Дар Ню-Йорк тақсимоти оқилонаи обро ҷиҳати эҷод намудани амнияти озуқаворӣ дар ҷаҳон муҳокима карданд
ДУШАНБЕ, 23.09.2022 /АМИТ «Ховар»/. 22 сентябр Вазири корҳои хориҷии Ҷумҳурии Тоҷикистон Сироҷиддин Муҳриддин дар чорабинии канории сатҳи баланд дар мавзӯи «Барои захираҳои об амал намоед, то дунё бо ғизо таъмин гардад: тақсимоти оқилонаи об ҷиҳати эҷод намудани амнияти озуқаворӣ дар ҷаҳон», ки бо ташаббуси Шоҳигарии Нидерландия дар ҳошияи «Ҳафтаи сатҳи баланд»-и Маҷмаи Умумии Созмони Милали Муттаҳид баргузор гардид, иштирок ва суханронӣ намуд. Дар ин бора ба АМИТ «Ховар» дар Вазорати корҳои хориҷии Ҷумҳурии Тоҷикистон хабар доданд.
Зимни суханронӣ Сироҷиддин Муҳриддин нигаронии худро оид ба вазъи имрӯзаи ҷаҳон марбут ба амнияти озуқаворӣ, таъсири чолишҳои мубрам, аз ҷумла таъсири тағйирёбии иқлим, ҳамагирии Ковид-19 ва муноқишаҳо ба амнияти озуқаворӣ изҳор намуд. Вазири корҳои хориҷӣ аҳаммияти захираҳои обро барои таъмини амнияти озуқаворӣ ва беҳтар намудани соҳаи кишоварзӣ таъкид кард.
С.Муҳриддин зикр кард, ки Тоҷикистон ба ҳамбастагии обу озуқаворӣ аҳаммияти хосса дода, кӯшиш ба харҷ медиҳад, ки мавзӯи мазкур дар маркази таваҷҷуҳи платформаҳои марбутаи ҷаҳонӣ қарор гирад. Вазири корҳои хориҷии кишвар тазаккур дод, ки мизбонони Конфронси СММ оид ба об дар соли 2023 — Тоҷикистону Нидерландия ҷиҳати баррасии ин ҳамбастагии муҳим дар доираи Конфронси 2023 талошҳои зарурӣ анҷом медиҳанд.
Акс: ВКХ ҶТ
Сафири Тоҷикистон дар маросими расмии таҷлили 250-солагии истиқлоли Амрико иштирок намуд
Дар Сафорати Тоҷикистон дар Амороти Муттаҳидаи Арабӣ Рӯзи Ваҳдати миллӣ таҷлил шуд
Бахшида ба Рӯзи байналмилалии занон дар дипломатия ҳамоиш доир шуд
Нишасти 5-уми Гурӯҳи кории муштараки Тоҷикистону Ҳиндустон оид ба мубориза бар зидди терроризм доир шуд
Ҳамкории Тоҷикистон бо Иттиҳоди байналмилалии алоқа дар соҳаи технологияҳои рақамӣ густариш меёбад
Иҷлосияи шастуми Комиссияи СММ оид ба аҳолӣ ва рушд таҳти раёсати Тоҷикистон мегузарад
Дастовардҳои Тоҷикистон дар рушди сайёҳии экологӣ дар Боку муаррифӣ гардид
Тоҷикистон ҳамоҳангсози Гурӯҳи кишварҳои рӯ ба тараққии маҳсур дар хушкӣ интихоб гардид
Сафири Тоҷикистон бо намояндагони ширкати нассоҷии швейтсарии Rieter AG мулоқот намуд
Сафари расмии Сарвазири Гурҷистон Ираклий Кобахидзе дар Ҷумҳурии Тоҷикистон ба анҷом расид
Дар Душанбе мулоқоти вазирони корҳои хориҷии Тоҷикистону Гурҷистон доир гардид
Маросими имзои санадҳои нави ҳамкорӣ миёни Тоҷикистон ва Гурҷистон
