ФУТБОЛ. То марҳилаи интихобии Ҷоми Осиё-2023 (U-20) дар Душанбе 3 рӯз боқӣ монд

ДУШАНБЕ, 11.09.2022 /АМИТ «Ховар»/. Аз 14 то 18 сентябр дар шаҳри Душанбе мусобиқаи интихобии Ҷоми Осиё-2023 миёни дастаҳои ҷавонони то 20-сола дар гурӯҳи «I» баргузор мешавад. Дар ин бора АМИТ «Ховар» бо истинод ба Федератсияи футболи Тоҷикистон хабар медиҳад.

Дастаҳои ҷавонони Тоҷикистон, Камбоҷа, Лубнон ва Сингапур барои роҳхатҳои марҳилаи ниҳоии Ҷоми Осиё мубориза мебаранд. Дастаи мунтахаби ҷавонони Тоҷикистон бозии якуми худро дар ин мусобиқа 14 сентябр бо дастаи Сингапур анҷом медиҳад. Ин вохӯрӣ соати 20:00 дар Варзишгоҳи марказии Душанбе баргузор мешавад.

Мусобиқаи интихобии Ҷоми Осиё-2023 миёни дастаҳои ҷавонони то 20-сола 

Гурӯҳи «I» 

Иштирокчиён: ТОҶИКИСТОН, Камбоҷа, Лубнон, Сингапур.

Даври 1 

14 сентябр (чоршанбе)

17:00 – Камбоҷа – Лубнон

20:00 – ТОҶИКИСТОН – Сингапур

Даври 2

 16 сентябр (ҷумъа)

17:00 –  Сингапур –  Камбоҷа

20:00 – Лубнон – ТОҶИКИСТОН

Даври 3 

18 сентябр (якшанбе)

17:00 – Лубнон – Сингапур

20:00 – ТОҶИКИСТОН – Камбоҷа

Эзоҳ: Ҳама бозиҳо дар Варзишгоҳи марказии Душанбе баргузор мешаванд.

Акс: ФФТ