИ ТОҶИКИСТОН-2026. Дастаҳои «Равшан» – «Хуҷанд» ва «Эсхата» – «Сардор» ба даври нимниҳоии мусобиқа роҳ ёфтанд
Дар Чемпионати ҷаҳон оид ба гӯштини миллӣ (гӯштингирӣ) варзишгарони зиёда аз 70 давлати ҷаҳон иштирок менамоянд
ВАРЗИШ — ПАЙКИ СУЛҲ, ДӮСТӢ ВА СОЗАНДАГӢ. Ҳамоиши фарҳангию фароғатӣ ва варзишию солимгардонӣ доир шуд
НИШАСТИ МАТБУОТӢ. Дар ноҳияи Шаҳритус аз рӯи 13 намуди варзиш машғулият гузаронида мешавад
10 АВГУСТ — РӮЗИ ВАРЗИШГАРОНИ ТОҶИКИСТОН. Теъдоди иншооти соҳаи варзиш беш аз 9 маротиба афзоиш ёфтааст
Дастаи мунтахаби Тоҷикистон дар Чемпионати расмии ҷаҳон оид ба ҷиу-ҷитсу соҳиби 9 медал гардид
Бахшида ба Рӯзи варзишгарони Тоҷикистон дар ноҳияи Фирдавсии пойтахт ҳамоиши тантанавӣ доир шуд
ФУТБОЛ. Доварони Тоҷикистон дар семинари доварони элитаи КФО дар Тошканд иштирок намуданд
Намояндагони Федератсияи футболи Тоҷикистон дар семинар барои комиссарони нави бозиҳои CAFA иштирок карданд
ФУТБОЛ. Пагоҳ бозиҳои даври 13-уми Чемпионати Тоҷикистон байни дастаҳои Лигаи олӣ оғоз мегардад
