ФУТБОЛ. «Истиқлол» пас аз ғалаба бар «Истаравшан» ба садри ҷадвали Чемпионати Тоҷикистон баромад
ФУТБОЛ. «Истиқлол» пас аз ғалаба бар «Истаравшан» ба садри ҷадвали Чемпионати Тоҷикистон баромад
ДУШАНБЕ, 01.09.2022 /АМИТ «Ховар»/. Дирӯз дар Варзишгоҳи марказии ҷумҳуриявии шаҳри Душанбе бозии мавқуфмондаи даври сеюми Чемпионати Тоҷикистон оид ба футбол миёни дастаҳои футболи «Истиқлол»-и шаҳри Душанбе ва «Истаравшан»-и шаҳри Истаравшан дар сатҳи баланд баргузор шуд. Дар ин бора ба шореҳи варзиши АМИТ «Ховар» дар Федератсияи футболи Тоҷикистон хабар доданд.
Вохӯрии дастаҳо хеле ҷолиб сурат гирифта, бо ҳисоби 3 бар 0 ба нафъи мизбонон анҷом ёфт. Ҳар се голи дастаи футболи «Истиқлол»-и шаҳри Душанберо Шервонӣ Мабатшоев дар дақиқаҳои 48-ум, 72-юм ва 90+4-ум ба нишон расонида, дар анҷоми бозӣ беҳтарин бозингар эътироф шуд.
Ддар даври навбатии Чемпионати Тоҷикистон дастаи футболи «Истиқлол»-и шаҳри Душанбе дар сафар бо дастаи «Файзканд»-и ноҳияи Восеъ вориди рақобат мегардад. Вохӯрии дастаҳо 4 сентябри соли равон дар варзишгоҳи «Нефтяник»-и ноҳияи Рудакӣ доир мегардад. Дар ҷадвали мусобиқа дастаи «Истиқлол»-и шаҳри Душанбе бо 11 бозии анҷомдода 24 имтиёз ба даст оварда, садрнишини ҷадвали Чемпионати Тоҷикистон оид ба футбол миёни дастаҳои Лигаи олӣ мебошад. Дар зинаи дуюм дастаи футболи «Хатлон»-и шаҳри Бохтар бо 22 имтиёз бо 12 бозии анҷомдода ҷо гирифтааст.
Лигаи Олӣ | Даври 3-юм
«Истиқлол» 3:0 «Истаравшан»
Голҳо: Шервонӣ Мабатшоев, 48 (1:0). Шервонӣ Мабатшоев, 72 (2:0). Шервонӣ Мабатшоев, 90+4 (3:0).
Бозиҳои даври чордаҳуми Чемпионати Тоҷикистон оид ба футбол миёни дастаҳои Лигаи олӣ чунинанд:
2 сентябр (ҷумъа)
Оғоз – соати 17:00
«Эсхата» – «Регар-ТадАЗ»
3 сентябр (шанбе)
Оғоз – соати 17:00
«Истаравшан» – «Равшан» (Зафаробод)
«Равшан» (Кӯлоб) – КМВА
4 сентябр (якшанбе)
Оғоз – соати 17:00
«Хуҷанд» – «Хатлон»
«Файзканд» – «Истиқлол»
Натиҷаи дастаҳо дар ҷадвали Чемпионати Тоҷикистон оид ба футбол миёни дастаҳои Лигаи олӣ
| Б | Ғ | М | Б | Т-Т | Х | ||
| 1 | «Истиқлол» (Душанбе) | 11 | 7 | 3 | 1 | 25-6 | 24 |
| 2 | «Хатлон» (Бохтар) | 12 | 6 | 4 | 2 | 13-6 | 22 |
| 3 | «Файзканд» (Восеъ) | 12 | 6 | 3 | 3 | 15-16 | 21 |
| 4 | «Равшан» (Кӯлоб) | 13 | 5 | 5 | 3 | 14-12 | 20 |
| 5 | «Хуҷанд» (Хуҷанд) | 12 | 5 | 4 | 3 | 14-8 | 19 |
| 6 | КМВА (Душанбе) | 12 | 5 | 2 | 5 | 16-19 | 17 |
| 7 | «Истаравшан» (Истаравшан) | 13 | 4 | 2 | 7 | 16-13 | 14 |
| 8 | «Эсхата» (Хуҷанд) | 12 | 3 | 2 | 7 | 16-24 | 11 |
| 9 | «Регар-ТадАЗ» (Турсунзода) | 12 | 3 | 1 | 8 | 10-18 | 10 |
| 10 | «Равшан» (Зафарабад) | 13 | 2 | 4 | 7 | 11-28 | 10 |
Рӯйхати беҳтарин нишонзанҳо: Дилшод Бозоров («Эсхата») – 9 гол, Шервонӣ Мабатшоев «Истиқлол»)- 8 гол, Манучеҳр Ҷалилов, ( «Истиқлол») ,Фатҳулло Фатҳуллоев («Регар-ТадАЗ»), Шарафҷон Солеҳов аз дастаи КМВА-и шаҳри Душанбе, Мбеке Сиябатчу Деудони («Истаравшан») – 5- голӣ.
АКС: Федератсияи футболи Тоҷикистон
Ҷоми Осиё-2027 оид ба футбол аз моҳи декабри соли 2027 то январи 2028 доир мешавад
Ҳайати дастаи мунтахаби Тоҷикистон барои иштирок дар Мусобиқаи «Кing’s Сup-2026» муайян шуд
Дастаи мунтахаби наврасони Тоҷикистон дар Дубай се бозии дӯстона анҷом медиҳад
БАРНОМАИ РУШДИ ФУТБОЛ ДАР ТОҶИКИСТОН. Беш аз 15 ҳазор наврасон ба тамрини футбол фаро гирифта шуданд
Шурои мураббиёни ФФТ натиҷаи фаъолияти дастаҳоро ҷамъбаст ва нақшаҳои соли 2027-ро баррасӣ намуд
Варзишгари тоҷик Фатҳулло Одинаев дар марафони байналмилалии Ню-Йорк иштирок намуд
Ҳафт паҳлавони тоҷик дар Чемпионати ҷаҳон оид ба гӯштини кураш дар Қазоқистон иштирок менамоянд
Дастаи миллии Тоҷикистон оид ба футзал бо дастаи мунтахаби Узбекистон бозиҳои дӯстона анҷом медиҳад
Дар ноҳияи Абдураҳмони Ҷомӣ Мусобиқаи кушод оид ба гӯштини тарзи озод байни наврасон оғоз гардид
Наврасони Тоҷикистон баъди ғалаба дар дивизиони «D» дар Боку ба Ватан баргаштанд
Президенти Кумитаи паралимпии Осиё ба натиҷаи иштироки дастаи мунтахаби Тоҷикистон дар Бозиҳои паралимпии Осиё баҳои баланд дод
Дар деҳаи Варзоб — Қалъаи ноҳияи Варзоб майдончаи варзишӣ ба истифода дода шуд
