Дар Ҷамоати деҳоти Шӯроободи ноҳияи Шамсиддини Шоҳин сохтмони бинои нави мактаб оғоз гардид

Сентябрь 25, 2022 09:47

Ш.ШОҲИН, 25.09.2022 /АМИТ «Ховар»/. Аз ҷониби Ҳукумати Ҷумҳурии Тоҷикистон ва маблағҳои буҷавӣ дар деҳаи Тудании Ҷамоати деҳоти Шӯроободи ноҳияи Шамсиддини Шоҳин сохтмони бинои нави муассисаи таҳсилоти миёнаи умумии №10 оғоз гардид, хабар медиҳад мухбири минтақавии АМИТ «Ховар» Сулаймон ХОЛЗОДА.

Бино дуошёна буда, дорои хонаи омӯзгорон, китобхона ва синфхонаҳои фаннӣ мебошад. Барои сохтмони бинои муассиса, ки бо тамоми таҷҳизоти муосир таъмин мегардад, шароити корӣ муҳайё буда, корҳои сохтмониро пудратчӣ ҶДММ « Ориён»-и шаҳри Кӯлоб пеш бурда истодааст.

Яке аз масъалаҳои асосӣ барои баланд бардоштани сифати таълиму тарбия, пеш аз ҳама, мустаҳкам намудани заминаи моддӣ- техникии муассисаҳои таълимӣ мебошад. Аз ин рӯ масъалаи мазкур дар маркази диққати Мақомоти иҷроияи ҳокимияти давлатӣ шуъбаи маорифи ноҳияи Шамсиддини Шоҳин қарор дорад.

Бино ба иттилои масъулини мақомоти иҷроияи ҳокимияти давлатии ноҳияи Шамсиддини Шоҳин, дар асоси барномаи давлатӣ оид ба таъмиру навсозии мактабҳо бо дастгирии Ҳукумати Ҷумҳурии Тоҷикистон якчанд муассисаҳо аз нав сохта шуда, бо тамоми таҷҳизоти таълимӣ таъмин шуданд. Ҳоло дар назди панҷ муассисаи таълимии ноҳия сохтмони биноҳои нави иловагӣ идома дорад. Аз ҷумла, дар назди муассисаи таҳсилоти миёнаи умумии №7- и деҳаи Дараи Оби Ҷамоати деҳоти Доғистони ноҳия, ки дар ҳолати садамавӣ қарор дошт, сохтмони бинои нави иловагӣ барои 240 нафар хонанда оғоз гардидааст, ки пудратчии он ҶДММ «Фаридун» мебошад.

Бо сабаби зиёд шудани шумораи хонандагон ва мушкилии нарасидани ҷойи нишаст дар муассисаҳои таҳсилоти умумии №10 –и ноҳия сохтмони бинои нав ба роҳ монда шуд. Кулли омӯзгорону толибилмони ин таълимгоҳ аз чунин иқдом изҳори хушнудӣ намуда, азм доранд дар ҷавоб ба ғамхориҳои Ҳукумати Ҷумҳурии Тоҷикистон сифати таълиму тарбияро баландтар бардоранд.

Ёдрас менамоем, ки давоми солҳои истиқлолият дар шаҳру деҳоти ноҳияи Шамсиддини Шоҳин якчанд муассисаҳои нави таҳсилоти ҳамагонӣ, мактабҳои шакли нав бунёд гардида, ин раванд ҳамоно идома дорад. Чунин ғамхорию дастгирӣ нисбат ба мактабу маориф аст, ки сол аз сол вазъи таълиму тарбия дар ноҳия беҳтар мегардад.

АКС: АМИТ «Ховар»

Сентябрь 25, 2022 09:47

Хабарҳои дигари ин бахш

Ҷурабой Бобоҷонов аз шаҳри Хуҷанд ғолиби Озмуни ҷумҳуриявии «Омӯзгори соли Тоҷикистон-2022» дониста шуд
Бо дастури Раиси Маҷлиси миллии Маҷлиси Олии Ҷумҳурии Тоҷикистон Рустами Эмомалӣ кўдакистони маҳаллаи Тирчиди шаҳри Хоруғ навсозӣ мешавад
МАСЛИҲАТИ МУТАХАССИС БА ДОВТАЛАБ. Ҳангоми интихоби касб дониш ва лаёқату истеъдодатонро ба назар гиред
Таҷрибаомӯзии донишҷӯён мушкилии норасоии омӯзгоронро аз байн мебарад
Сарвазири Тоҷикистон Қоҳир Расулзода: «Соли 2022 дар Тоҷикистон 221 мактаб ва кўдакистон бунёд гардиданд»
«ОМӮЗГОРИ СОЛИ ТОҶИКИСТОН-2022». Дар Душанбе даври ҷумҳуриявии озмун оғоз шуд
«МУРАББИИ СОЛИ ТОҶИКИСТОН-2022». Мураббияи ноҳияи Восеъ Озодамо Қодирзода ғолиби озмун дониста шуд
Масъулини вазорату идораҳои Тоҷикистон асосҳои нақшабардорӣ ва арзёбии хатари пиряхҳоро меомӯзанд
«МУРАББИИ СОЛИ ТОҶИКИСТОН-2022». Дар Душанбе озмуни ҷумҳуриявӣ оғоз гардид
Литсейи Донишгоҳи давлатии омӯзгории Тоҷикистон ба фаъолият оғоз менамояд
Комиссияи олии аттестатсионӣ: «Имрӯз Тоҷикистон ба олимони пурмаҳсулу фидокор, беш аз ҳарвақта, ниёз дорад»
Дар Душанбе масъалаи баргузории даври аввали Озмуни ҷумҳуриявии ««Тоҷикон»-оинаи таърихи миллат» муҳокима гардид