Дар иҷлосияи дувоздаҳуми Маҷлиси вакилони халқи вилояти Суғд барномаҳои мақсадноки давлатӣ баррасӣ шуданд
СУҒД, 30.09.2022 /АМИТ «Ховар»/. 27 сентябр дар мақомоти иҷроияи ҳокимияти давлатии вилоят таҳти раёсати Раиси вилояти Суғд, Раиси Маҷлиси вакилони халқи вилоят Раҷаббой Аҳмадзода иҷлосияи дувоздаҳуми Маҷлиси вакилони халқи вилоят, даъвати шашум баргузор шуд, хабар медиҳад мухбири минтақавии АМИТ «Ховар» Саъдулло МАҲКАМОВ бо истинод ба Хадамоти матбуоти Раиси вилояти Суғд.
Дар кори иҷлосия муовини Раиси вилоят Зариф Мирдадо дар бораи ҷараёни иҷрои қарори Ҳукумати Ҷумҳурии Тоҷикистон «Дар бораи Барномаи рушди соҳаи тухмипарварӣ дар Ҷумҳурии Тоҷикистон барои солҳои 2021-2025» гузориш дод.
Дар мамлакат оид ба истифодаи самаранок ва оқилонаи замин якчанд барномаҳои мақсадноки давлатӣ, аз ҷумла барномаи тухмипарварӣ қабул гардида, ҷиҳати татбиқи он қарорҳои дахлдор қабул ва аз ҷониби мақомоти иҷроияи ҳокимияти давлатии шаҳру ноҳияҳо амалӣ шуда истодаанд.
Барномаи рушди соҳаи тухмипарварӣ дар Ҷумҳурии Тоҷикистон барои солҳои 2021-2025 барномаи амали миёнамуҳлат буда, бо мақсади баланд бардоштани ҳосилнокии зироати кишоварзӣ ва зиёд намудани ҳаҷми истеҳсоли маҳсулот аз навъҳои баландҳосил амалӣ мегардад.
Дар вилоят 29 хоҷагӣ, аз ҷумла 20 хоҷагӣ дар самти пахтакорӣ, 4 хоҷагӣ дар самти картошкапарварӣ, 3 хоҷагӣ дар самти гандумпарварӣ, 1 хоҷагӣ доир ба шолипарварӣ ва 1 хоҷагӣ оид ба сабзавоткорӣ ба шабакаҳои махсуси тухмипарварӣ шомил гардидаанд.
Дар иҷлосия вакилон ҳамзамон аз рӯи дигар масъалаҳои рӯзнома, аз ҷумла ворид намудани тағйирот ба буҷети вилоятӣ барои соли 2022 ва тасдиқи қарорҳои Раиси вилоят қарорҳои дахлдор қабул намуданд.
Раиси вилоят Раҷаббой Аҳмадзода барои таъмини рушди тухмипарварӣ, ворид намудани тухмиҳои наву серҳосил, таъмини бозори дохилӣ бо маҳсулоти кишоварзӣ, вусъат бахшидани корҳои ободонию бунёдкорӣ, омодагиҳо ба мавсими тирамоҳу зимистон ва дигар масъалаҳои муҳим ба раисони шаҳру ноҳияҳо ва роҳбарони ташкилоту идораҳо дастуру супоришҳои мушаххас дод.
АКС: Хадамоти матбуоти Раиси вилояти Суғд
Дар ҷамоатҳои шаҳру деҳоти Кӯлоб ҳашари тозагӣ гузаронида шуд
Роҳи байнишаҳрии Ҳисор-Айнӣ-Душанбе таъмир карда мешавад
СММ: 800 ҳазор нафар дар Ал-Фашир зери хатари ниҳоят шадид қарор доранд
Ҷаласаи навбатии гурӯҳи коршиносони давлатҳои аъзои СҲШ оид ба амнияти байналмилалии иттилоотӣ доир гардид
Сокинони беш аз 15 ҳазор манзил дар шимоли Уганда аз обхезиҳо зарар диданд
Бар асари борони сел дар Чин 11 нафар бедарак шудаанд
Хадамоти алоқаи Тоҷикистон: «Ширкатҳои мобилӣ бояд суръати интернетро баланд бардоранд, на нархи интернет ва алоқаи мобилиро»
Имрӯз дар ноҳияҳои алоҳидаи Тоҷикистон борони кӯтоҳмуддат борида, раъду барқ ба амал меояд
ТАҚВИМИ АМИТ «ХОВАР»: имрӯз 23 апрел, сешанбе, 114-умин рӯзи соли 2024 аст
Ҷавонон бо фаъолияти Маҷлиси намояндагони Маҷлиси Олии Ҷумҳурии Тоҷикистон шинос шуданд
Чин дар робита бо бориши шадид ҳушдори сатҳи «норинҷӣ» эълон намудааст
АЗ УРФУ ОДАТ ВА ФАРҲАНГИ БЕГОНА ПЕШГИРӢ МЕНАМОЕМ! Суратгузориши АМИТ «Ховар» аз Коллеҷи тиббии шаҳри Хуҷанд
