Гузаргоҳи марзии Ҷартеппаи Узбекистон муваққатан баста мешавад

Сентябрь 3, 2022 15:20

ДУШАНБЕ, 03.09.2022 /АМИТ «Ховар»/.  Тайи даҳ рӯз — аз 5 то 16 сентябр  гузаргоҳи сарҳадии Ҷартеппаи Узбекистон, ки бо Саразми Панҷакенти Тоҷикистон  ҳаммарз мебошад, муваққатан баста мешавад, иттилоъ медиҳад АМИТ «Ховар» бо истинод ба Вазорати нақлиёти Ҷумҳурии Тоҷикистон.

Маҳдудият дар ин гузаргоҳи марзӣ, ки  беш аз 10 шабонарӯз идома меёбад, ба баргузории нишасти сарони кишварҳои Созмони ҳамкории Шанхай (СҲШ), ки 15-16 сентябр дар шаҳри Самарқанд доир мегардад, иртибот дорад. Бо сабаби нишасти Сарони давлатҳои СҲШ мақомоти Узбекистон ҳатто фурудгоҳи Самарқандро барои се рӯз мебанданд.

Гузаргоҳи Ҷартеппа дар рӯ ба рӯи гузаргоҳи Саразми Тоҷикистон, дар марзи ноҳияи Ургути вилояти Самарқанди Узбекистон бо ҷамоати Саразми шаҳри Панҷакенти вилояти Суғди Тоҷикистон ҷойгир шудааст. Аз ин гузаргоҳ аз тарафи Тоҷикистон асосан сокинони Панҷакенту ноҳияи Айнӣ, онҳое, ки ба тамошои Самарқанду Бухоро мераванд ва  ҳам онҳое, ки аз тариқи фурудгоҳи Самарқанд бо нархҳои арзонтар ба Русия сафар мекунанд, истифода мебаранд.

Инчунин  5-16 сентябр барои ҳаракати шаҳрвандон ва воситаҳои нақлиёт тавассути ин нуқтаи гумрукӣ маҳдудияти муваққатӣ ҷорӣ мегардад. Ин маҳдудият  чанд мавриди истисноӣ дошта, дар ҳолатҳои зерин татбиқ намегардад:

  • ба кормандони ташкилоти дипломатӣ ва байналмилалӣ;
  • ба шахсоне, ки ба ҳайатҳои расмӣ (ҳукуматӣ) дохил мешаванд;
  • ба кормандони ташкилоти хориҷӣ, ки дар доираи лоиҳаҳои сармоягузорӣ дар Ҷумҳурии Узбекистон фаъолият мекунанд;
  • ба ронандагоне, ки ба ҳамлу нақли байналмилалии бор машғуланд;
  • ба шаҳрвандони хориҷӣ ва шахсони бешаҳрвандӣ, ки дар Узбекистон доимӣ зиндагӣ мекунанд;
  • ба шаҳрвандони Узбекистон, ки дар Тоҷикистон доимӣ зиндагӣ мекунанд;
  • ба шаҳрвандони Узбекистон ва Тоҷикистон, ки ба ватанашон бармегарданд;
  • ба шаҳрвандони кишвари сеюм, ки ба Тоҷикистон мераванд.

АКС аз манбаъҳои боз

Сентябрь 3, 2022 15:20

Хабарҳои дигари ин бахш

Дар Москва машваратҳои байниидоравии вазоратҳои корҳои хориҷии Тоҷикистону Русия доир гардиданд
Дар Ашқобод 34-солагии Истиқлоли давлатии Ҷумҳурии Тоҷикистонро ҷашн гирифтанд
Сарвазири Ҷумҳурии Тоҷикистон бо ҳайати вакилони Парлумони Аврупо мулоқот намуд
Дар Вена даври дувоздаҳуми машваратҳои сиёсӣ байни Тоҷикистон ва Австрия доир гардид
Сироҷиддин Муҳриддин дар нишасти вазирони корҳои хориҷии кишварҳои аъзои Созмони ҳамкории исломӣ ва арабӣ иштирок намуд
Дар Сеул 34-солагии Истиқлоли давлатии Ҷумҳурии Тоҷикистон таҷлил гардид
Дар шаҳри Риёз 34-солагии Истиқлоли давлатии Ҷумҳурии Тоҷикистон таҷлил карда шуд
Сафири Тоҷикистон бо Ректори Академияи дипломатии байналмилалии Тунис мулоқот намуд
Дар Кувайт 34-солагии Истиқлоли давлатии Ҷумҳурии Тоҷикистон таҷлил карда шуд
Сафири Тоҷикистон ба Вазири корҳои хориҷии Ҷумҳурии Тунис эътимоднома тақдим кард
Намояндаи Тоҷикистон дар Анҷумани муҳитизистии раёсати амалкунандаи САҲА иштирок намуд
Сафири Тоҷикистон бо Раиси Федератсияи корхонаҳои хурду миёнаи Корея мулоқот намуд