БА ИСТИҚБОЛИ 30-СОЛАГИИ ИҶЛОСИЯИ XVI ШӮРОИ ОЛӢ. Ҷавонони мақомоти гумрук ҳамоиш доир намуданд

Сентябрь 28, 2022 16:10

ДУШАНБЕ, 28.09.2022 /АМИТ «Ховар»/. Иҷлосияи XVI Шӯрои Олӣ дар сиёсатномаи миллати тоҷик саҳифаи беназир ва фарогири муҳимтарину арзишмандтарин аснод маҳсуб мешавад. Ин нуктаро  Сардори Хадамоти гумруки назди Ҳукумати ҷумҳурӣ Хуршед  Каримзода  имрӯз дар ҳамоиши ҷавонони мақомоти гумруки ҷумҳурӣ ба ифтихори 30 – юмин солгарди Иҷлосияи 16 – уми Шӯрои Олии Ҷумҳурии Тоҷикистон зикр намуд.

Дар ин бора АМИТ  «Ховар» бо истинод ба Хадамоти гумруки  назди Ҳукумати мамлакат иттилоъ медиҳад.

Дар ҳамоиш зикр шуд, ки баргузории Иҷлосияи 16-уми Шӯрои Олии Ҷумҳурии Тоҷикистон 16 ноябри соли 1992 дар Қасри Арбоби шаҳри Хуҷанд муҳимтарину муқаддастарин қадам дар роҳи рушди истиқлолияти Ватан буд. Ин иҷлосия ва асноди ҳуқуқии қабулнамудаи он дар ҳифзи давлатдории миллӣ ва ташаккули ниҳодҳои демократӣ дар давлат нақши муайянкунанда бозиданд.

Маҳз дар ин иҷлосияи тақдирсоз муҳтарам Эмомалӣ Раҳмон аз ҷониби вакилон ба ҳайси Раиси Шӯрои Олии Ҷумҳурии Тоҷикистон интихоб гардида, ҳамзамон ваколати сардори  давлат ба он кас дода шуд. Ба уҳдаи сардори давлат таъмини ҳуқуқ ва озодиҳои шаҳрвандон, Конститутсия ва қонунҳои Ҷумҳурии Тоҷикистон вогузор гардид. Маҳз Иҷлосияи 16 имконият фароҳам овард, ки дар бист соли охир рушди миёнаи солонаи иқтисодиёт дар сатҳи 7,5 фоиз таъмин гардида, маҷмӯи маҳсулоти дохилии /ММД/ мамлакат аз 1,8 миллиард сомонии соли 2000-ум то 95 миллиард сомонӣ дар соли 2021 ва даромади буҷети давлатӣ аз 252 миллион сомонӣ ба 28 миллиард сомонӣ расонида шавад. Яъне, ММД қариб 53 баробар ва буҷети давлатӣ 111 баробар зиёд гардида, ҳаҷми маҷмӯи маҳсулоти дохилӣ ба ҳар нафар аҳолӣ беш аз 30 баробар афзоиш ёфт.

Дар ҳамоиш  Раиси Кумитаи кор бо ҷавонон ва варзиши назди Ҳукумати ҷумҳурӣ Абдулло Раҳмонзода ва кормандони мақомоти гумрук доир ба нақши Иҷлосияи 16 Шӯрои Олии Ҷумҳурии Тоҷикистон маърӯза намуданд.


Зикр шуд, ки  Иҷлосияи таърихии 16 – уми Шӯрои Олӣ ба раванди барқарорсозии сохти конститутсионии кишвар ва ҳифзи арзишҳои миллӣ  оғози устувор бахшид. Дар ҳамоиш аз ҷониби роҳбарияти Кумитаи кор бо ҷавонон ва варзиши назди Ҳукумати ҷумҳурӣ ба ҷавонони фаъоли мақомоти гумрук сипоснома ва ифтихорнома супорида шуд.

       АКС: Хадамоти гумруки назди Ҳукумати Ҷумҳурии Тоҷикистон

Сентябрь 28, 2022 16:10

Хабарҳои дигари ин бахш

Дар Сарраёсати ҳифзи муҳити зист дар шаҳри Душанбе Маркази мониторинги камераҳои мушоҳидавӣ фаъол гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Дар ноҳияи Файзобод бо фаъолону собиқадорон ва ходимони дини деҳоти Чашмасор мулоқот доир гардид
Дар ду қисми низомии тобеи Вазорати корҳои дохилии Тоҷикистон дастархони идона ороста гардид
Дар ноҳияи Деваштич маъракаи кишти картошка оғоз шуд
Иҷлосияи нуздаҳуми Маҷлиси вакилони халқи вилояти Хатлон, даъвати шашум доир гардид
Дар пайравӣ ба амалҳои хайрхоҳонаи Президенти Тоҷикистон дар якчанд қисми ҳарбӣ дастурхони идона ороста шуд
Дар Неругоҳи барқи обии «Норак» ҷашни байналмилалии Наврӯз бо шаҳомати хосса таҷлил гардид
Имрӯз дар Тоҷикистон ҳаво тағйирёбанда шуда, борон ва раъду барқ пешгӯӣ мешавад
Наврӯз ҳамчун ҷашни эҳёи табиат истифодаи оқилонаи заминро талқин менамояд
Кишоварзони ноҳияи Зафаробод дар 120 гектар картошкаи барвақтӣ кишт менамоянд
Дар Агентии содироти Тоҷикистон бо намояндагони Агентии назорати давлатии молиявӣ ва мубориза бо коррупсия вохӯрӣ доир шуд